Oseas 11:8 - Qheshwa Biblia DC

⁸ Imaynallatataj saqesqayki, Efraín? Imaynatataj qonqarparisqayki Israel? Atiymanchu Adma llajtata jina phirisuyta, chayri imaynatachus Zeboim llajtawan ruwarqani ajinallatataj qamwampis ruwayta? Sonqoyqa nanasqaña kashan, qampaj khuyakuywan junt'asqa!

DIOSPA QHELQACHISQAN DEUTEROCANONICAL

⁸ Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

DIOSPA QHELQACHISQ

⁸ Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

Oseas 11:8 ပူးပေါင်းရင်းမြစ်များ

Génesis 14:8

Phishqa reyes ujchakuspa ujllapi maqanakoj llojserqanku: Sodoma rey, Gomorra rey, Adma rey, Zeboim rey, Zoarmanta rey Belawan ima; paykuna maqanakorqanku Sidim vallepi, tawa reyespa contranta: Quedorlaomerpa contranta, Tidalpa contranta, Amrafelpa contranta, Ariocba contranta ima; paykuna karqanku reyes Elammanta, Goinmanta, Sinarmanta, chanta Elasarmantawan.

2 Samuel 24:16

Maypachachus angelqa Jerusalén llajtata tukuchinampaj kashajtintaj, Señor llakikorqa chay jina llakiyta ruwachishasqanrayku, Señortaj kamacherqa: Ayllumanta kajkunata wañurachisharqa chay angelta: Chaykamalla, saqellayña!, nispa. Chay ratoqa Señorpa angelnenqa kasharqa jebuseo Arauna maypichus trigota trillasharqa chaynejpi.

1 Reyes 3:26

Chanta, chay kausaj wawaj mamanqa maytapuni llakikorqa wawanrayku, reymantaj nerqa: Wiraqochi reyníy! Ama wañuchiychejchu chay kausasqaj wawata, kay warmiman qopuychej. Chay uj warmitaj nerqa: Wañuchiychej, ni paypaj ni noqapaj kachunchu, iskayman khuchurpariychej.

2 Reyes 13:23

Paykunamantataj Señorqa khuyakorqa, khuyaqaspataj paykunata qhawarerqa, Abrahamwan, Isaacwan, Jacobwan ima uj tratota ruwasqanrayku, paypa ñaupaqenmanta manataj wijch'uyta, chinkachiytapis kunankama munarqachu.

2 Crónicas 36:15

Ñaupa tatasninkoj Señor Diosninkoqa palabranta apachillarqapuni paykunaman profetasninnejta khuyasqanrayku, tiyakuna wasinraykutaj.

Salmos 106:45

Paykunawan trato ruwasqanmanta yuyarikorqa, sonqontataj nanachikorqa, munakuynin may jatun kasqanrayku.

Isaías 16:11

Chayrayku tukuy sonqoywan Moabmanta arpa jina waqani, jinallataj Kir-haresetmantapis.

Isaías 63:15

Qanqa janaj pachamanta qhawarimuy, k'acha tiyakunaykimanta allinta qhawariy. Qanllata munakusunankuta munasqaykeqa maytaj kunanri? Chay atiyniyki, sonqoykipis manañachu t'impurin, khuyakuykunasniykipis manañachu noqapaj tiyan? Manañachu sonqoykimanta khuyakoyqa llojsimuyta atin?

Jeremías 18:8

Chay nación sajramanta t'aqakunman chaypachaqa, chay apachimunay karqa chay jasut'ita manaña apachimusajchu.

Jeremías 3:12

Rispa willamuy, wichaynejman qhawaspa: Señorqa nillantaj: Noqaman kutirimuy mana kasukoj Israel. Mana phiña uyaywanchu qanta jap'isqayki, nitaj qampaj phiñakuyneyqa wiñaypajchu kashan, imaraykuchus noqaqa k'acha khuyakoj kani. Noqa Señormin niykichej.

Jeremías 31:20

Efraín llajtaqa noqapaj munasqa waway jina; aswan munasqa kaj wawaj. Payta k'amini chaypis, manapuni paymanta qonqakapunichu, sonqoy wawayawajtin, mayta paymanta khuyakuni. Noqa Señor chayta nini.

Jeremías 42:10

Sichus qankuna kay jallp'api tiyakuyta munankichej chayqa, noqa qankunata aswan allin kajwan yanapasqaykichej, mana chinkachisqaykichejchu, manachayqa allinta sayachisqaykichej, manataj t'irasqaykichejchu. Mayta sonqoyta nanachikuni kay ñak'ariykunasta qankunaman apachimusqaymanta.

Jeremías 9:6

Señor nillantaj: Qhepampi qhepampi mana allin ruwaylla, qhepampi qhepampi llullakuylla, aylloyqa mana rejsikapuyta munawanchu.

Jeremías 9:7

Chayrayku noqa Tukuy Atiyniyoj Señor nini: Ninamanchá churasqa kanman allin ch'uwachasqa kanampaj ari. Imatañataj wajta kay aylluywan ruwaymanrí?

Lamentaciones 1:20

Qhawariy, Señor, llakiyniyta. Sonqoyqa phataj jinaña kashan. Sonqoyqa tijrasqa jina kashan, imaraykuchus anchatapuni contraykipi phiñakorqani. Llajta punkuspeqa espadawan wawasta wañurachinku, llajta ukhupitaj wañuy sayaykun.

