Oseas 2:20 - Qheshwa Biblia DC

²⁰ Noqa qanwan warmichakusaj, cheqamanta qanllapajtaj kasaj; qanrí, Señorta jina rejsiwanki.

DIOSPA QHELQACHISQAN DEUTEROCANONICAL

²⁰ 20 (22) Noqa qanwan casarakusaj, manataj piwanpis wasanchasqaykichu. Chaypachataj Tata Diosniyki kasqayta rejsiwanki.

DIOSPA QHELQACHISQ

²⁰ 20 (22) Noqa qanwan casarakusaj, manataj piwanpis wasanchasqaykichu. Chaypachataj Tata Diosniyki kasqayta rejsiwanki.

Oseas 2:20 ပူးပေါင်းရင်းမြစ်များ

Génesis 9:10

Qankunawan kaj animaleswampis jinallataj kanqa; mayqenkunachus arcamanta llojsinku: P'isqos, uywas, monte animales, tukuy animales mundopi kaj chhika.

Isaías 2:4

Señortaj nacionesta juzganqa, ashkha runastataj cheqanchanqa. Espadasninkuta arado rejasman tukuchenqanku, fierro choqanasninkumanta hocesta ruwakaponqanku. Nitaj mayqen naciompis maqanakunasninta waj naciompa contranta wakichikonqachu, nitaj ch'ajwapajpis oqharikonqachu.

Isaías 62:4

Manaña jayk'ajpis saqerpayasqa nisonqankuchu, jallp'aykipis manaña ch'in pachachu kanqa, manachayqa kusikuy nispa sutichasonqanku, jallp'aykitataj runayojña nenqanku. Señorpa munakuynin qampi kanqa. Jallp'aykeqa casarasqa jina kanqa.

Jeremías 24:7

Allin sonqota qosaj, noqa Señorninku kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus tukuy sonqowan kutirimpuwanqanku.

Jeremías 30:10

Noqa Señor nillanitaj: Jacobpa ayllun kamachiy, ama mancharikuychu. Qan, Israel, ama mancharikuychu. Qanta, wawasniykitapis noqa kacharichimusaj, chay karu llajtasmanta, maypichus wijch'usqas kashankichej chaymanta. Watejmanta sonqo tiyasqa kaypi tiyakunki, ch'inllapi mana pejpa mancharichinan.

Jeremías 32:41

Noqa kusikusaj paykunata allinman churaspa, tukuy sonqowan, tukuy cheqan kayninwantaj paykunata kay jallp'api tiyachisaj.

Jeremías 9:24

Sichus pipis munanman runaykachayta chayqa, noqata rejsiwasqanmanta runaykachachun, noqa Señormin, Diosnintaj kasqaymanta, pichus kay jallp'api ruwarqa, munakuypi, justiciapi, cheqan kaypitaj chaymanta. Chaymin noqataqa kusichiwan. Noqa Señormin chayta nini.

Ezequiel 16:62

Noqa qanwan tratoyta mosojyachisaj. Chantá yachanki noqa Señor kasqayta.

Ezequiel 16:8

Maypichus kasharqanki chayninta ujtawan pasallarqanitaj, chaypachataj qhawarerqayki, munakunapaj jina kasharqanki. P'achaywantaj tukuy q'ala ukhuykita qhataykorqayki. Qanta parlapayarqayki, uj tratota qanwan ruwarqani, noqajtataj karqanki. Noqa Señormin chaytaqa nini.

Ezequiel 34:25

Sonqo tiyaykuchej tratota paykunawan ruwasaj, jallp'amantaqa tukuy millay khurusta wijch'usaj, ovejasniy mana ima llakiyniyoj ch'in pampaspi tiyakunankupaj. Orqospitaj mana ima llakiyniyoj puñukonqanku.

Ezequiel 34:27

Campospi kaj sach'asqa sumajta poqonqanku. Jallp'astaj sumaj poqoyta qonqanku. Ajinamanta ovejasneyqa kikin jallp'ankupi mana ima llakiyniyoj kausanqanku. Noqa aylluyta kacharichisaj, pikunachus ñak'aricherqanku chaykunaj makisninmanta, chaypacharaj noqa Señor kasqayta yachanqanku.

Ezequiel 38:23

Ajinamanta sut'inchasaj may jatun kasqayta, nitaj llimphu kasqayta. Rejsisqa kasaj ashkha runaspa ñaupaqempi, yachanqankutaj noqa Señor kasqayta.

Oseas 13:4

Señor nin: Noqa Señor Diosniyki kani Egiptopi kasqaykimantapacha: Ama pitapis Diosniykipaj jina rejsiychu manachayqa noqallata, noqallamin salvajniykeqa kani.

