Oseas 2:14 - Qheshwa Biblia DC

¹⁴ Chayrayku munakuyta qallarisaj, ch'in pampamantaj pusaspa chaypi sonqonman parlamusaj.

DIOSPA QHELQACHISQAN DEUTEROCANONICAL

¹⁴ 14 (16) Chaywanpis aswan qhepaman noqaqa sonqonta ujtawan suwasaj. Ch'insitunejman payta pusaspa, sonqonman may misk'ita parlaykusaj.

DIOSPA QHELQACHISQ

¹⁴ 14 (16) Chaywanpis aswan qhepaman noqaqa sonqonta ujtawan suwasaj. Ch'insitunejman payta pusaspa, sonqonman may misk'ita parlaykusaj.

Oseas 2:14 ပူးပေါင်းရင်းမြစ်များ

Génesis 34:3

Chaywampis anchatapuni munapayarqa Leaj wawan Dinata casarakuytapuni munaspa, imaymanatataj ruwarqa munachikuyta munaspa.

Job 36:16

Qantapis may jatun llakiymanta orqhosunki, ashkha imasta qosunki; ni imamanta yuyarispataj kusisqa tiyakunki. Sumaj k'acha misk'i mikhunaswantaj mesaykiman junt'aykuchipusunki.

TAKIYKUNA 1:4

Pusarikuway ari; iskayninchej khuska risunchej. Reyníy, wasiykiman pusakapuwan ari. Qanwan may kusiywan kusikusunchej; chaypitaj yuyarisunchej munakuwasqaykimanta, vinomantapis aswan misk'i chayta. Chayrayku qanta sipaskunaqa mayta munakusunku.

Isaías 30:18

Chaywampis, Señorqa qankunaman khuyakuyninta rikuchinasuykichejpaj suyashasunkichej. Chayrayku, payqa mayta suyashasunkichej munakuyninta rikuchisunaykichejpaj. Señorqa cheqanta ruwajmin. Paypi atienekojqa kusikuyniyojmin.

Isaías 5:5

Kunanqa, uvas sach'asniywan imanasajchus chayta nisqaykichej: Perqasninta thuñisaj, jinamanta chinkanqa, perqasninta urmarachisaj, tukuy sarunankupaj.

Jeremías 16:14

Chaywampis waj tiempopi chayamorqa, noqa Señor chayta nini, chaypeqa manaña jurankichejchu, nispa: Señorpa kausayninrayku, pichus israelitasta Egipto jallp'amanta orqhomorqa, nispa.

Jeremías 2:2

Riy parlamuy Jerusalén llajtaman; Qhapariy allinta uyarinankupaj jina: Ajinata nin Señorqa: Yuyarikuni maypachachus qan sipasllaraj kashajtiyki noqaman allin kawarqanki, maypachachus warmiypaj aysarikorqayki chaypacha munakuwaj karqanki, ch'in pampasnejta, mana jayk'aj tarpusqa jallp'asnejta qhatiwarqanki.

Jeremías 45:4

Ajinata nin Señorqa, qanta niyki: Sayachisqayta noqa urmachini, plantasqaytataj t'irani. Ajinallatataj ruwasaj tukuy jallp'api kajkunawan.

Ezequiel 20:10

Egipto jallp'amanta orqhospa paykunata ch'in pampaman pusarqani.

Ezequiel 20:33

Noqa Señormin kausayniyrayku jurani. Jatun atiyniywan, phiñakuywan jasut'ispataj qankunata kamachisqaykichej.

Oseas 2:3

Mana chayqa imaynatachus nacerqa chay p'unchaypi jina q'alallata saqesaj, ch'aki jallp'a ch'in pampaman tukuchisaj, yaku ch'akiywantaj wañuchisaj.

Miqueas 1:7

Tukuy lantikunasnimpis t'unasqas qhepakonqanku, tukuy lanti k'aspisninkupis ruphachisqas qhepakonqanku. Imaynatachus qhenchakunaspa qolqesninkuwan ruwasqas karqanku; ajinallatataj ujtawan qhenchaspa qolqellanmantaj tukuchisaj.

Miqueas 4:10

Sión llajta, wijsayoj warmi nanayninwan jina q'ewiykachakuy qhapariytaj, imaraykuchus runasniyki qanmanta llojsenqanku, q'ara pampapi tiyamonqanku, Babiloniakamataj chayanqanku. Jinapis Señor chaypi ayllunta kacharichejqa, enemigosninmanta salvanqa.

San Juan 12:32

Noqachus jallp'amanta oqharisqa kasaj chayqa, chaypacha tukuy runata noqaman pusamusaj.

San Juan 6:44

Mana pipis noqaman jamunmanchu, manachus kachamuwaj Tatay pusamunman chayqa, noqataj qhepa p'unchaypi payta kausarichisaj.

Apocalipsis 12:14

Warmimantaj jatun ankajpa iskaynin lijrasninta qorqanku, phawanampaj katarej qayllanmanta ch'innejman, maypichus tiyakun chayman, maypitajchus mikhuchinku uj tiempopaj, tiempospaj, khuskan tiempopaj ima.

Apocalipsis 12:6

Chay warmitaj ch'inman ayqerqa, maypichus uj cheqata Dios paypaj wakicherqa chayman. Chaypitaj waranqa iskay pachaj sojta chunkayoj p'unchayta payman mikhucherqanku.

Jueces 19:3

Levitaqa warminta mask'amoj rerqa, paywan tiyakapoj kutipunanta parlanampaj. Payqa aparqa uj kamachita iskay burrostawan ima, warmintaj tatampa wasinman pusaykorqa.