Lamentaciones 3:32

Llakichejtimpis, khuyakun, may chhikan khuyakuynin kasqanrayku.

Lamentaciones 3:33

Payqa mana kusikunchu runasta llakichispa.

Ezequiel 33:11

Paykunaman niy: Noqa Señorqa kausayniyrayku jurani: Mana munanichu juchasapa runa wañunanta, astawanqa munani sajra puriyninmanta kutirimuspa kausananta. Israel runakuna, sajra puriyniykichejmanta kutirimpuychej, kutirimpuychej, imaraykutaj wañuwajchejri?, nispa.

Ezequiel 6:9

Chay nacioneswan ayqekojkunaqa noqamanta yuyarikuwanqanku. Yuyarikullanqankutaj imaynatachus noqa paykunata ñak'arichisqayta noqawan mana allinta purisqankurayku, lantista yupaychanankupaj noqamanta karunchakuspa. Paykuna kikinku p'enqachikonqanku tukuy sajra ruwayninkumanta, tukuy ima khuchiriosta ruwasqankumanta ima.

Oseas 6:4

Señorqa nin: Efraín, imatataj qanwan ruwasajri? Judá, qanwampis imatataj ruwasajri? Noqapaj munakuyniykichejqa, paqarinkunaspi phuyojta rikunkichej ajinalla, chayri tuta tutamanta chhullarpayamun chay ratollataj chinkarpayapun ajinalla.

Oseas 7:1

Maypachachus Israel aylluywan allin kaymanña yaykuyta munasharqani, maypachachus jampikapuyta munasharqani, jinallamanta Efraín jinataj Samariapis juchasninkuta, chay millay ruwasqasninkutapis sut'iman rikhuricherqanku; imaraykuchus tukuyninku llullas kanku, suwas jina wasisman yaykuykunku, kikin ñan patapi runasmantapis qhechuraj churakunku.

Amós 4:11

Jasut'erqaykichej t'unanaykama, imaynatachus Sodomata Gomorratawan jasut'erqani jinata. Nina brasas orqhosqa jina karqankichej. Qankunataj mana kutirimuwankichejchu. Ajinata nin Señorqa.

Amós 7:3

Señortaj chay imasta ruwayta mana munarqachu, chayqa mana jinachu kanqa, nispa.

Amós 7:6

Señortaj mana munanchu saqeyta, nintaj: Chaypis mana jinachu kanqa, nispa.

Miqueas 5:3

Señorqa kunan saqerenqa Paypata kajkunata, chay warmi pichus uj qhari wawata nacechikunan kashan chay nacekunankama. Chaypacha tantarikonqanku chay llajtankumanta wijch'usqas kashanku llajta masisnin israelitaswan.

San Mateo 23:37

Jerusalén, Jerusalén, profetasta wañuchej, qanman kachamusqastapis rumiswan ch'anqaj! Mashkha kutitachus wawasniykita tantayta munarqani, imaynatachus wallpa chillwisninta lijrasnin uraman tantaykun ajinata, qantaj mana munarqankichu.

Deuteronomio 29:22

Qhepaman kajkuna mirayniykichej, karu llajtayojkuna ima rikonqanku chay imaymana nanaykunata, onqoykunata ima, Señorqa kay jallp'aman kachamonqa, chaykunata.

Deuteronomio 29:23

Tukuy kay jallp'apeqa rikonqanku azufrellata, kachillata, ruphasqa jallp'ata imalla. Chaypi mana imatapis tarponqankuchu, nitaj imapis poqoyta atenqachu, manapuni ima qhorallapis wiñayta atenqachu, imaynachus karqa Sodoma, Gomorra, Adma, Zaboim llajtaspi. Chaykunataqa sinch'i phiñakuyninwan chinkacherqa.

Deuteronomio 32:36

Chaypacha Señorqa ayllunta yanapanqa pisi kallpayojta rikuspa. Señorqa kamachisninta khuyapayanqa, manaña pipis kasqanta rikuspa, kallpayoj kaj, mana kallpayoj kajpis.

2 Pedro 2:6

Jinallatataj Sodomapi, Gomorrapi tiyakoj runasta juchacharqa, ninawantaj ruphacherqa ushphayanankukama; qhepa p'unchaykunapi, Diosta mana yupaychaj runas yachanankupaj chayta ruwarqa.

Judas 1:7

Jinallatataj, Sodoma, Gomorra llajtas, chay qayllapi kajkunapis qhenchachakorqanku cuerponkoj contranta juchallispa; chayrayku paykunaqa wiñaypaj nina larwayta ñak'arerqanku. Chayqa wananapaj churasqa karqa.

Apocalipsis 11:8

Ayasninkutaj jatun llajtaj plazampi wijch'usqas kanqanku, maypichus Señorninku chakatasqa karqa. Chay llajtaj sutenqa Sodoma, Egipto ima.

Apocalipsis 18:18

Ruphaykusqampa q'osñinta rikuspataj qhaparerqanku: Ima llajtataj kay jatun llajtaman rijch'akorqari?, nispa.

Jueces 10:16

Israelitastaj t'aqakorqanku chay mana rejsisqa dioskunasninkumanta, Señortataj yupaycharqanku, Señorpis manaña munarqachu israelitas astawan ñak'arinallankutapuni.