Números 25:13 - Qheshwa Biblia DC

¹³ Chayrayku payman qoni sacerdotej ruwanasninta wiñaypaj ruwanampaj, pay, jinallataj miraynimpis; imaraykuchus pay Diosninrayku chayta ruwan, jinallataj israelitaspaj perdonta tarinampaj.

DIOSPA QHELQACHISQAN DEUTEROCANONICAL

¹³ Chayrayku payman, jinataj mirayninmanpis sacerdote kanankuta wiñaypaj qoni. Chayta ruwani imaraykuchus payqa Diosninmanta sienterqa, israelitakunaj juchallisqanku pampachasqa kanantataj tarerqa, nispa.

DIOSPA QHELQACHISQ

¹³ Chayrayku payman, jinataj mirayninmanpis sacerdote kanankuta wiñaypaj qoni. Chayta ruwani imaraykuchus payqa Diosninmanta sienterqa, israelitakunaj juchallisqanku pampachasqa kanantataj tarerqa, nispa.

Números 25:13 ပူးပေါင်းရင်းမြစ်များ

2 Samuel 21:3

Davidtaj paykunata tapurerqa: Imatataj qankunarayku ruwaymanrí? Imaynapitaj qankunata llakiyta ruwasusqaykichejta allinyachiymanri, jinamanta Señorpa ayllunta bendicinaykichejpaj?

1 Reyes 19:10

Paytaj kuticherqa: Tukuy Atiyniyoj Señor Diosníy, noqaqa anchatapuni qanmanta sienteni, imaraykuchus israelitasqa tratota ruwasqaykita saqerparinku, altaresniykita urmachinku, profetasniykitapis espadawan wañurachinku; noqa sapallayña qhepakuni, chaywampis wañuchinawankupaj mask'ashawankuraj.

1 Reyes 19:14

Eliastaj kuticherqa: Tukuy Atiyniyoj Señor Diosníy, noqaqa anchatapuni qanmanta sienteni; imaraykuchus israelitasqa tratota ruwasqaykita saqerparinku, altaresniykita urmachinku, profetasniykitapis espadawan wañurachinku; noqa sapallayña qhepakuni, chaywampis wañuchinawankupaj mask'ashawankuraj.

1 Reyes 2:27

Ajinata Salomonqa qharqorqa Abiatarta Señorpa sacerdoten kasqanmanta, jinamanta Señorpa palabran junt'akunampaj, Elej ayllunmanta Silopi parlasqanman jina.

Nehemías 13:29

Diosníy, yuyarikuy ari sacerdote kayta ch'ichichasqankuta, jinallataj sacerdoteswan levitaswan trato ruwasqaykita ch'ichichasqankutapis.

Salmos 106:31

Diostaj chay cheqan ruwasqanta allimpaj qhawarqa wiñay wiñaynintimpaj.

Salmos 119:139

Palabraykita sinch'ita munakusqay t'ukuchiwan, enemigosniy kamachisqasniykita qonqapusqankurayku.

Salmos 69:9

Wasiykita sinch'i munakuy tukuchiwan. noqaman chayamuwanku tukuy laya toreajkuna, qanta qhesachajkunamanta.

Éxodo 29:9

Chaymanta Aaronta chumpichinki, jinallataj wawasnintapis, jinaspataj churaranki ch'ulusta sapa ujninkuman. Ajinamanta qanqa paykunata unaypaj sacerdotesniy kanankupaj t'aqapuwanki.

Éxodo 32:30

Q'ayantin Moisesqa runasman nerqa: Qankunaqa uj jatun juchata ruwarqankichej, kunanqa wicharisaj maypichus Señor kashan chayman, ichapis Señorqa juchasniykichejta pampachanqa.

Éxodo 40:15

Jinaytawantaj aceitewan jawiy, imaynatachus tatankuta jawerqanki ajina, paykunapis sacerdotesniy kanankupaj. Ajinata aceitewan jawisqaykeqa wiñaypaj wawasninkupis qhepaman sacerdotesllapuni kanankupaj.

Isaías 61:6

Qankunaqa Señorpa sacerdotesnin nisqa kankichej, Diospa kamachisnin nisqataj. Qankunaqa karu llajtasniyojpa kapuyninta mikhunkichej, qhapaj kapuyninkuwantaj kusikunkichej.

