Números 32:23 - Qheshwa Biblia DC

²³ Sichus mana ajinata nisqaykichejman jinachu ruwankichej chayqa, uj jatun juchata ruwankichej Señorpa contranta, Señorpa jasut'iynintaj ima ratollapis chayamusonqachej chay juchasniykichejrayku.

DIOSPA QHELQACHISQAN DEUTEROCANONICAL

²³ Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

DIOSPA QHELQACHISQ

²³ Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

Números 32:23 ပူးပေါင်းရင်းမြစ်များ

Génesis 4:7

Sichus allinta ruwawaj chayqa, mana jina uyayojchu kawaj. Qanqa mana allintachu ruwanki, chayrayku juchaqa atipaytaña munashasunki. Manachus jina kawaj chayqa, juchata atipawaj.

Génesis 44:16

Judataj kuticherqa: Wiraqochi, imatataj astawan qanman nisqaykuri? Imaynamantataj kunan noqayku willasqayku mana suwaschu kasqaykutari? Dios taripawayku juchayku patapi. Kunanqa makiykipi kayku; kamachisniyki kayku, pejpapichus copayki rikhurin chaywan khuska.

2 Samuel 3:39

Diospa churasqan rey kayniywampis mana kallpayoj jina kashani, Sarviaj wawasnin chay millayta ruwasqankurayku. Señor, chay juchanman jina, qopuchun chayta ruwaj runamanqa!

1 Reyes 2:32

Paypa patanmantaj yawar jich'asqanta Señorqa kutichenqa, imaraykuchus Joabqa iskay runasta wañucherqa, paymanta aswan sumaj cheqan runasta, tatay Davidpa mana yachasqallan. Israelitaspa soldadosnimpa kamachejnin Nerpa wawan Abnerta, Judamanta soldadospa kamachejnin Geterpa wawan Amasatawan.

1 Reyes 2:33

Paykunaj yawarnintaj Joabpa uman pataman jinataj mirayninmampis urmachun wiñaypaj. Señorpa sonqo tiyasqa kaynintaj wiñaypaj kallachumpuni Davidpa wasimpi, miraynimpiwan, tronompiwan.

Salmos 139:11

Laqhapi pakakuyta yuyayman chaypis, tutaqa muyuyniypi k'ancharenqa.

Salmos 140:11

Ch'ichi simeqa ama kay pachapi sayachunchu, runa maqajtaqa mana allin qhatirichun, chinkarichuntaj.

Salmos 90:8

Sajra kayniykoqa qampa ñaupaqeykipi kashan. Pakaypi juchallisqaykupis ñawisniykipi kashan.

Proverbios 13:21

Juchasapasqa sajra imaspa qhatiykachasqan kanku; cheqan runastaj allin kajwan t'inkachisqas kanku.

Proverbios 24:16

Cheqan runaqa qanchis kutita urman, chantaqa uj qanchis kutillatataj sayarikun, sajra runasqa llakiyman urmaykonqanku.

Proverbios 5:22

Sajra runataqa kikin sajra ruwasqallantaj qhatiykachan, kikin juchallantaj waskha jina jap'iykun.

Isaías 3:11

Imaynachus kanqa juchasapa runaqa! Paytaqa mana allinchu renqa. Paymanqa imastachus ruwasqanman jina pagasqa kanqa.

Isaías 59:12

Juchasniykoqa ñaupaqeykipi ashkhaman tukun; juchasnillaykutaj mana allin kasqaykuta ch'ataykuwanku; noqallaykuwampuni juchasniykoqa kashan; yachakuykutaj juchayoj kasqaykuta.

Jonás 1:7

Chaykamataj buqueta purichejkunaqa ninakorqanku: Jamuychej, suerteta choqana, ajinamanta yachananchejpaj, pichus juchayoj kasqanta kay jinatapuni llakiy jamunawanchejpaj. Jinataj suerteta choqarqanku, chaypitaj Jonaspaj suerteqa urmarqa.

Romanos 2:9

Jinallataj ñak'ariy, llakiytaj kanqa tukuy sajrata ruwajkunapaj; ñaupajta judiospaj, qhepantataj griegospaj.

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

Josué 7:18

Zabdej familianmanta ujmanta uj chimpajtinkutaj, Acán juchayoj rikhurerqa. Payqa karqa Carmej wawan, Zabdej allchhin, Zaraj wawampa allchhin, Judá ayllumanta.