Oseas 2:13 - Qheshwa Biblia DC

¹³ Jasut'isaj chay lantisninkuman inciensosta q'osñichispa tiemponkuta usuchisqankuman jina. Noqamanta qonqapuspa, anilloswan jinataj collareswan t'ikanchaykukuspa chay munasqasninta qhatiykachasqanmanta. Noqa Señor chayta nini.

DIOSPA QHELQACHISQAN DEUTEROCANONICAL

¹³ 13 (15) Payqa lantikunata yupaychaspa, inciensota q'oshñicherqa. Chantá jaluchukunawan, walqakunawan ima t'ikanchaykukuspa, waynankunaj qhepanta rerqa. Noqarí, mashkha kutitachus pay noqamanta qonqaspa, chayta ruwasqanman jina payta jasut'isaj. Noqa Tata Diosmin chayta nini.

DIOSPA QHELQACHISQ

¹³ 13 (15) Payqa lantikunata yupaychaspa, inciensota q'oshñicherqa. Chantá jaluchukunawan, walqakunawan ima t'ikanchaykukuspa, waynankunaj qhepanta rerqa. Noqarí, mashkha kutitachus pay noqamanta qonqaspa, chayta ruwasqanman jina payta jasut'isaj. Noqa Tata Diosmin chayta nini.

Oseas 2:13 ပူးပေါင်းရင်းမြစ်များ

2 Reyes 1:2

Ocoziastaj Samariapi wasimpi kashaspa ventanamanta urmaykamorqa. Ajinamanta onqosqa kashaspa kamachisninta kacharqa: Riychej, Ecrón llajtaj diosnin Baal-zebubta tapurimpuwaychej thañikapusajchus manachus chayta, nispa.

2 Reyes 10:28

Ajinata Jehoqa Israelpi chinkacherqa Baaltaqa.

2 Reyes 21:3

Tatan Ezequiaspa orqos patapi altar ruwachisqanta, watejmanta ruwarqa, Baalpaj altaresta wakicherqa, Asera lantita ruwallarqataj, Israelmanta rey Acab ruwarqa ajinata. Janaj pachamanta tukuy qoyllurkunaman qonqorikorqa, yupaycharqataj.

Job 8:13

Kikillantaj kayta atin pikunachus Diosta qonqapunku chaykunawampis, sajra runaspa may jinata yuyaspa suyasqankoqa chinkapullantaj.

Salmos 106:13

Paykunaqa usqhayllata Diospa ruwasqasninmanta qonqaporqanku, manataj Diospa yuyaychasqanta suyarqankuchu.

Salmos 106:21

Paykunaqa salvaj Diosninkuta qonqarqanku, mayqenchus paykunata salvan. Egiptopi jatuchaj t'ukuna imasta ruwajta qonqarqanku.

Salmos 78:11

Astawanqa Diospa ruwasqasninmanta qonqaporqanku, chay sumajkunata rikuchisqasninmantawan.

Éxodo 32:34

Kunanqa rispa israelitasta pusay, maymanchus noqa pusay nerqayki chayman. Chaymantaj noqaj angelniy pusasonqa. Mayk'ajchus jasut'iy p'unchay chayamonqa, chaypacha noqa juchasninkumanta jasut'isaj paykunata.

Isaías 17:10

Qanqa salwajniyki Diosta qonqaporqanki. Mana qanqa jark'asoj chhankamanta yuyarikorqankichu. Astawampis qanqa sumaj sach'asta plantarqanki, waj dioskunata yupaychanallaykipaj.

Isaías 65:7

Chantá Señorqa nillantaj: Juchasniykichejrayku, ñaupa tatasniykichejpa juchasninrayku ima, paykunaqa orqo puntaspi inciensosta ruphacherqanku, jinallataj loma pataspipis. Chayrayku noqaqa ñaupa juchasniykichejman jina pagota qopusqaykichej. Señorqa chayta nerqa.

