Números 21:34 - Qheshwa Biblia DC

³⁴ Señortaj Moisesman nerqa: Ama manchachikuychu chay runasmanta, noqa makisniykiman churasaj, tukuy soldadosnintinta llajtantinta ima. Ajinallatataj qan paywan ruwanki, Sehonwan ruwarqanki, chaynejpi tiyakoj amorreospa reynin Hesbonwan, ajinata, nispa.

DIOSPA QHELQACHISQAN DEUTEROCANONICAL

³⁴ Chantá Tata Dios Moisesta nerqa: Ama manchachikuychu. Chay kuraj kamachejta, soldadonkunantinta, chantá tukuy suyuntinta ima makiykiman jaywaykusaj. Qantaj Jesbonpi tiyakoj amorreokunaj kuraj kamachejninku Sijonta imaynatachus ruwarqanki, ajinallatataj Ogwan ruwanki, nispa.

DIOSPA QHELQACHISQ

³⁴ Chantá Tata Dios Moisesta nerqa: Ama manchachikuychu. Chay kuraj kamachejta, soldadonkunantinta, chantá tukuy suyuntinta ima makiykiman jaywaykusaj. Qantaj Jesbonpi tiyakoj amorreokunaj kuraj kamachejninku Sijonta imaynatachus ruwarqanki, ajinallatataj Ogwan ruwanki, nispa.

Números 21:34 ပူးပေါင်းရင်းမြစ်များ

2 Samuel 5:19

Chayraykutaj Davidqa Señorta tapurerqa kay jinata: Filisteoswan maqanakoj riymanchu? Paykunawan maqanakojtiyrí, atipachiwankimanchu?, nispa. Señortaj payman kuticherqa: Arí, rillay maqanakoj, noqa atipachisqayki paykunata, nispa.

1 Reyes 20:13

Chaypachataj Israelmanta rey Acabman uj profeta jamorqa, nerqataj: Señorqa ajinata nin: Rikhunkichu chay chhika runasta? Kunantaj makiykiman noqa jaywaykusqayki, yachanaykipaj noqa Señor kasqayta.

1 Reyes 20:28

Chaypacha Diospa profetan Israelpa reyninman jamorqa, nerqataj: Señorqa ajinata nin: Imaraykuchus siriosqa ninku: Señorninkoqa orqosmanta Dios, manataj pampasmanta Dioschu, chayrayku kunanqa makisniykiman jaywaykullasqaykitaj, chay chhika manchay ashkha runasta. Yachankichejtaj, noqa Señor kasqayta.

2 Reyes 3:18

Kaytaj Señorpa ñaupaqempi uj chhikan ruwaylla. Chay jawan payqa Moabitastapis makisniykichejman jaywasonqachej.

Isaías 41:13

Noqaqa paña makiykimanta jap'isoj Señor Diosniyki kani, niykitaj: Ama manchachikuychu, noqa yanapasqayki, nispa.

Números 14:9

Chayrayku ama Señorpa contranta oqharikuychejchu, amataj manchachikuychejchu chay jallp'api kaj runasmanta. Paykunataqa t'antatapis mikhushasunman jina atipasun. Paykunamanta jark'akojqa mana pipis kanchu, noqanchejwanri Señor kashan. Chayrayku ama manchachikuychejchu.

Deuteronomio 2:30

Hesbonmanta rey Sehonqa mana pasachiyta munawarqanchejchu chay jallp'annejta. Chay jina kanampajqa Señorpuni paypa sonqonta rumiyacherqa, ajinamanta makiykichejman payta churarqa. Kunampis jinarajpuni kashan.

Deuteronomio 20:3

Uyariychej israelitas; kunanqa enemigosniykichejwan maqanakamunkichej. Ama iskayrayankichejchu, ama manchachikunkichejchu, ama kharkatitinkichejchu, amataj mancharikunkichejchu; imaraykuchus Señor Diosniykichejqa qankunawan kashan. Pay qankunarayku enemigosniykichejwan maqanakonqa, atipanaykichejpajtaj yanapasonqachej.

Deuteronomio 3:1

Chaymantaqa Basán ñantañataj jap'irerqanchej, Basanmanta rey Ogñataj tukuy soldadosninwan Edreipi maqanakoj llojsimuwarqanchej.

Deuteronomio 3:11

Basanmanta rey Ogllaña qhepakorqa tukuynin refaíta runasmanta kaj. Sepulturanqa rumimanta ruwasqs karqa. Chay rumeqa sayt'unman karqa tawa chunka metros, kinrayninmantaj yaqha iskay metros jina. Chay sepulturaqa kunankama kashan amonitaspa llajtan Rabapi.

Deuteronomio 31:6

Qankunaqa sumajta kallpachakuychej, sinch'itataj sayaychej. Qankunaqa ama manchachikunkichejchu chay runaswan tinkuytawan. Señor Diosniykichejqa qankunawan kashan. Payqa qhawasonqachejpuni, manataj saqerpayasonqachejchu.

Deuteronomio 7:17

Ichapis sonqoykichejpi yuyankichej: Kay nacionesqa noqaykumanta aswan ashkha, imaynamantataj qharqosunmanri?, nispa.

Deuteronomio 7:18

Qankunaqa amapuni manchachikunkichejchu paykunata. Yuyarikuychej imatachus Señor Diosniykichej faraompa, tukuynin egipciospa contrantawan ruwasqanta.

Deuteronomio 7:21

Chayrayku paykunaj ñaupaqenkupeqa amapuni manchachikunkichejchu, imaraykuchus Señor Diosniykichejqa qankunawan kashan, Payqa jatun Dios, manchachikunataj.

Deuteronomio 7:24

Reyesninkutapis Señorqa makisniykichejman churasonqachej. Qankuna paykunaj mentasqa kayninkuta kay jallp'a patamanta chinkachinkichej. Nitaj pipis kutichikamusonqachejchu. Ajinamanta tukuyninkuta chinkachinkichej.

Josué 10:25

Chaymanta Josueqa nillarqataj: Ama manchariychejchu, nitaj kharkaychejchu, astawanqa sinch'is, wapustaj kaychej. Imaraykuchus Señorqa ajinatapuni ruwanqa qankunawan maqanakoj enemigosniykichejtaqa, nispa.

Josué 10:8

Señortaj Josueman nerqa: Ama paykunamantaqa manchachikuychu, noqa makisniykiman jaywasqayki, ni mayqenninku ñaupaqeykipi sayayta atenqankuchu.

Josué 8:7

Chaykamataj qankunaqa pakakusqaykichejmanta llojsimuytawan llajtata jap'inkichej, imaraykuchus Señor Diosniykichej makisniykichejman jaywasonqachej.

Jueces 11:30

Jeftetaj Señorman qosqayki nerqa kay jinata: Sichus amonitasta atipachiwanki chayqa, qampaj jaywanata q'olachipusqayki pichari ñaupajta wasiymanta taripamoj llojsimuwanqa chayta.

1 Samuel 23:4

Chaypacha Davidqa watejmanta Señorta tapullarqataj, Señortaj kay jinata nerqa: Rillayña Keilaman, noqataj chay filisteosta makisniykiman churasaj, nispa.