Números 23:20 - Qheshwa Biblia DC

²⁰ Diosqa noqata kamachiwan bendicinayta. Sichus Dios bendicin chayqa, noqaqa mana imanaytapis atinichu.

DIOSPA QHELQACHISQAN DEUTEROCANONICAL

²⁰ Dios kamachiwan israelitakunata saminchanayta. Sichus Dios saminchan chayqa, noqa mana jark'ayta atiymanchu.

DIOSPA QHELQACHISQ

²⁰ Dios kamachiwan israelitakunata saminchanayta. Sichus Dios saminchan chayqa, noqa mana jark'ayta atiymanchu.

Números 23:20 ပူးပေါင်းရင်းမြစ်များ

Génesis 12:2

Mirayniykimanta ruwasaj uj jatun aylluta; bendicisqayki, sutiyki may yuyarisqa kanqa, qannejta wajkuna bendicisqas kanqanku.

Génesis 22:17

Kunanqa bendicisqayki, mirayniykitapis ashkhata mirachisaj mana yupay atinata cielopi qoyllurkunata jina, mar qocha cantopi t'iyuta jina. Chantapis tukuy enemigosninkuta atipanqanku.

Génesis 27:33

Isaacqa mancharikuspa kharkatitispa jajllu jajllullamanta nerqa: Chanta, pitaj rerqa montemanri, aycha mikhuytataj apamuwanri? Noqaqa mikhuniña manaraj apamushawajtiyki, bendicionniyta paymanña qopuni, pay qhepakun bendicisqa.

1 Crónicas 17:27

Kunantaj kay kamachiykej mirayniyta bendiciyta munarqanki, wiñaypaj makisniykipi waqaychasqas kanankupaj. Qan, Señor, mirayniyta, wiñaypajtaj bendicisqa kanqa.

Isaías 43:13

Noqaqa Dios kan. Manaraj p'unchay kashajtin karqanipuni. Mana pipis makiymantaqa qhechuyta atinchu. Noqa ruwasaj nisqaytaqa mana pipis jark'anmanchu.

Números 22:12

Diostaj Balaamman nerqa: Ama riychu chay runaswan israelitasta maldicej, imaraykuchus paykunata noqa bendicini, nispa.

Números 22:18

Balaamqa kutichillarqataj: Noqaqa manapuni riyta atiymanchu may chhika qorita, palaciompi tukuynin qolqeta qoshawajtimpis, jatunta, nitaj juch'uyta ruwajpis, Señor Diosniypa kamachiwasqasninta p'akispaqa.

Números 22:38

Balaamtaj payman nerqa: Kayqa kunanqa chayamuni, qanta imaynachus kasqaykita rikusunaypaj; chaywampis noqa kikiymantaqa mana imatapis parlasajchu, imatachus Dios niwanqa chayllata nisqayki.

Números 6:27

Ajinata paykunata noqaj sutiypi israelitasman nichunku, noqataj paykunata bendicisaj.

1 Pedro 1:5

Creesqaykichejraykutaj Diospa atiynimpi waqaychasqas kankichej, chay wakichisqa salvacionta tarinaykichejpaj. Chaytaj, qhepa p'unchaykunapi rikuchisqa kanqa.