Oseas 10:10 - Qheshwa Biblia DC

¹⁰ Kay ayllutaqa jasut'isaj munasaj chayqa, nacionespis contrampi tantaykukorqanku maypachachus jatun juchasninkumanta noqa jasut'ejtiy.

DIOSPA QHELQACHISQAN DEUTEROCANONICAL

¹⁰ Maypachachus munasaj, chaypachaqa paykunata jasut'isaj. Ashkha suyukunataj contranpi tantaykukonqanku, maypachachus millay ruwasqanmanta paykunata jasut'isaj, chaypacha.

DIOSPA QHELQACHISQ

¹⁰ Maypachachus munasaj, chaypachaqa paykunata jasut'isaj. Ashkha suyukunataj contranpi tantaykukonqanku, maypachachus millay ruwasqanmanta paykunata jasut'isaj, chaypacha.

Oseas 10:10 ပူးပေါင်းရင်းမြစ်များ

1 Reyes 12:28

Chaymanta yuyaychakuytawantaj, iskay waka uñasta qorimanta ruwarqa, chanta israelitasman nerqa: Anchataña Jerusalenman rinkichej: Israelitas kayqa ari dioskunaykichejqa, Egipto jallp'amanta orqhomusorqachej chaykuna.

Job 39:10

Atiwajchu umanman yugota watayta, chanta llank'achiytataj chayri yuyankichu qhepaykita llank'aspa jamunanta?

Isaías 1:24

Chayrayku Tukuy Atiyniyojqa, Israelpa yanapajnin Señorqa nin: kutichikusaj enemigosniywan, paykunawantaj pagachikusaj.

Jeremías 15:6

Qan saqerpariwarqanki, wasanchakuwarqankitaj, nispa Señorqa nin. Chayrayku noqaqa pacienciay tukukojtin, makiyta oqharerqani jasut'inasuypaj, tukuchisunaypajtaj.

Jeremías 16:16

Noqa jamuchisaj ashkha challwa jap'ejkunata, noqa Señor chayta nini, challwasta jina israelitasta jap'inankupaj, chanta kachamullasajtaj ashkha uywa wañuchejkunata, wañurachisunaykichejpaj tukuy orqospi, lomaspi, jinataj chay chhanka k'ajllusnimpipis.

Ezequiel 16:37

Chayrayku, pistachus munakorqanki chay tukuyta noqa tantaykusaj. Jinallataj pikunatachus munakorqanki, chanta pikunatachus chejnikorqanki chay tukuyta. Paykunataqa muyuyniykiman tantaykusaj. Paykunaj rikunantataj q'alasqayki, paykuna q'alallata qhawasunankupaj.

Ezequiel 16:42

Chaypachataj phiñakuyniyta qampi thasnusaj, tumpasunaypis manaña kanqachu. Samarikusaj, manañataj astawampis phiñakusajchu.

Ezequiel 23:46

Chaymantataj Señorqa kay jinata nin: Noqa chay warmispa contrampi ashkha runasta tantaykamusaj, t'ukushajta saqenankupaj, suwanankupajtaj.

Ezequiel 23:9

Chayrayku, paytaqa asirio waynasman jap'icherqani, mayqenkunatachus paypis munapayarqa chayman.

Ezequiel 5:13

K'ajaj phiñakuyniyta thasnuchisaj. Tukuy phiñakuyniywan paykunaman samarakusaj. Paykunata jasut'isqaypi sonqoyta samarichisaj. Chay jinamanta yachanqanku, noqa paykunamanta tukukuspa parlasqayta, phiñakuyniywan paykunapi samarikusqayta.

Oseas 10:9

Señor nin: Israelqa mana saqenchu juchalliyta, maypachachus Gabaapi juchallerqa chaymantapacha. Juchallampipuni kashan! Chayraykumari guerrapis Gabaapi chay sajra runasman chayanqa.

Oseas 4:19

Uj wayra lijrasnin patapi apakaponqa, p'enqasqastaj rikhurenqanku lanti yapaychaykunasninkuwan!

Oseas 4:9

Tukuy aylluta jinataj sacerdotestapis chay ruwasqankuman jina jasut'isaj.

Oseas 8:1

Waqachiy pututusniykita, imaynatachus uj qhawajqa Señorpa ayllunta mana puñuspa qhawan jinata, imaraykuchus noqawan tratonkuta p'akinku.

Oseas 8:10

Jinapis chay llajtas ukhupi t'inkasta rak'irachun. Kunan noqa paykunata ch'eqerachisajpuni, jinamanta uj tiempotaqa mana reykunasninku nitaj kurajkunasninku kanqachu;

San Mateo 22:7

Reytaj chayta uyarispa phiñakorqa, uj tropa soldadosnintataj kacharqa, chay runa wañuchista tukuchinankupaj; llajtankutataj ruphaykuchinankupaj.

Deuteronomio 28:63

Imaynatachus ñaupajta Señor kusikorqa yanapasuspa, mirachisuspataj, ajinallatataj kunanqa tukuchisuspa chinkachisuspa ima kusikonqa. Ujllata orqhosqas kankichej chay jallp'aman tiyakoj yaykunkichej chaymanta.