Oseas 12:6 - Qheshwa Biblia DC

⁶ Ajinaqa ari, Israel kutirikuy Diosniykiman; ruwasqasniyki kachun munakuypi cheqa kajpitaj, Diosniykipitaj confiakullaypuni.

DIOSPA QHELQACHISQAN DEUTEROCANONICAL

⁶ 6 (7) Ajinaqa, Israel, Diosniykiman kutirikamuy. Cheqa kajta munakuy, cheqan kajtataj ruway, paypi atinikuspataj, suyakuypuni.

DIOSPA QHELQACHISQ

⁶ 6 (7) Ajinaqa, Israel, Diosniykiman kutirikamuy. Cheqa kajta munakuy, cheqan kajtataj ruway, paypi atinikuspataj, suyakuypuni.

Oseas 12:6 ပူးပေါင်းရင်းမြစ်များ

Génesis 49:18

Señorníy, suyarqani qan salvanawaykita!

Salmos 123:2

Imaynatachus kamacheqa patronninta qhawan, imaynatachus warmi kamachipis patronanta qhawan, ajinata noqaykupis Señorpa yanapayninta suyaspa qhawayku.

Salmos 27:14

Señorpi atienekuy, kallpachakuy, ama llauchhuyaychu ari, Señorpipuni atienekuy.

Salmos 37:7

Ch'in kakuy Señorpa ñaupaqempi. Suyakuy pacienciawan pay yanapanasunta. Ama phiñakuychu kausaypi allin risqanmanta, nitaj sajrata wakichikojkunamantapis.

Éxodo 3:15

Chantapis Diosqa nillarqataj Moisesman: Ajinata ninki israelitasman: Señor, ñaupa tatasniykichejpa Diosnin, Abrahampata, Isaacpata, Jacobpata ima qankunaman kachamuwan. Kay suteyqa wiñaypajmin kanqa; kay suteyqa wiñaypa wiñaynintimpaj mirayniykichejnejta yuyarisqa kanqa, nispa.

Proverbios 1:23

Uyariwaychej k'amisqasniyta, noqa yachaywan junt'achisqaykichej, imatachus yuyasqasniyta rejsichisqaykichej.

Proverbios 21:3

Cheqanta puriyta, cheqan kajtawanqa ruwaypuni, Señorqa chayta astawan munan uywa ñak'asqasta jaywanamanta nisqaqa.

Isaías 1:16

Llimphuchakuychej, mayllakuychejtaj. Ñawisniymanta chinkarichiychej sajra ruwayniykichejta. Saqeychej sajra ruwayta.

Isaías 30:18

Chaywampis, Señorqa qankunaman khuyakuyninta rikuchinasuykichejpaj suyashasunkichej. Chayrayku, payqa mayta suyashasunkichej munakuyninta rikuchisunaykichejpaj. Señorqa cheqanta ruwajmin. Paypi atienekojqa kusikuyniyojmin.

Isaías 31:6

Israelpa wawasnin, Diosman kutiriychej ari, pejpa contrantachus millay imasta ruwarqankichej, chayman.

Isaías 40:31

Señorpi atienekojkunaqa mosoj kallpayojllapuni kanqanku. Paykunaqa kallpachakuspa astawan oqharikonqanku ankas jina. Paykunaqa correnqanku manataj sayk'onqankuchu, karusta rispapis mana llauch'iyanqankuchu.

Isaías 58:6

Manachu yachankichej imayna ayunotachus munasqayta? Noqaqa munani sajra kaj watanasta phashkaranaykichejta, yugo watanasta phashkaranaykichejta, llakichisqa kajkunata kacharinaykichejta, yugopi jina watasqa kajkunatapis.

Isaías 8:17

Señorllapi suyasaj, payqa Jacobpa mirayninmanta uyanta pakaykumpis. Payllapitaj atienekusaj.

Jeremías 22:15

Cedros chaupillapi tiyakusqaykipichu sumaj rey kasqaykeqa yachakun? Tataykeqa kausaynimpi kusikorqa, chaywampis payqa cheqanta ruwaj, chayrayku paytaqa tukuy imapi allillan rerqa.

Ezequiel 18:30

Chayrayku, Israel ayllu, sapa ujta purisqaykichejman jina cheqanchasqayki chej. Noqa Señor chayta nini. Ujkama sajra ruwaykunata saqepuychej, kutirimpuychejtaj, ajinamanta ama sajra kausayniykichej llakiyta apamunampaj.

