Números 18:8 - Qheshwa Biblia DC

⁸ Señorqa Aaronman nerqa: Qan qhawanki israelitas ofrendata apamuwasqankuta. Ima laya ofrendatatachus israelitas qowasqankuta, qanman, wawasniykimanwan qoykichej imastachus ruwasqaykichejman jina. Kayqa unaypaj kanqa sapa kuti ruwanaykichejpaj.

DIOSPA QHELQACHISQAN DEUTEROCANONICAL

⁸ Tata Dios Aaronwan parlaspa, nillarqataj: Qanta churayki israelitakuna apamuwasqanku jaywanata qhawanaykipaj. Qanwan, churiykikunawan ima sacerdote kanaykichejpaj ajllasqa kankichej. Chayrayku israelitakuna t'aqaspa noqaman jaywawasqankumanta qanman, churiykikunamanwan ima qoykichej. Kay kamachisqaqa wiñaypaj kanqa.

DIOSPA QHELQACHISQ

⁸ Tata Dios Aaronwan parlaspa, nillarqataj: Qanta churayki israelitakuna apamuwasqanku jaywanata qhawanaykipaj. Qanwan, churiykikunawan ima sacerdote kanaykichejpaj ajllasqa kankichej. Chayrayku israelitakuna t'aqaspa noqaman jaywawasqankumanta qanman, churiykikunamanwan ima qoykichej. Kay kamachisqaqa wiñaypaj kanqa.

Números 18:8 ပူးပေါင်းရင်းမြစ်များ

2 Reyes 12:16

Juchamanta apaj kanku chay qolqeta, pantasqankumanta chay qolqetawan Señorpa wasinmanqa mana apajchu kanku, chaykunaqa sacerdotespata karqa.

2 Crónicas 31:4

Jinallatataj kamacherqa Jerusalempi tiyakoj runasta, sacerdotesman, levitasmampis imastachus qonanku karqa chayta qopunankuta, jinamanta Señorpa leyninman jina ruwanasninkuta junt'anankupaj.

2 Crónicas 31:5

Maypachachus chay kamachi willarakojtinkamataj israelitasqa tukuy sonqowan qorqanku ñaupaj kaj poqoykunasninkumanta, trigota, aceiteta, vinota, misk'ita, campo chajrasmanta tukuy poqoykunatawan. Jinallatataj may ashkhata aparqanku tukuy poqoykunasninkumanta chunka t'aqasmanta ujnin kaj t'aqata.

Éxodo 28:43

Chay p'achasta churarakuspa Aarón, jinallataj wawasnimpis Diospaj tiyakunan toldoman yaykonqanku, chayri altarman qayllaykunankupaj rikuchikusta jaywanankupaj Diospaj t'aqasqa cheqapi, ama juchallikunankupaj, amataj wañunankupaj. Kay leyqa unaypajpuni kanqa, jinallataj mirayninkupajpis.

Éxodo 29:21

Altar patapi kaj yawarwan, jawina kaj aceitepiwan uj chhikawan Aarompa p'achasnin uraman chhalluriy, jinallataj wawasnimpa p'achasnimpa patasninmampis. Ajinamanta Aaronqa, wawasnin ima Diospaj t'aqasqas kanqanku, jinallataj p'achasninkupis.

Éxodo 29:28

Chay t'asqasqataj kanqa Aarompaj wawasnimpajwan. Chayqa ley israelitaspaj wiñaypaj. Chay ofrendata qospaqa israelitas ruwanqanku uj yanapata, uj allinyakuna rikuchinkuta Señorman qospa.

Éxodo 29:29

Aarompa sacerdote p'achasnenqa qhepakonqa, aswan qhepaman wawasninmanta kajkuna churakunankupaj, chay p'achasta churakuspa aceitewan jawichikunankupaj, jinallataj Diospaj t'aqasqas kanankupaj.

Éxodo 40:13

Jinaspataj Aaronta sumaj ruwasqa p'achaswan p'achallichinki, aceitewantaj jawiy sacerdotey t'aqasqa kanampaj.

Éxodo 40:15

Jinaytawantaj aceitewan jawiy, imaynatachus tatankuta jawerqanki ajina, paykunapis sacerdotesniy kanankupaj. Ajinata aceitewan jawisqaykeqa wiñaypaj wawasninkupis qhepaman sacerdotesllapuni kanankupaj.

Isaías 10:27

Chaypacha wasaykiman q'epirichisusqankoqa qhechusqa kanqa, jinallataj much'uykiman yugota churasusqankupis, ismonqataj chay yugoqa aceitewan jawisqa kasqaykirayku.

Levítico 21:10

Sacerdotespa kurajninku ajllasqa aceitewan umampi jawisqa, payqa sacerdote p'achasta churakunampaj t'aqasqa. Umanta ama q'ara umakonqachu, nitaj p'achasnintapis llik'irakonqachu llakisqa kasqanta rikuchinampaj.

Levítico 23:20

Sacerdoteqa chaykunata sumaj rikuchikuta Señorman jaywanqa, ñaupaj poqoykunamanta ruwasqa t'antasta, iskay corderostawan. Chaykunaqa Señorman t'aqasqas, sacerdotespajtaj kanqanku.

