Oseas 13:2 - Qheshwa Biblia DC

² Kunan juchallapiraj kashanku! Qolqesninkuta unuyarichispa lantista ruwarikunku sapa munarispa, chay ruwajkunaspa munasqanman jina. Chaymanta ninku: Rikuchikusta jaywaychej! nispa; runastaj much'arinku chay waka uñasman rijch'akun lantista.

DIOSPA QHELQACHISQAN DEUTEROCANONICAL

² Kunanpis juchallikushallankupuni. Qolqe metalta unuyachispa, lantikunata ruwakunku munasqankuman jina. Chantá ninku: Uywa ñak'asqata chaykunaman jaywaychej, nispa. Runakunataj torilloman rijch'akoj lantita much'arinku.

DIOSPA QHELQACHISQ

² Kunanpis juchallikushallankupuni. Qolqe metalta unuyachispa, lantikunata ruwakunku munasqankuman jina. Chantá ninku: Uywa ñak'asqata chaykunaman jaywaychej, nispa. Runakunataj torilloman rijch'akoj lantita much'arinku.

Oseas 13:2 ပူးပေါင်းရင်းမြစ်များ

1 Reyes 19:18

Israelpitaj noqaqa qanchis waranqata qhepachikusaj pikunachus Baalpa ñaupaqempi mana qonqorikorqankuchu, nitaj siminkupis lantinta much'arqankuchu.

2 Crónicas 33:23

Manataj Señorpa ñaupaqempeqa k'umuykukorqachu imaynatachus tatan Manasés k'umuykukorqa jinataqa, manachayqa aswan juchasta yapaykukorqa.

Salmos 2:12

Churita jatunchaychej ama phiñakunampaj, amataj ñampi chinkanaykichejpaj, pajtataj ñampi chinkachisqas kawajchej. Payqa kaymanta jinalla phiñakun. Payqa munakuyninta mask'ajkunaqa kusikuyniyojmin.

Isaías 1:5

Qankunaqa, contraypi sayaykukuytapuni munankichej. Cuerpoykichejpi manaña ch'usaj kanchu maynejpichus jasut'inaypaj. Tukuy umaykichejqa nanasqa, tukuy ukhuykichejpis llauch'ipacha.

Isaías 30:1

Señorqa ajinata nin: Ay, mana kasukoj wawasniymanta. Paykunaqa imatapis wakichikunku mana tapuwaspalla. Paykunaqa tratota ruwakunku mana noqaj yuyaychasqallay. Chay jinamanta juchamanta jucha yapakunku.

Isaías 44:11

Tukuy chay lantista yupaychajkunaqa p'enqaypi rikhurenqanku, imaraykuchus chaykunataqa runaslla ruwanku. Chay runasqa tukuyninku cheqanchasqa kanankupaj tantakonqanku. Chaypi manchariywan may p'enqaypi rikhurenqanku.

Isaías 45:20

Tantakuspa jamuwaychej. Tukuy nacionespi kausashajkuna qayllamuwaychej. Maderamanta ruwasqa lantisninkuta oqharispa apajkunaqa mana yachankuchu imatachus ruwasqankuta. Mana salvayta atej diosmanta qhasi manakajllata mañakunku.

Isaías 46:6

Paykunaqa wayaqasninkumanta qorita orqhonku, qolqeta pesaspi aysanku, chaymantataj lantita ruwajta wajyachinku, ruwachinkutaj, jinaspataj chay ruwasqa diosman qonqorikuytawan yupaychanku.

Isaías 46:8

Chaymanta yuyarikuspa p'enqarikuychej ari; yuyayniykichejman tukuspa allinta unanchakuychej ari.

Jeremías 10:4

Chay qhepantataj qolqewan, qoriwan k'achanchaykunku, chantaqa clavoswan, martillowantaj mana urmanampaj sumajta k'askaykuchinku.

Jeremías 10:8

Tukuy paykuna wampus kanku, mana uj chhikan yachayninkupis kanchu. Uj juch'uy k'aspillaqa mana imatapis yachachinchu.

Jeremías 8:5

Chantaqa qan Israel, imaraykutaj wasanchawarqankiri? Jerusalén, imaraykutaj qan wiñaypaj qhesachawarqankiri? Imaraykutaj astawan rumi sonqoman tukushankiri, manataj kutirimpuyta munankichuri?

