Oseas 14:4 - Qheshwa Biblia DC

⁴ Señor nin: Noqa jampisaj juchachakusqankumanta; noqa munakusaj mana merecesqankuraykupis, imaraykuchus phiñakuyneyqa paykunamanta t'aqakapunña.

DIOSPA QHELQACHISQAN DEUTEROCANONICAL

⁴ Tata Dios nin: Mana kasukoj kasqaykichejta noqa jampisaj. Noqa tukuy sonqo munakusqaykichej mana munakunapaj jina kashajtiykichejpis, imaraykuchus phiñakuyneyqa tiyaykapunña.

DIOSPA QHELQACHISQ

⁴ Tata Dios nin: Mana kasukoj kasqaykichejta noqa jampisaj. Noqa tukuy sonqo munakusqaykichej mana munakunapaj jina kashajtiykichejpis, imaraykuchus phiñakuyneyqa tiyaykapunña.

Oseas 14:4 ပူးပေါင်းရင်းမြစ်များ

Salmos 10:14

Qan kikiyki rikunki may jatun sajra kayninkuta. Sajra kayninkutaqa rikunki. Chayrayku ruwasqankuman jina pagota qopunki. Qanmanqa mana piniyojkuna chayamusunku, qan wajcha runasta yanapanki.

Salmos 20:8

Paykuna llauchhiyanku urmankutataj. Noqanchejtaj sinch'illatapuni sayanchej.

Salmos 78:38

Diostaj paykunamanta khuyakoj, sajra kayninkuta pampachaj paykunata mana tukuchispa; ashkha kuti ithiricherqa phiñakuyninta, manataj phiñakuywan atipachikorqachu.

Éxodo 15:26

Nerqataj: Sichus qankuna Señor Diosniykichejpa parlasqanta tukuy sonqo uyariwankichej, ruwankichejtaj imatapis cheqanta noqaj ñaupaqeypi kamachiykunasniyta, waqaychankichejtaj imaschus ruwaykunasniyta chayqa, egipciosman apachimorqani chay onqoykunata ni mayqenta qankunaman apachimusqaykichejchu; imaraykuchus noqamin thañichejniykichej Señorqa kani.

Isaías 12:1

Chay p'unchaypi ninki: Graciasta qoyki, Señor, qanqa noqapaj maytapuni phiñakorqanki, chaywampis chay jina k'ajaj phiñakuyniykeqa manaña kanchu, astawampis sonqochawanki.

Isaías 55:1

Tukuy ch'akichikojkuna jamuychej yakuta ujyaj. Mana qolqeyojkuna jamullaychej, mikhullankichejtaj. Mana qolqellawan jamuspa jap'ikullaychej vinota, lechetapis.

Isaías 57:18

Imaynatachus purisqankuta rikuni, chaywampis noqaqa thañichisaj, michisaj, sonqochasaj, paykunata kusichisaj, jinallataj llakiywan waqajkunatapis.

Jeremías 14:7

Señor, juchasniykupis ch'ataykuwachuyku, ruway ari sutiyki may jatunchasqa kasqanrayku! Ashkha kutista qanmanta t'aqakorqayku, contraykipi juchallikorqayku.

Jeremías 17:14

Qan jampiway, Señor, jampisqataj kasaj. Qan salvaway, Señor, salvasqataj kasaj. Qanmin, Señor, yupaychanayqa kanki.

Jeremías 3:22

Mana kasukoj wawas noqaman kutirimpuwaychej, noqataj jampisqaykichej chay mana kasukoj kayniykichejmanta. Kaypi kashayku, qanmantaj chimpakamuyku, imaraykuchus qanllamin Señor Diosniykoqa kanki.

Jeremías 31:20

Efraín llajtaqa noqapaj munasqa waway jina; aswan munasqa kaj wawaj. Payta k'amini chaypis, manapuni paymanta qonqakapunichu, sonqoy wawayawajtin, mayta paymanta khuyakuni. Noqa Señor chayta nini.