Jeremías 11:13

Judajta tiyan may chhika dioskunasnin llajtasninku chhikallataj. Jerusalempi tiyakojkunataj may chhika altaresta oqharinku Baalman inciensota q'osñichinankupaj, chay llajtapi callesnin chhikallataj.

Jeremías 18:15

Aylloyqa qonqarparipuwan, chay qhasi dioskunasninmantaj inciensosta jaywakapun. Chay ñaupa cheqan ñanmanta chinkarparin, waj mana rejsisqa ñankunasta qhatiykuspa.

Jeremías 2:32

Qonqakapunmanchu uj warmi chay k'achanchakunasninmanta, jinallataj casarakapoj warmi k'achanchakunasninta? Chaywampis aylloyqa astawanraj noqamantaqa qonqakaporqa.

Jeremías 23:2

Israelpa Señor Diosnin nillantaj, paypa ayllunta kamachinku chaykunaman: Qankunamin ovejasniyta ch'eqerachinkichej, ayqerachinkichejtaj, manataj allintachu qhawarqankichej. Noqapis jasut'isqaykichej sajra ruwasqasniykichejmanta. Noqa Señor chayta nini.

Jeremías 7:34

Judá llajtapi jinallataj Jerusalén callespipis fiestaspi tusuykunata, takiykunata, jinallataj casarakupi takiykunatapis chinkachisaj. Tukuynin jallp'ataj ch'in pampaman tukuchisqa kanqa.

Jeremías 7:9

Qankunaqa suwankichej, wañuchinkichej, qhenchachakunkichej, manakajmanta jurankichej, Baalkunasman inciensota q'osñichinkichej. Qankunaqa mana rejsisqa lantista yupaychankichej.

Lamentaciones 1:4

Sión llajtaj ñankunasnenqa ch'impacha llakiy, mana pipis jatun fiestanman jamoj kanchu. Llajta punkusqa tukuynin thuñisqas, ch'impachataj; chaynejta sacerdotesqa jik'un jik'unta waqarikunku; llimphu sipaskunasninkoqa manchay llakisqas kanku; Jerusalenqa phutiypa atipasqan kashan.

Lamentaciones 5:14

Punkuspi tiyakoj machu runaspis manaña rikukunchu. Waynakunaj takisqankupis manaña uyarikunchu.

Ezequiel 16:12

Senqaykiman uj sortejata churaykorqayki, ningrisniykimantaj zarcillota, umaykimantaj uj k'acha pilluta churarqayki.

Ezequiel 16:17

Noqa qorqayki qorista, qolqetawan, chaykunamanta runaman rijch'akojkunata ruwakorqanki, chaykunawantaj qhenchachakorqanki.

Ezequiel 22:12

Wakin qampi tiyakojkunamanta qolqeta lluk'ichikunku waj runasta wañuchinampaj. Qolqeta mañarinku mirayniyojta orqhonankupaj. Runa masisninkuta ch'aukiyanku, ñak'arichinkutaj. Noqamantataj qonqakaporqanku. Noqa Señormin kaytaqa nini.

Ezequiel 23:35

Chayrayku noqa Señorqa nini: Noqamanta qonqasqaykirayku, wasanchawasqaykiraykutaj qan jasut'isqa kanayki tiyan, munayniykipi purisqaykimanta, qhenchachakuy juchaspi kausasqaykimantawan.

Oseas 11:2

Noqa payta astawan wajyasqayrayku, astawan pay noqamanta t'aqakapushawarqa. Aylloyqa jaywasharqa rikuchikusninta qhasi llulla dioskunallaman, inciensostataj q'osñichisharqa lantisman.

Oseas 13:1

Maypachachus Efraimpa runasnin parlashajtinkoqa Israelmanta waj ayllukunataj respetowan qhawarqanku; Efrainrí, maypachachus Baalta yupaychasqanrayku juchallikuspa wañorqa.

Oseas 13:6

Pero maypachachus mikhunawan atipachikorqankichej chaypachaqa, sonqoykichej ukhupi mayta runaykachaspa noqata qonqarparipuwarqankichej.