Jeremías 33:18

Chaypeqa jayk'ajpis Leví ayllumanta sacerdotesqa kallanqapuni, sapa p'unchay ruphachisqa rikuchikuta jaywanawankupaj, noqaj sutiypi ch'aki mikhuykuna poqoykunasta ruphachinankupaj, waj rikuchikustapis jaywanawankuta.

Jeremías 33:22

Kamachiy Davidpa mirayninta, kamachisniyta, Levejpa mirayninmanta kamachisniy sacerdotestapis may chhikaman mirachisaj janaj pachapi qoyllurkunata jina, mar qochaj t'iyunta jinataj, mana yupay atinata.

Levítico 15:15

Sacerdotetaj chaykunamanta ujninta rikuchikuta jina jaywanqa, runaj juchasninmanta, ujnintataj ruphachenqa. Ajinata sacerdoteqa Señorpa ñaupaqempi chay mujun suruchikoj runapaj ruwanqa, llimphupaj qhawasqa kanampaj.

Malaquías 2:8

Sacerdotes, qankunaqa sumaj ñanmanta karunchakorqankichej, ashkhastataj urmacherqankichej qankunaj yachachisqasniykichejwan. Ajinapi qankuna pierdechinkichej Leviwan trato ruwasqaytaqa, nin Tukuy Atiyniyoj Señorqa.

Números 16:46

Jinaytawantaj Moisesqa Aaronman nerqa: Incienso q'osñichinaykita apamuy, chaymantaj churay altarpi kashan chay ninata, patanmantaj inciensota jich'aykuy. Chayta oqhariykukuspataj runaspa ñaupaqenman usqhayta riy, Diosmanta perdonta mañamuy, ñapis Señorpa k'ajaj phiñakuynenqa llojsimunña, wañuypis qallarinña, nispa.

Números 16:47

Aarontaj incienso q'osñichinanta oqhariykukuytawan usqhayta rerqa Moisespa kamachisqanman jina, maypichus runas tantasqas kasharqanku chayman. Chaypajqa wañuy qallarikorqaña runas ukhupi Diospa nisqanman jina. Chanta Aaronqa inciensota q'osñichispa Diosmanta perdonta runaspaj mañaporqa.

Números 17:12

Israelitastaj Moisesman nerqanku: Noqaykupajqa manaña imapis allinchu, tukuyniyku wañupusqayku.

Números 25:14

Madianita warmiwan khuska wañuchisqa karqa chay israelitaj sutenqa karqa Zimri. Chay qharitaj karqa Simeompa ayllunmanta kuraj kaj Saloj wawan.

San Juan 2:17

Chaypacha yachachisqasnin yuyarikorqanku escribisqa kasqanta: Tatáy, wasiykej sinch'i munakuynin tukuchiwan.

Hebreos 2:17

Chayrayku, hermanosninman tukuy imapi rijch'akunampi karqa, khuyakuyniyoj, kuraj sacerdote churasqa kaspa, Diospa tukuy imasnimpi junt'aj, runakunaj juchasnintapis pampachanampaj.

Hebreos 7:11

Sichus ari, levítico sacerdociorayku sumaj kay, kanman karqa chayqa; imapajñataj waj sacerdote, Melquisedecpa t'aqanman jina jatarinman karqari, manataj Aarompa t'aqanman jina kajtinri?

Josué 7:12

Chayrayku israelitasqa enemigosninkuta mana atipayta atenqankuchu, paykunaqa ayqechimullanqankupuni, imachus ruphachisqa kanan karqa chayta jap'isqankumanta. Manachus usqhayta phirinkichej chayqa, mana noqapis qankunawanñachu kasaj.

1 Pedro 2:5

Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

1 Juan 2:2

Jesucristoqa wañorqa juchasninchejta pampachanampaj; manataj juchasninchejraykullachu, astawanqa tukuy runaspa juchasninkurayku.

Apocalipsis 1:6

Cristoqa reyesta, sacerdotestataj kamachimpaj Dios Tatampaj churawarqanchej. Payman janaj pacha k'anchay, atiytaj, wiñay wiñaypaj kachun. Amén.

1 Samuel 2:30

Chayrayku Señorqa Israelpa Diosnin nerqa: Qanwan aylluykiwan ima paypa nisqanta ruwanaykichejtapuni. Kunanqa nisunkichej: Mana ni jayk'aj chayta saqesajchu, manachayqa jatunchawajkunata jatunchallasajtaj; qhesachawajkuna tapis p'enqaypi rikhurichisaj. Noqa Señor chayta nini.