Levítico 6:16

Chay rikuchikusmanta puchojtataj Aaronwan wawasninwan mikhonqanku mana levadurayojta uj sumaj t'aqasqa cheqapi, Dioswan tinkukuna toldoj ñaupaqempi kaj patiopi.

Levítico 6:18

Qhepamanqa wiñaypaj tukuy qharis Aarompa mirayninmanta kajkuna kay mikhunasmanta chayaqenkuta mikhuyta atenqankupuni; Señorpaj ruphachisqa rikuchikusmanta, imaraykuchus kayqa kanqa uj ley jina. Pillapis, chaypi imallapis kay rikuchikusman chayajqa llimphuchasqa kanqa.

Levítico 6:26

Chay juchasrayku apamusqa rikuchikusmantaqa sacerdoteqa llimphu kaj nisqa cheqapi mikhuyta atin Dioswan tinkukuna toldoj ñaupaqempi kaj patiopi.

Levítico 7:14

Chay tukuynin rikuchikumanta wakin Señorman t'aqasqa kanqa. Chaymantataj sacerdotepaj kanqa, allinyakuy rikuchiku uywaj yawarninta altarpi ch'ajchumojpaj.

Levítico 7:28

Señorqa Moisesman kay jinata parlarqa: Niy israelitasman pichus allinyakuy rikuchikuta ruphasqa kanampaj apamojqa, Señorpa ñaupaqenman apananta.

Levítico 7:6

Chay jina jaywasqa uywasmantaqa tukuy sacerdotes mikhuyta atenqanku. Chaytaqa mikhuyta atenqanku t'aqasqa cheqapi, imaraykuchus chayqa t'aqasqamin.

Levítico 8:30

Chaymanta Moisesqa t'aqasqa jawina aceitemanta, altar patapi kasharqa chay yawartawan oqharerqa. Chaymantataj Aaronman wawasninmanwan ch'ajchuykorqa, tukuyninkoj sacerdote p'achasninkutawan. Ajinata Moisesqa Señorpaj t'aqarqa, Aaronta, wawasninta, tukuyninkoj sacerdote p'achasninkutawan.

Números 18:9

Rikuchikusta israelitas noqapaj ruphachinanku karqa: Ch'aki mikhuymanta kajkuna apamuwasqanku rikuchikus, juchamanta apamuwasqanku ofrendas ima. Ajina kay llimphuchasqa ofrendasqa qampaj, wawasniykipajwan kanqa.

Números 5:9

Ima ramastachus, ofrendastawan israelitas Señorman qonankupaj t'aqanku, apankutaj sacerdotej ñaupaqenman, chaykunaqa sacerdotepaj kanqa.

1 Corintios 9:13

Manachu yachankichej templopi llank'ajkunaqa Diosman jaywasqasta mikhusqankuta? Jinallataj altarpi jaywajkunapis manachu altarpi kaj ofrendasmanta jap'illankutaj?

Deuteronomio 12:11

May cheqapichus Señorqa sutin yupaychasqa kanampaj ajllakonqa chaypi, qankunaqa kamachisusqaykichejman jina kay tukuy imasta Señorman jaywankichej: Ruphasqa kanampaj uywasta, ruphachinapaj kajta, sapa chunkamanta uj kaj ofrendata, rama ofrendasta, imastachus ajllaspa Señorman qosaj nerqankichej chay ofrendasta ima.

Deuteronomio 12:6

Qankuna chaypi uywasta ruphachinkichej, rikuchikustapis jaywankichej. Apankichejtaj chunkamanta ujta ofrendata, rama ofrendata, qosaj nisqaykichej ofrendata, munasqaykichejman jina ofrendata, waka uñasta, kuraj oveja uñasta ima.

Deuteronomio 18:1

Leví aylloqa sacerdote ayllu nisqa mana jallp'asniyojchu, nitaj chayaqeyojchu kanqa israelita masisninku ukhupi. Manachayqa paykunaqa kausanqanku Señorman apasqa rikuchikusmanta, Señorpa chayaqenmanta ima.

Deuteronomio 26:13

Chaymantataj Señor Diosniykichejpa ñaupaqempi ninkichej: Imatachus Señor Diosniykipaj t'aqasqaykuta wasiykumanta orqhomuspa qoykuña, levitasman, karu llajtayojkuna kaypi tiyakojkunaman, wajcha wawasman, warmi sapasman ima, tukuyta niwasqaykuman jina kamachiwasqasniykuta kasukuspa; mana qonqaspataj, tukuyninta junt'ani.

Hebreos 1:9

Cheqan kajta munakorqanki, sajra kajtataj chejnerqanki. Chayrayku Dios, qampa Diosniyki, kusiy aceitewan jawisorqa, astawanraj kausaqesniykimanta nisqaqa.

1 Juan 2:20

Qankunaqa Santo Espirituta Jesucristonejta jap'erqankichej, chayta tukuy yachankichej.

1 Juan 2:27

Qankunaqa Santo Espirituta Jesucristomanta jap'erqankichej. Payta qankunawan kashan, nitaj pimanta yachachinata munankichejñachu. Santo Espiritoqa, tukuy imata yachachisunkichej. Paypa yachachisqanqa cheqa, manataj llullachu. Chayrayku qankunaqa, Cristowan ujlla kakuychej, imaynatachá Santo Espíritu yachachisorqachej, ajinata.