Oseas 10:8 - Qheshwa Biblia DC

⁸ Juchasapaspa lanti wasinku t'unasqas kanqanku, maypichus Israel ayllu juchallej chaykuna. Chay altaresninku pataspitaj qhepus khishkaspis wiñanqanku, runastaj orqosta nenqanku: Pakaykuwayku!, nispa; chhankastataj nenqanku: Pataykuman urmaykuwayku!, nispa.

DIOSPA QHELQACHISQAN DEUTEROCANONICAL

⁸ Bet Avenpi lanti yupaychana cheqakuna thuñisqa kanqanku, maypichus Israelpi tiyakojkuna juchallej kanku, chaykuna. Chay altarninkukuna patapi qhewayllukuna, khishkakuna ima wiñanqanku. Runakunataj orqokunata nenqanku: Pakaykuwayku, nispa, moqokunatataj nenqanku: Pataykuman urmaykamuwayku, nispa.

DIOSPA QHELQACHISQ

⁸ Bet Avenpi lanti yupaychana cheqakuna thuñisqa kanqanku, maypichus Israelpi tiyakojkuna juchallej kanku, chaykuna. Chay altarninkukuna patapi qhewayllukuna, khishkakuna ima wiñanqanku. Runakunataj orqokunata nenqanku: Pakaykuwayku, nispa, moqokunatataj nenqanku: Pataykuman urmaykamuwayku, nispa.

Oseas 10:8 ပူးပေါင်းရင်းမြစ်များ

Génesis 3:8

Qhareqa warminwan uyarerqanku Señor Diospa purisqanta, ch'isiyay wayra wayrapi huerta ukhupi kayman jaqayman purishajta. Paykunataj usqhay usqhayta huerta ukhupi pakaykukorqanku sach'as ukhuman.

1 Reyes 13:2

Paytaj chay altarpa contrampi qhaparerqa, Señorpa kamachisqanman jina: Altar, altar, Señorqa ajinata nin: Davidpa ayllunmanta uj wawa Josías sutiyoj nacenqa, qampa pataykipi ñak'aspa jaywanqanku loma pata wasispi sacerdotesta, qampa pataykipi inciensota ruphachinku chaykunata, runa tullusta ima pataykipi ruphachenqa.

1 Reyes 13:34

Chay jina ruwayqa Jeroboampa mirayninta juchaman urmacherqa; chayraykutaj wijch'usqas tukuchisqastaj karqanku kay jallp'a patamanta.

1 Reyes 14:16

Señorqa Israelta saqerparenqa Jeroboampa juchasninrayku, Israelta juchallichisqanrayku ima.

2 Reyes 23:15

Betelpi karqa chay altarestapis ajinallatataj ruwarqa, Nabadpa wawan Jeroboampa ruwasqasnintapis, mayqenwanchus israelitasta juchallichej achay altarta, orqo patapi karqa chaytawan urmachispa ninawan enqhaykorqa ushphaman kutinankama. Aseraj lantinmampis ninawan jap'iykucherqa.

2 Crónicas 31:1

Chay tukuyta ruwaytawanqa chaypi tukuy israelitas kajkunaqa, Judapi kaj tukuy llajtasman rerqanku, chay lanti rumistataj phirerqanku, Aseraman rijch'akoj lantistapis, lomas patapi lanti churana wasista, altarkunatawan. Tukuy chaykunatataj tukucherqanku Judá jallp'api Efraimpi, Manasespipis. Chaymantataj tukuy israelitas llajtasninkuman kutiporqanku, sapa ujpis wasisninkuman.

Isaías 2:19

Chanka jusk'usman sat'iykukonqanku, jallp'aj lajesninman lajrasninman ima, Señorpa may jina jatun kayninmanta, jatun kaynimpa lliphipiyninmantawan, jallp'a kharkatiychej jamojtin.

Isaías 2:21

Sat'ikonqanku qaqa jusk'usman, chhanka jusk'usman, pakakuspa Señorpa may jina jatun kayninmanta, jatun kaynimpa lliphipiyninmanta ima, jallp'ata kharkatichej jamojtin.

Isaías 32:13

Llajtaypeqa khishkaswan qhasi qhorasllawan wiñanku, may wasispischus sumaj kusiykuna karqa, chay kusikuna llajtapi.

Isaías 34:13

Chay palaciosninkupeqa khishkaslla wiñanqanku, pakakunasninkupipis itapalloswan, qhorasllawan wiñanqanku. Chantapis chaykunapeqa atojkunallaña puñonqanku, chay patiosnintaj surispa wasillanña kanqa, osqhollus tiyakonqanku, tarukaspis, cabraspis chaypi qhaparinakonqanku, tuta purej sajrapis chaypi tiyakonqa, samarikonqataj.

Oseas 10:2

Israelpata sonqonqa iskayman t'aqasqa kashan, kunantaj juchasninrayku paganqa. Chay altaresninta Señor phirenqa, chay t'aqasqanku k'acha rumistataj q'alata urmaykuchenqa.

