Números 28:9 - Qheshwa Biblia DC

⁹ Samarikuna p'unchaypi iskay corderosta Señorman jaywankichej uj watayojtakama, mana iman imanasqata sumachajnin kajta. Chaymanta yapankichej tawa kilo sumajnin kaj jak'uta, aceitewan ñatusqata, jinallataj vino jaywanatawan.

DIOSPA QHELQACHISQAN DEUTEROCANONICAL

⁹ Samarina p'unchaypi uj watayoj, mana iman imanasqa iskay corderota Tata Diosman jaywankichej. Chaymantaj aceitewan puñasqa, sumaj jak'umanta tawa kilota, chantá vinotawan ima jaywankichej.

DIOSPA QHELQACHISQ

⁹ Samarina p'unchaypi uj watayoj, mana iman imanasqa iskay corderota Tata Diosman jaywankichej. Chaymantaj aceitewan puñasqa, sumaj jak'umanta tawa kilota, chantá vinotawan ima jaywankichej.

Números 28:9 ပူးပေါင်းရင်းမြစ်များ

2 Reyes 4:23

Qosantaj payman nerqa: Imapaj kunan riwajri? Mana killa rikhuriychu, nitaj samakuna p'unchaychu, nispa. Paytaj nerqa: Qanqa sonqo tiyasqalla kakuy.

2 Crónicas 2:3

Chaymantataj Salomonqa Tiroj reynin Hiramman willacherqa: Imaynatachus tatay Davidta yanaparqanki, ajinata noqatapis yanapariway. Paymanqa cedro k'aspista apachimorqanki, palacionta ruwachikuspa chaypi tiyakunampaj.

2 Crónicas 2:4

Noqataj Señor Diosniypaj uj yupaychana wasita ruwapusaj, chayta Señorpaj t'aqapunaypaj, chaypitaj paypa ñaupaqempi, k'acha q'apashaj inciensota q'osñichinaypaj, chaypi paypaj t'aqasqa t'antasta sinrullata jaywanaypajpuni, sapa día uywasta ñak'aspa q'olachipunaypaj tutamanta, jinataj tardempipis, jinallataj samakuna p'unchaykunapi, killa rikhuriy p'unchaykunapi, jinataj Señor Diosniykoj fiestasnimpipis, imaynatachus Israelpi ruwakumpuni jinata.

2 Crónicas 8:13

Moisespa leyninman jina ima diaspichus jaywananku karqa chay diaspi, samakuna p'unchaykunaspi, sapa killa qallarikuypi, watantimpi kinsantin fiestaspipis, mana levadurayoj t'antata mikhuna fiestapi, semanas fiesta nisqapi, ramadas fiestapi ima.

Isaías 58:13

Sichus samakuna p'unchaypi mana purinkichu, nitaj ajllakusqay p'unchaypi munayniykita ruwankichu, ninkitaj chay p'unchayqa Señorpa sumaj p'unchaynin kasqanta; chay p'unchaypichus payta yupaychanki, mana imatachus munasqaykita ruwaspa, mana qampa munasqaykita mask'aspa, manataj qampa palabrasnillaykitachu parlaspa kanki chayqa, may kusisqa tarikunki Señorman parlaspa; chay jallp'aj jatuchaj orqosninman noqa wicharichisqayki. Noqa mikhuchisqayki tataykej Jacobpa chayaqen jallp'api. Kaytaqa kikin Señorman nisunki.

Ezequiel 20:12

Chantapis, paykunaman qollarqanitaj samakuna p'unchaykunasniyta noqawan, paykunawan uj señal kanampaj, yachanankupajtaj noqa Señor paykunata ajllakusqayta.

Ezequiel 46:4

Samakuna p'unchaypi, kamachejqa uywasta ñak'aspa, ninapi ruphachispataj Señorman jaywanqa. Chaykunaqa kanqa sojta ovejas, uj corderopiwan. Chay uywastaj mana iman imanasqas kananku tiyan.

Números 28:10

Kay jaywanataqa samarikuna p'unchaypi q'olachinkichej, vino jaywanatawan, sapa p'unchaypaj kaj jaywanatawan khuska.

Números 28:8

Ujnin kaj ovejatataj ch'isi yaykuyta q'olachenqanku, chaymantaj yapanqanku ch'aki mikhuymanta jaywana kajta, vino jaywanatawan tutamanta jaywanku ajinata. Chayta Señorpaj sumaj q'apashajta q'olachenqanku.

Apocalipsis 1:10

Uj kuti Señorpa p'unchaynimpi, Espíritoj atiyninwan kasharqani, qhepaypitaj uj sinch'ita parlamojta, trompetaj waqayninta jina uyarerqani.