Oseas 2:23 - Qheshwa Biblia DC

²³ Aylluyta tarpuykusaj jallp'aman noqa sapallaypaj, khuyakusaj Lo-ruhamanta, Lo-amitataj: Qanmin aylloyqa kanki, nispa. Paytaj niwanqa: Qanmin Diosneyqa kanki!, nispa.

DIOSPA QHELQACHISQAN DEUTEROCANONICAL

²³ 23 (25) Aylluyta kay jallp'api munayniyta ruwananpaj sayachisaj, jinataj noqallapaj kanqa. Khuyakusaj Lorrujamanta, Loamitataj nisaj: Qanmin aylluy kanki, nispa. Paytaj kutichiwanqa: Qanmin Diosniy kanki, nispa.

DIOSPA QHELQACHISQ

²³ 23 (25) Aylluyta kay jallp'api munayniyta ruwananpaj sayachisaj, jinataj noqallapaj kanqa. Khuyakusaj Lorrujamanta, Loamitataj nisaj: Qanmin aylluy kanki, nispa. Paytaj kutichiwanqa: Qanmin Diosniy kanki, nispa.

Oseas 2:23 ပူးပေါင်းရင်းမြစ်များ

Salmos 118:28

Graciasta qoyku Dios kasqaykimanta. Jatun kayniykimanta yupaychayki.

Salmos 22:27

Tukuy laya runas, tukuy llajtas, tukuy kay pachamanta runas, Señormanta yuyarikuychej, payman jamuychej, qonqorikuychejtaj ñaupaqempi.

Salmos 68:31

Egiptomanta kurajkuna kachasqa jamonqanku, Etiopía runas usqhayllata makisninkuta Diosman oqharenqanku.

Salmos 72:16

Naciompeqa ashkha trigo kachun, orqo puntaspipis ashkha kachun. Grano p'utumuchun Libanopi sach'as jina, trigoj poqoynintaj campo qhora jina kachun.

TAKIYKUNA 2:16

Noqaj munasqayqa noqajta, noqapis papata kani. Payqa ovejasninta rosa t'ikas ukhupi michin.

Isaías 44:5

Chaypacha sapa uj nenqanku: Noqaqa Señorpata kani, ujtaj nenqa: Noqaqa Jacobpa m irayninmanta kani, nispa. Ujnin kajtaj makinwan qhelqanqa, noqaqa Señorpata kani, apellidontataj Israelta churakonqa.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Jeremías 30:22

Paykuna aylluy kanqanku, noqataj Diosninku kasaj. Noqa Señor chayta nini.

Jeremías 31:27

Señorqa nin: Qhepa p'unchaykunapi Israelpi, Judapipis runas mayta miranqanku, jinallataj uywaspis.

Jeremías 32:38

Paykuna aylluy kawanqanku, noqataj Diosninku kasaj.

Jeremías 33:26

Mana jayk'ajpis qhesachasajchu Jacobpa mirayninta, nitaj kamachiy Davidpa miraynintapis, nitaj saqesajchu kamachejkunata sayarichiyta, Abrahampa mirayninmanta, Isaacpamanta, Jacobpamantapis; imaraykuchus wijch'usqa kajkunata kutichimusaj, khuyakusajtaj.

Ezequiel 36:29

Ama ch'ichichakunaykichejpaj noqa waqaychasqaykichej. Trigota poqochipusqaykichej, manataj ujtawan yarqhaywan ñak'arichisqaykichejñachu.

Oseas 1:6

Gomer watejmanta wijsallikullarqataj, uj warmi wawatañataj nacechikorqa. Señor nillarqataj Oseasman: Chay warmi wawata sutichanki, Lo-ruhamata imaraykuchus Israel reinomanta manaña khuyakusajchu. Mana paykunata perdonasajchu.

Oseas 8:2

Chaykamataj jamuwanku noqaman qhaparispa: Qanta rejsikapuyku Israelpa Diosnimpaj jina!, nispa.

Zacarías 10:9

Tukuy llajtasnejta noqa ch'eqeracherqani, chaywampis may karupi kashaspapis noqamanta yuyarikuwanqankupuni. Uj p'unchaytaj kutimonqanku wawasninkuwan khuska.

Zacarías 14:16

Chay qhepatarí, Jerusalempa contrampi maqanakonqanku chay kikin llajtasmanta puchojkunataj watan watanta renqanku Reyta yupaychaj, chay Tukuy Atiyniyoj Señorta. Ramadas nisqa fiestataj Payman ruwanqanku.

Zacarías 14:9

Chay p'unchaypeqa Señorlla kamachenqa tukuynin jallp'api. Chaypacha uj k'ata Señorlla kanqa, uj k'atallataj sutimpis kanqa.

Zacarías 2:11

Kayta rikuspa ashkha runakuna Señorman chimpamonqanku. Paytaj nenqa: Kay runakuna ayllullaytaj kanqanku, nispa. Jinamanta kausakusaj qankunawan khuska. Ajinamanta yachanaykichejpaj Tukuy Atiyniyoj Señor qankunaman kachamuwasqanta.

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

Romanos 3:29

Diosqa judiospa Diosnillanchu? Manachu gentilespatapis Diosnillantaj? Cheqamanta paykunajtapis Diosnillantaj.

Santiago 1:1

Noqa Santiago, Diospa kamachin, Señor Jesucristojtawan, Israelpa chunka iskayniyoj ayllusnin ch'eqerasqasman napaykamuykichej.