Oseas 10:5

Samariamanta runakunaqa kharkatitinku; waqanku chay Bet-avempi waka uñata chinkachisqankumanta. Chaymantamá tukuy llajta, sacerdotesnintin jik'un jik'unta waqashanku, chay alabasqa kashan chinkasqanrayku.

Oseas 10:9

Señor nin: Israelqa mana saqenchu juchalliyta, maypachachus Gabaapi juchallerqa chaymantapacha. Juchallampipuni kashan! Chayraykumari guerrapis Gabaapi chay sajra runasman chayanqa.

Oseas 2:6

Chayraykumin, ñankunasninta khishkawan jark'aykuchisaj tukuy muyuynintimpi purinasninta mana tarinampaj jina.

Oseas 4:13

Jatun orqo puntaspi juch'uy orqo puntaspipis inciensosta q'oshñichinku jaywankutaj rikuchikusta; jinallatataj roble sach'as uraspi, alamospapi encinaspa phatu llanthusnin uraspipis. Chayrayku warmi wawasniykichej qhenchachakunku, ñojch'asniykichejpis waj qhariswantaj qhenchachakullankutaj.

Oseas 4:15

Israel, sichus qan qhenchachakunki chayqa, jinapis Judaqa ama juchayojchu rikhurichun. Ama Gilgalman qankuna riychejchu, amataj Bet-avenmampis wichariychejchu, amallataj Señorpa kausayninraykupis juraychejchu!

Oseas 5:8

Gabaapi tocaychej maqanakuyman wajyana putututa! Ramapitaj tocaychej trompetata! Bet-avempitaj mancharichiychej! Benjaminmanta kajkunata kharkatichiychej!

Oseas 8:5

Qan, Samaria, chay yupaychasqayki waka uñata millachikuni. Phiñakuyniy k'ajarin paypa contrampi. May unaypirajchus llimphuchakuyta atenqankupis, israelitasqa ari? Samariaqa, chay waka uñaqa mana Dioschu! Chayqa uj runaj makisnillanmanta llojserqa; chayraykumin phirisqa kanqa.

Oseas 9:6

Paykunaqa chinkachisqas kanamanta ayqenku. Egiptotaj jap'ikaponqa, Menfispitaj p'ampasqas kanqanku. Qolqe jallch'anasninkupirí itapallu qhoraslla junt'aykonqanku, jarasninkupipis khishkaslla junt'aykonqanku.

Amós 1:5

Damasco llajta punkusta kallpawan kicharisaj, phiritataj ruwasaj Bicatavempi mandayta, jinallataj Bet-edempi kamachejtapis. Siriostaj Kirman presos apasqas kanqanku. Nispa nin Señorqa.

Amós 3:14

Ima p'unchaychus Israelmanta cuentata mañasaj juchata ruwasqasninmanta, chaypacha Betelpa altaresninta phirisaj, wajrasnimpis p'akikuspa pampaman urmanqanku.

Amós 7:9

Isaacpa sumaj altaresnin thuñisqas kanqanku, Israelpa Diospa yupaychana wasisnin urmachisqas kanqanku. Espadata oqharisaj Jeroboampa ayllumpa contrampi.

Amós 8:14

Samariaj lantisninrayku jurajkuna nenqanku: Oh Dan, diosniykej kausayninmanta; qampis Beerseba dioskunasniykichej kausayninmanta, nejkunapis urmanqanku manaña ujtawan sayarimunankupaj.

Miqueas 1:13

Qankuna Laquispi tiyakojkuna israelitas jinallataj juchallikorqankichej, qankunanejta Sión orqopis juchallikorqa, caballosniykichejman carrosta t'inkiychej.

Miqueas 1:5

Kay tukoyqa jamonqa Jacobpa ayllun mana kasukoj kasqanrayku, jinataj Israelpa juchasninrayku. Maypitaj kashan Jacobpa mana kasukoj kayninri? Chayqa kashan Samaria llajtapi! Maypitaj kashanku Jacobpa, juchallikuna lanti churana wasisninkuri? Chayqa kashan Jerusalempi!

Nahúm 3:11

Qantapis machaykuchisonqanku, uma muyusqataj pakakunki enemigoykimanta ayqeyta munaspa.

San Lucas 23:30

Chaypachamá runasqa orqosta niyta qallarenqanku: Pataykuman urmaykamuwayku; lomastataj: P'ampaykuwayku, nispa.

Deuteronomio 9:21

Chaymantataj chay waka uña ruwasqaykichejta, mayqenwanchus juchallikorqankichej chayta oqharispa ninaman khanaykorqani. Sumaj ñut'uta kutachispataj, orqomanta uraykamushaj chay yakuman wijch'uykorqani.

Apocalipsis 6:16

Orqosman, qaqasmantaj nerqanku: Pataykuman urmaykamuwayku. Pakaykuwaykutaj jaqay trono patapi tiyajpa uyanmanta, Corderoj k'ajaj phiñakuyninmantawan.

Apocalipsis 9:6

Chay p'unchaykunapi runas wañuyta mask'anqanku, manataj tarenqankuchu; wañuyta munanqanku, wañuytaj paykunamanta ayqenqa.