Oseas 2:19

Israel, noqa qanwan casarakusaj wiñaypaj, kunanmanta cheqa k'ata warmiy kapuwanki leypa nisqanman jina, imaraykuchus tukuy kayniywan munakuyki.

Oseas 6:6

Noqaqa astawan munani munakunawaykichejta, manataj sacrificiosllatachu apachimunawaykichejta. Munani Diosniykichejta jina rejsinawaykichejta, manataj q'olachinasllatachu apamunawaykichejta.

Levítico 26:5

Trigo oqharisqaykichejqa uvas pallanaykichejkama kanqa. Uvasniykichejtaj kapusonqachej tarpuy tiempokama. T'antata mikhunkichej sajsakunaykichejkama. Tukuy sonqo allinta tiyakunkichej chay jallp'api.

Levítico 26:6

Qankunaman qosqaykichej allin kakuyta chay jallp'api, manataj pata patallatachu puñunkichej; noqa chay jallp'ata jark'asaj sajra monte animalesmanta, jinallataj ch'ajwasmanta.

Miqueas 4:3

Ashkha naciones ukhupi Señor juzganqa, may chhika llajtaspa phiñankuykunasninkutataj tukuychanqa, may karumanta kajkunajpatapis. Paykunaqa chay t'ojsinasninkutaqa aradosman tukuchenqanku, lanzasninkutapis hocesman tukuchenqanku. Ni mayqen llajta oqharillanqatajchu armasninkuta wajpa contrampi maqanakupaj, nitaj guerrapajpis yachachiykunasta jap'enqankuchu.

Zacarías 9:10

Paymin Efraimpa carrosninta phirenqa, Jerusalempa caballosninta chantá maqanakupi k'uru k'aspisninkutapis. Paymin tukuy llajtakunaman kusiy kausaymanta willaranqa, kamachenqataj uj mar qochamanta uj mar qochakama, Eufrates mayumanta kay pachaj waj k'uchunkama.

San Mateo 11:27

Tatayqa, tukuy imata noqaman qowarqa. Mana pipis Churinta rejserqachu, Dios Tatalla rejserqa; Dios Tatatapis nillataj pipis rejserqachu, Churillan paytaqa rejserqa; pimantajchus Chureqa rejsichiyta munanman, chaylla.

San Lucas 10:22

Tukuy imata Tatay qowarqa. Mana pipis yachanchu pichus Churi kasqanta. Chaytaqa Dios Tatalla yachan. Nitaj pipis yachanchu pichus Tata kasqanta, manachayqa Churilla yachan; pimantajchus Churi rejsichiyta munan chaylla.

San Juan 17:3

Kaymin chay wiñay kausayqa: Qan k'ata cheqa Diosta rejsisunanku, kachamusqayki Jesucristotapis.

San Juan 8:55

Qankunaqa mana payta rejsinkichejchu, noqataj rejsini. Noqachus mana rejsinichu niyman chayqa, qankuna jina llulla kayman. Noqa payta rejsini, palabrantataj waqaychani.

2 Corintios 4:6

Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.

Filipenses 3:8

Cheqamanta tukuy imata chinkasqasta jina qhawani Señor Jesucristota allinta rejsisqayrayku. Paypa munakuyninraykutaj tukuy imata saqepuni. Chaykunataqa q'opata jina qhawani, Cristojta kanaypaj.

Colosenses 1:10

Mañakuyku Señorpa munayninman jina purinaykichejpaj, tukuy imapi Diosta kusichispa, allin poqoyta apaspa, tukuy ima allin ruwaypi, ajinamanta wiñaspataj, Diosta rejsinaykichejpaj.

2 Timoteo 1:12

Chayrayku ñak'arishani kay tukuy imaspi. Chaymantaqa mana p'enqakunichu, imaraykuchus allinta yachani pipichus creesqayta, atiyniyojtaj kasqanta waqaychanampaj chay imatachus qowasqanta jamoj p'unchaykama.

Hebreos 8:11

Manaña pipis runa masinta yachachenqañachu, nitaj wauqentapis nenqachu: Señorta rejsiy, imaraykuchus tukuy rejsiwanqanku, sullk'amantapacha kurajninkukama.

1 Juan 4:6

Noqanchejqa Diosmanta kanchej. Pichus Diosta rejsin chayqa, uyariwanchej. Diosta mana rejsejrí, mana uyariwanchejchu. Chay jinamanta cheqa Espirituta rejsinchej, pantachej espiritutapis.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.