Jeremías 33:6

Jinapis jampiykusaj, kausachisajtaj, sonqo tiyasqa kaypi waqaychasqa kaypi mayta kusikonqanku.

Jeremías 5:6

Chayraykumin montemanta leones llojsimuspa wañurachenqanku, chay ch'in pampamanta atojkunataj t'isaranqanku, onzaspis llajtasninku qayllapi qhatiykachanqanku. Llajtasninkumanta llojsejtinkutaj paykunata t'isaranqanku, imaraykuchus ashkha kutista juchallerqanku, ashkha kutistataj wasanchararqanku.

Jeremías 8:22

Manachu ima jampipis Galaad llajtapi kanman? Manachu jaqaypi pipis jampiykurejqa kanman? Imaraykutaj kay aylloyqa mana walejyakuyta atinchuri?

Ezequiel 33:14

Sichus juchapi purej runata noqa nisaj: Cheqamanta qan wañunki; paytajchus juchamanta kutirikunman, allinta purinman cheqan imasta ruwaspa, chantapis prenda jap'isqanta, suwakusqasnintataj kutichipunman, manañataj sajra imasta ruwanmanñachu, aswampis kausanampaj churasqa kamachisqaman jina purinman chayqa, cheqamanta kausanqa, manataj wañonqachu.

Ezequiel 36:36

Muyuyniykichejpi qhepakoj ayllus yachanqanku, t'unaykusqa karqanku, chay llajtasta noqa watejmanta sayarichisqayta. Ch'in pampaman tukuchisqa karqa chay jallp'apitaj noqa poqochisqayta. Noqa Señor parlani, ruwasajtaj.

Oseas 11:7

Israel aylloyqa noqamanta karullapipuni kayta munashan. Mayta oqharerqanku pataman, ni pipis paykunata yanapanchu.

Oseas 2:19

Israel, noqa qanwan casarakusaj wiñaypaj, kunanmanta cheqa k'ata warmiy kapuwanki leypa nisqanman jina, imaraykuchus tukuy kayniywan munakuyki.

Oseas 6:1

Tukuy jamuychej, Señorman kutirimpuychej. Pay phiriwarqanchej, jinapis payllataj jampiwasunchej. Nanachiwarqanchej, payllataj sanoyachiwasunchej.

Sofonías 3:17

Señor Diosniykeqa qanwan khuskamin kashan. Atiyniyojmin payqa, salvasonqataj! Señortaj kusikonqa qanmanta. Munakuyninwan mosoj kausayta qosonqa. Fiestapi jina kusikuynimpi takenqa.

Números 25:4

Chaymanta Moisesman nerqa: Israelitaspa tukuy kurajkunasninta tantachiy; paykunatataj noqaj ñaupaqeypi wañurachiy p'unchaypi sumajta inti k'ancharimushajtin. Ajinamanta k'ajaj phiñakuypis israelitasmanta qhechukonqa.

Romanos 3:24

Diospa khuyakuyninrayku, qhasimanta cheqan runaspaj qhawasqas kanku, Cristo Jesusnejta salvación kasqanrayku.

2 Timoteo 1:9

Pay salvawarqanchej, wajyawarqanchejtaj llimphu kausayman, mana allinta ruwasqanchejraykuchu; astawanqa paypa munakuyninrayku, khuyakuyninrayku ima. Diosqa wajyawarqanchej Cristo Jesuspi, manaraj kay pacha ruway qallarikushajtin.

Tito 3:4

Maypachachus Dios Salvadorninchej rikucherqa khuyakuyninta munakuynintawan runakunaman, chaypacha salvawarqanchej. Mana noqanchej ima allinta ruwasqanchejraykuchu, astawanqa khuyakuyninrayku. Mayllawarqanchejtaj mosoj kausaypaj; Santo Espiritunejta mosojyachisqas kananchejpaj.