Oseas 10:1

Israelqa, uj uva sach'a jina poqoywan junt'a kashan; pero aswan ashkhata poqochisqankoqa aswan ashkha altaresta jatarichinankupaj karqa; jallp'ankupis aswan k'achitu karqa; astawan k'acha t'aqasqa rumista ruwanankupaj karqa.

Oseas 10:5

Samariamanta runakunaqa kharkatitinku; waqanku chay Bet-avempi waka uñata chinkachisqankumanta. Chaymantamá tukuy llajta, sacerdotesnintin jik'un jik'unta waqashanku, chay alabasqa kashan chinkasqanrayku.

Oseas 11:2

Noqa payta astawan wajyasqayrayku, astawan pay noqamanta t'aqakapushawarqa. Aylloyqa jaywasharqa rikuchikusninta qhasi llulla dioskunallaman, inciensostataj q'osñichisharqa lantisman.

Oseas 11:6

T'ojsina espadas llajtasninku pataman urmaykonqa, pakakuna sinch'i wasisninkutataj tukuchenqa, munasqankuman jinalla ruwasqankuraykutaj phirisqas kanqanku.

Oseas 14:3

Asiriaqa manamin salvayta atiwasqaykuchu, nillataj caballospipis ayqesqaykuchu. Manaña kayqa Diosniyku nispa, noqaykoj kikiykoj ruwasqasnillaykutaqa sutichasqaykuchu; imaraykuchus qanllapimin Señor uj wajcha wawaqa khuyakuyta tarenqa.

Oseas 2:8

Payrí mana rejsiwarqachu, noqamin kasqayta pichus qoj trigota, vinota aceitetapis: Pichus astawan yapaykusqanta qolqenta qorintapis, chaykunawantaj lantikunata ruwanampaj.

Oseas 4:17

Efraenqa lanti yupaychaykunaman qokapun. Tukuyninku machasqas jina urmaranqanku! K'iskimantataj qhenchachakorqanku, astawampis p'enqaypi kayta munarqanku honrayoj kanamanta nisqaqa.

Oseas 8:4

Mana noqallawan reykunata churarqokunku. Kuraj kamachejkunasninkutapis mana yachasqallay churarqokunku. Qolqesninkuta qorisninkutapis oqharerqanku lantikunata ruwanankupaj, jinamanta paykuna kikinkuta phirikuspa.

Oseas 8:5

Qan, Samaria, chay yupaychasqayki waka uñata millachikuni. Phiñakuyniy k'ajarin paypa contrampi. May unaypirajchus llimphuchakuyta atenqankupis, israelitasqa ari? Samariaqa, chay waka uñaqa mana Dioschu! Chayqa uj runaj makisnillanmanta llojserqa; chayraykumin phirisqa kanqa.

Números 32:14

Kunanqa qankunañataj, juchasapa tatasniykichej jina puriyta munashankichej, Señorta phiñachiyta munaspa israelitaspa contranta.

Romanos 11:4

Chantá, Dios ima nintajri? Qanchis waranqa runasta t'aqakuni. Paykunaqa lantisman Baalpa ñaupaqenman mana qonqorikorqankuchu.

Romanos 2:5

Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.

2 Timoteo 3:13

Sajra runas ch'aukiyajkunapis, sajra kasqankumanta, astawan sajrayanqanku, pantaspa, pantachispataj.

1 Samuel 10:1

Chaypacha Samuelqa aceite botellata jap'ispa Saulpa uman pataman jich'aykorqa, much'aykuspataj nerqa: Kunanmanta Señorqa t'aqasunki, Israel ayllumpa reynin kanaykipaj. Qan kamachinki atipachinkitaj chay muyuynimpi kaj enemigosninmanta. Kay uj señal kanqa qanta Señorqa ayllumpa reynin kanaykipaj t'aqasusqanmanta: Kunanqa kaymanta ripushaspa iskay runaswan tinkukunki Raquel maypichus p'ampasqa kashan, Selsa llajta qayllapi. Chayqa kashan Benjamimpa jallp'asnin chaypi. Paykunataj nisonqanku mask'asharqanki chay chinkaj burrosta tarisqankutaña, chanta nisonqanku tataykeqa manaña burrosmantachu llakisqa kashasqanta, manachayqa qankunamanta llakikushan, tapurakushantaj: Imanasajtaj wawaymantari?, nispa.