Oseas 2:5

Maman qhenchachakorqa, honranta t'akarqa kay jinata nispa: Risaj mask'amusaj munasqasniyta, paykuna qowanku t'antayta, ujyanayta, millmayta, linoytapis, chantá aceiteyta ujyanasniytapis.

Oseas 2:7

Munasqa qharisninta qhatiykonqa. Chaypacha nenqa: Kutiykapusaj ñaupa qosayman, imaraykuchus paywan kunanmanta aswan sumajta purej kani, nispa.

Oseas 4:13

Jatun orqo puntaspi juch'uy orqo puntaspipis inciensosta q'oshñichinku jaywankutaj rikuchikusta; jinallatataj roble sach'as uraspi, alamospapi encinaspa phatu llanthusnin uraspipis. Chayrayku warmi wawasniykichej qhenchachakunku, ñojch'asniykichejpis waj qhariswantaj qhenchachakullankutaj.

Oseas 4:6

Aylloyqa mana yuyayniyoj, chayrayku chinkachisqa karqa. Qantajrí, sacerdote, yachayta qhesacharqanki, noqapis qhesachasqayki sacerdoteypaj kanaykita. Qan qonqaporqanki Diosniykimanta yachachiykunasta, jinata noqapis qonqapusaj mirayniykimanta.

Oseas 8:14

Israelqa oqharin palaciosta, chay ruwajninmantataj qonqakapun. Judapis oqharin ashkha llajtasta sinch'i ruwasqasta, noqataj chay tukuyta ninapi q'olachisaj tukuy palaciosnintinta ruphanampaj.

Oseas 9:7

Chayamunkuña jasut'ina p'unchaykunaqa! Ña chayamunkuña ruwasqankuman jina pagana p'unchaykunaqa! Israelpis yachanqa chay p'unchaykuna chayamusqankuta! Qankuna ninkichej: Profetaqa wampu, yuyaychasqa runapis ancha uman muyusqa, nispa. Pero chay tukuyta ninkichej juchawan junt'as kasqaykichejrayku, jinataj jatun phiñakuywan junt'as kasqaykichejrayku.

Amós 8:10

Wañusqasmanta waqayman fiestasniykichejta tukuchisaj. Takisqasniykichejtapis aya p'ampaypi waqayman tukuchisaj. Luto p'achasta churachisqaykichej. Umasniykichejta ruthuchisqaykichej, llakiypi kasqaykichej yachakunampaj. Waqankichejtaj uj runa k'ata wawan wañupojtin waqan jinata. Tukuy ima tukukonqa may llakiypi.

Deuteronomio 32:18

Israel qanqa qonqapunki jark'akusoj tataykimanta. Kausayta qosoj Diosniykimanta.

Deuteronomio 6:12

Chaypacha amapuni Señorta qonqapunkichejchu. Paymin Egiptomantaqa orqhomusorqachej kamachis kashajtiykichej.

Jueces 10:6

Israelitasqa watejmanta ruwallarqankutaj Señorpa contranta, yupaychaspa Baalman jinataj Astarteman rijch'akoj lantista, ajinallatataj Siriamanta dioskunasninkuta, Sidonmanta, Moabmanta, Amonmanta, jinataj Filisteojkunatawan. Señorta saqerparispa manaña yupaycharqankuchu.

Jueces 3:7

Israelitasqa qonqaporqanku Señor Diosninkuta, Paypa mana munasqantataj ruwarqanku, yupaycharqankutaj Baalman Astartemanwan tukuy laya rijch'aj lantista.

1 Samuel 12:9

Chay ñaupa tatasniykichejtaj Señor Diosninkumanta qonqaporqanku, Señortaj Sisaraj makisninman jaywaykorqa, chay karqa Hazorpa reynin Jabimpa soldadosnimpa kamachejnin. Chanta jaywallarqataj filisteosman, jinataj Moabpa reyninmampis. Paykunaqa ñaupa tatasniykichejwan maqanakorqanku.