Oseas 10:12

Paykunaman nerqani: Allin cheqa kajta tarpuychej, munakuy cosechata oqhariychej. Wakichiychej jallp'ata watejmanta tarpunaykichejpaj, imaraykuchus Señorta mask'ana tiempoña, pay jamunankama apamuspa qankunaman salvacionmanta parata.

Oseas 14:1

Israel, kutirikuy Señor Diosniykiman, imaraykuchus juchasniykirayku urmarqanki!

Oseas 4:1

Israelitas, uyariychej Señorpa nisqanta. Pay yaykunña phiñanakuyman kay llajtapi tukuy tiyakojkunawan, imaraykuchus manaña paykuna ukhupi kanchu cheqamanta munakuy, manachayqa ch'aukeyanakuylla, nitaj Diostapis rejsinkuchu.

Joel 2:12

Kunanqa Señor nin: Noqaman tukuy sonqo kutirimuychej. Ayunota ruwaychej, qhaparikuychej, waqaychejtaj!

Joel 2:13

Qankuna, Señor Diosniykichejman kutirikampuychej! P'achasta llik'inaykichejtaqa, sonqoykichejta llik'iychej! Imaraykuchus, Señorqa sonqonta wawayachikojmin, khuyakojtaj. May pacienciayoj, tukuy munakuyniyojtaj Payqa. Jasut'isuyta yuyasqanta saqepuytapuni munan.

Amós 4:13

Señormin ruwarqa orqostaqa, jinallataj wayratapis; runamantaj imatachus yuyasqanta rejsicherqa; k'anchay kajta laqhaman tukuchin; jallp'a patasta purejqa; Señor, Tukuy Atiyniyoj Dios: Chaymin sutenqa.

Amós 5:24

Astawampis ashkhayachun cheqan ruway yaku jina, k'acha kaytaj kachun mana tukukoj yaku pujyu jina.

Miqueas 6:8

Ña nisunkiña, Señor, ya runa yachankichu, imapichus allin kaj ruway kasqanta, chaytataj qanmanta Payqa munan ruwanaykita: Cheqan kaj ruwayta, fiel kayta, mana qonqakapoj kayta, tukuy llamp'u sonqo kaywantaj Diosniykita kasunaykita.

Miqueas 7:7

Jinapis noqaqa Señorllapi suyasaj, payllapitaj confiakusaj salvawajniy Diospi, imaraykuchus Pay uyariwanqa.

Habacuc 2:3

Chaywampis manaraj chayamunchu rikusqayniykiman jina junt'akunanqa, chaywampis mana junt'akuspaqa mana qhepakonqachu. Qhaparejmanña rijch'asunki chaypis suyarillay, chaypaj junt'akunan tiempoqa chayamullanqa.

Sofonías 3:8

Chayrayku, qankuna suyariwaychej chay p'unchaykama maypachachus noqa sayarisaj contraykipi parlanaypaj. Noqa Señorqa kaytamin nini: Yuyaychakuni tantamuyta runasta, nacionesmanta reinosmantawan, phiñakuyniyta paykunaj patanman urmachinaypaj. May k'ajashaj phiñakuyta paykunaman rejsichinaypaj. Chaypachataj tukuynin jallp'a t'unasqa kanqa nina larwaj phiñakuyniyrayku.

Zacarías 8:16

Kayta qankunaqa ruwanallaykichejpuni kanqa: Amapuni llullataqa parlaychejchu ujkuna ujkunawan. Sumaj cheqa kajpi juzgaychej, allin kaypi ujkuna ujkunawan justicia wasi punkutapis pasaychej.

Hechos 2:38

Pedrotaj paykunaman nerqa: Diosman kutiriychej sapa ujniykichej; bautizachikuychejtaj Jesuspa sutimpi, juchasniykichej pampachasqas kanampaj. Diostaj Santo Espirituta qhasilla qosonqachej.

Hechos 26:20

Damascopiraj willayta qallarerqani, chaymantá Jerusalempi, qhepantataj tukuy Judeapi; chaymantarí gentiles ukhupi ima, paykuna sajra kausayta saqespa Diosman kutirikunankuta; sumaj ruwanasta ruwaspa rikuchinankupaj Diosman kutirisqankuta.

Santiago 1:27

Diosta llimphu yupaychayqa mana ch'ichiyoj kanan tiyan Dios Tatanchejpa ñaupaqempi, kay jinamanta watukuspa wajchasta, viudasta ima llakiyninkupi. Amataj ch'ichichakuspa kay mundoj sajra imasninmanta waqaychakuychej.

Santiago 2:13

Pichus wajkunata mana khuyakunchu chayqa, paypis mana khuyakuywan juzgasqa kanqa. Khuyakuytaj atipan juiciotaqa.