Oseas 14:2 - Qheshwa Biblia DC

² Señorman kutiriychej, kay jina mañakuywan qayllaykuychej. Perdonapuwayku tukuy juchasniykumanta, kay allin ruwasqasniykutataj jap'iy, kay yupaychaykunasta apamusqaykutapis jap'iy.

DIOSPA QHELQACHISQAN DEUTEROCANONICAL

² Tata Diosman kutirikuychej, kay jinata mañakuspataj, qayllaykuychej: Pampachapuwayku tukuy juchaykuta, simiykuwan yupaychasqaykutataj jap'ikuy.

DIOSPA QHELQACHISQ

² Tata Diosman kutirikuychej, kay jinata mañakuspataj, qayllaykuychej: Pampachapuwayku tukuy juchaykuta, simiykuwan yupaychasqaykutataj jap'ikuy.

Oseas 14:2 ပူးပေါင်းရင်းမြစ်များ

2 Samuel 12:13

Davidtaj Natanman nerqa: Señorpa contrampi juchallikuni. Natantaj kuticherqa: Chay juchallisqaykimanta, Señorqa mana jasut'isonqachu, manataj wañunkichu.

2 Samuel 24:10

Davidtaj juchallisqanta reparakorqa ayllumpi runasta yupachisqanrayku, Señormantaj juchanta willakorqa: Sinch'ita juchallini kay imasta ruwaspaqa. Chayrayku Señor, mañarikuyki kay kamachiykej juchanta perdonanaykita, noqaqa uj wampu jina ñaupaqeykipi ruwarqani.

Job 7:21

Manachu juchaytaqa pampachapuwayta atinki? Manachu ima sajratachus ruwasqaytaqa pampachayta atinki? Noqaqa ñapis jallp'apiña wijch'ukusaj; tutamanta mask'awanki, noqataj chaypajqa manaña kasajchu.

Salmos 119:108

Jap'ikuy, Señor, simiywan qanta yupaychasqasuyta, yachachiwaytaj kamachisqasniykita.

Salmos 50:14

Diosman uywa wañuchisqata jaywasqaykeqa agradecekusqayki kachun, patapi kaj Diosman junt'ay.

Salmos 51:16

Mana qanqa uywa ñak'asqasta jaywanata munankichu, nitaj uywata q'olachipusunaytapis.

Salmos 51:17

Diosmanqa pesachikoj sonqota jaywana. Qanqa Diosníy, llakiymanta t'unasqa sonqota, mana qhesachankichu.

Isaías 44:22

Noqa juchasniykitaqa uj phuyuta jina chinkarichini, mana kasukusqaykitataj urphuta jina. Noqaman kutirimuy, noqamin qantaqa salvarqayki.

Isaías 6:7

Chaywan simiyman churawaspataj niwarqa: Qhaway, kay ninaqa simiykiman chayan. Kunanqa juchaykeqa qhechusqa, juchaykimanta llimphuchasqataj kanki.

Jeremías 3:12

Rispa willamuy, wichaynejman qhawaspa: Señorqa nillantaj: Noqaman kutirimuy mana kasukoj Israel. Mana phiña uyaywanchu qanta jap'isqayki, nitaj qampaj phiñakuyneyqa wiñaypajchu kashan, imaraykuchus noqaqa k'acha khuyakoj kani. Noqa Señormin niykichej.

Oseas 12:7

Señor nin: Canaanqa falso pesanata makimpi jap'ishan, imaraykuchus runasta ch'aukeyay aytaqa gustan.

Oseas 5:5

Israelpa runay kachasqanqa uyallanmantaj laq'akamun; Efraintaj kikin juchallampitaj misk'akun, Judapis paykunawan kuskallataj misk'anqa!

Oseas 6:6

Noqaqa astawan munani munakunawaykichejta, manataj sacrificiosllatachu apachimunawaykichejta. Munani Diosniykichejta jina rejsinawaykichejta, manataj q'olachinasllatachu apamunawaykichejta.

Joel 2:17

Sacerdotes, Señorta sirvejkunapis waqachunku. Templo punkuman altar qayllanejpi nichunku: Kay llajtapi kaj tukuy runaspa juchasninta pampachay, Señor. Ama saqeychu, qampata kajkunamanta pipis burlata ruwakunanta. Ama saqeychu waj llajtayoj runas llajtaykipi kamachinankuta. Amataj saqeychu Diospi mana creejkuna ninankuta: Maypitaj kashan paykunaj Diosninrí?

Jonás 2:9

Noqaqa agradecekuspa rikuchikusta jaywakusqayki; imatachus qosqayki nisusqayta jaywasqayki. Salvacionqa Señorpatamin.

Zacarías 3:4

Chaypacha angelqa yanapajkunasninta kamacherqa Josuéj ch'ichi p'achasninta lluch'unankuta. Chantá nerqataj: Kayqa niyta munan juchasniykita qhechusqayta. Kunantaj kamachisaj k'acha mosoj p'achawanñataj p'achallichinasunkuta.

San Mateo 7:11

Sichus qankuna sajra runas kaspa, allin imasta wawasniykichejman qoyta yachankichej chayqa; imaraykutaj mana janaj pachapi kashaj Tataykichej aswan allin imastaraj qonmanchu, paymanta mañakojkunaman?

San Lucas 11:13

Chayrayku, qankunachus sajra runas kashaspa, allin kajta wawasniykichejman qoyta yachankichej chayqa, mashkhatarajchus janaj pachapi kaj Tataykichejqa Santo Espirituta qonqa mañakojkunaman.

San Lucas 18:13

Impuestero runataj karullamanta, manchachikuywan mana ñawisnillantapis pataman oqhariyta munarqachu. Chaynejta pechollanta takakusharqa: Diosníy, khuyariway ari noqa juchasapata, nispa.

San Juan 1:29

Juantaj q'ayantin, Jesusta payman jamushajta rikuspa, nerqa: Kaymá Diospa Corderon, runaspa juchanta qhechojqa.

Romanos 11:27

Kay kanqa paykunawan tratoyqa, maypachachus juchasninkuta paykunamanta qhechusaj chaypacha.

2 Timoteo 1:9

Pay salvawarqanchej, wajyawarqanchejtaj llimphu kausayman, mana allinta ruwasqanchejraykuchu; astawanqa paypa munakuyninrayku, khuyakuyninrayku ima. Diosqa wajyawarqanchej Cristo Jesuspi, manaraj kay pacha ruway qallarikushajtin.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Hebreos 10:4

Torospa, chivospa yawarninkoqa, mana juchasta qhechuyta atinchu.

Hebreos 13:15

Chayrayku, Jesucristonejta Diosman yupaychay rikuchikuta jaywanapuni. Kay niyta munan, simispa yupaychaynin, maypachachus Jesucristoj sutinta oqharinku, chaypacha.

1 Pedro 2:5

Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

1 Juan 3:5

Yachankichej jina, Jesucristoqa jamorqa juchasninchejta chinkachinampaj; manataj paypeqa ni ima jucha kanchu.