Oseas 13:16 - Qheshwa Biblia DC

¹⁶ Samaria llajtapis jasut'ita apanan tiyan Diospa contranta oqharikusqanrayku. Espadawan t'ojsisqas wañonqanku, wawasninkutaj ch'anqasqas kanqanku, wijsayoj warmisninkupis khallasqas kanqanku.

DIOSPA QHELQACHISQAN DEUTEROCANONICAL

¹⁶ Samaria llajtapis jasut'isqa kanqa, Diospa contranta oqharikusqanrayku. Chaypi tiyakojkuna espadawan wañuchisqa kanqanku, wawankupis ch'allpasqa kanqanku, onqoj warmikunapis khallasqa kanqanku.

DIOSPA QHELQACHISQ

¹⁶ Samaria llajtapis jasut'isqa kanqa, Diospa contranta oqharikusqanrayku. Chaypi tiyakojkuna espadawan wañuchisqa kanqanku, wawankupis ch'allpasqa kanqanku, onqoj warmikunapis khallasqa kanqanku.

Oseas 13:16 ပူးပေါင်းရင်းမြစ်များ

2 Reyes 15:16

Chanta Manahemtaj Tifsapi kajkunata tukuyninkuta wañucherqa, tukuynin qayllankupi kajkunatawan, Tirsamantapacha; ajinallatataj onqoj warmispa wijsasnintapis kicharerqa punkuta mana kicharisqankurayku.

2 Reyes 17:18

Señortaj chay jinamanta anchatapunitaj phiñakorqa, paykunapaj, Israelpa contrampi. Paypa ñaupaqenmanta qhechorqataj, manataj qhepakorqachu, manachayqa Judá ayllulla sapan qhepakorqa.

2 Reyes 17:5

Asiriamanta reytaj tukuynin Israelman soldadosninwan junt'aykorqa, Samariatapis kinsa wata junt'ata maqanakuspa muyuykorqa.

2 Reyes 17:6

Oseas isq'on watataña kamachishajtin Asiriamanta reyqa Samariata jap'erqa, runasnintataj Asiriaman presosta apakaporqa, chaypitaj Halahman, Haborman, Gozán mayu qayllaman, medospa llajtasninmanwan churarqa.

2 Reyes 8:12

Chanta Hazaelqa payman nerqa: Imaraykutaj, wiraqochíy, waqashankiri? Paytaj kuticherqa: Ñapis yachaniña israelitasta imayna sajratachus ruwanaykita; jark'achisqa llajtasninta ninawan enqhaykunki, waynas kajtapis cuchillowan wañurachinki, wawasnintapis wañurachinki, onqoj warmispa wijsasnintapis kicharanki.

Isaías 13:16

Wawasninkoqa qhawashajtinku pampaman ch'anqasqas kanqanku; wasisninkumanta imasninkuchus kajta suwaranqanku, warmisninkutapis qhenchacharanqanku.

Isaías 17:3

Efraimpa kallpanqa manaña kanqachu, jinallataj Damascoj kamachiynimpis. Siriamanta pukojkunaqa israelitas jinallataj ruwasqas kanqanku. Ajinata Tukuy Atiyniyoj Señorqa nin.

Isaías 8:4

Chay wawa manaraj, tatáy, mamáy niyta yachashajtin, Damascoj qhapaj kayninta, Samariaj tukuy imasnintawan Asiriaj reynin apakaponqa, nispa.

Oseas 10:2

Israelpata sonqonqa iskayman t'aqasqa kashan, kunantaj juchasninrayku paganqa. Chay altaresninta Señor phirenqa, chay t'aqasqanku k'acha rumistataj q'alata urmaykuchenqa.

Oseas 11:6

T'ojsina espadas llajtasninku pataman urmaykonqa, pakakuna sinch'i wasisninkutataj tukuchenqa, munasqankuman jinalla ruwasqankuraykutaj phirisqas kanqanku.

Oseas 7:14

Qhaparqachanku camankupi kashaspa manataj sonqowanchu wajyakuwanku. Trigota jinataj vinota mañakuspa nanarachikunku. Contraypi oqharikorqanku!

Amós 1:13

Ajinata nin Señorqa: Amonmanta runasqa ashkha sajra imasta ruwaspa juchallikunku, chayrayku paykunata jasut'isajpuni; paykunaqa jallp'asninkuta jatunyachiyta munaspa Galaadmanta kaj onqoj warmispa wijsasninkuta khicharerqanku.

Amós 3:9

Asdodpa palaciosnimpi, Egiptoj palaciosnimpiwan willamuychej, niychejtaj: Samaria orqosman tantakamuychej, qhawaychejtaj imayna pejtuchus chaypi kasqanta, imaynatatajchus runasta ñak'arichisqankuta.

Amós 9:1

Señorta altar patapi rikorqani, niwarqataj: Wasi k'aspista wajtay, punkus thalakunankama, runaspa uman patapitaj urmaykuspa t'unakuchunku, puchojkunatataj espadawan t'ojsispa wañurachisaj; jinamanta mana pipis kanqachu pakakoj, nitaj ayqejpis, jinamanta llusp'inampaj.

Miqueas 1:4

Chakisnin urapi orqos unuyanqanku imaynatachus cera mach'aqa ninaman churaykunchej jinata, vallestaj iskayman kicharisqas kanqanku, imaynatachus uj wayk'upi may chhika yaku correspa kicharin ajinata.

Miqueas 6:16

imaraykuchus qhaterqanki Omri jinataj Acabpa ayllumpa kamachisqasninta chantá ruwasqasninkutapis, imaynatachus paykuna ruwarqanku ajinallataj qampis ruwarqanki. Chayraykumin noqa ruwasaj qanwan, chaypi tiyakojkunasniykiwantaj llakiyta asipayasunankuta, Aylluypa p'enqaynintaj pataykiman urmamonqa.

Nahúm 3:10

Chaywampis jallp'asninkumanta apasqas karqanku, wawasninkurí calle esquinaspi ch'allpasqas karqanku. Allin qharisninmanqa suertesta choqarqanku, Chay kamachi runasnintaj cadenaswan ch'ipasqas karqanku.