Números 17:5 - Qheshwa Biblia DC

⁵ Chaypi noqaj ajllasqay runaj tojunta t'ikarichisaj, ajinamanta israelitas noqay ñaupaqeypi manaña qankunaj contraykichejta parlanqankuchu.

DIOSPA QHELQACHISQAN DEUTEROCANONICAL

⁵ 5 (20) Chaypitaj ajllakusqay runaj varanta t'ikarichisaj. Ajinamanta israelitakuna noqaj ñawpaqeypi manaña qankunaj contraykichejta rimanqankuchu, nispa.

DIOSPA QHELQACHISQ

⁵ 5 (20) Chaypitaj ajllakusqay runaj varanta t'ikarichisaj. Ajinamanta israelitakuna noqaj ñawpaqeypi manaña qankunaj contraykichejta rimanqankuchu, nispa.

Números 17:5 ပူးပေါင်းရင်းမြစ်များ

2 Crónicas 26:16

Rey kasqanwan kallpachaykukojtinñaqa sonqompi wapuykachayta qallarerqa, chayraykutaj mana allinchu rerqa, Señor Diosnimpa contrampi oqharikorqa, Señorpa yupaychana wasinman inciensota q'osñichej yaykorqa chay incienso altarpi.

Esdras 2:62

Kaykunataj ñaupa tatasninkoj sutisninkuta mask'arqanku, maypichus sutis qelqakoj chay libropi, manataj tarerqankuchu. Chayrayku manaña sacerdotespaj qhawasqachu karqanku.

Salmos 105:26

Chaypachataj Diosninchej kamachin Moisesta kacharqa, Aarontawan, pitachus pay ajllakorqa.

Éxodo 16:7

Tutamanta rikunkichej Señorqa may jina jatunchus kasqanta. Pay uyarimusunkichej Señorpa contranta rimasqaykichejta. Noqaykoqa, pistaj kayku contraykuta rimanaykichejpajri?

Isaías 11:1

Uj k'ullumanta ch'illchimonqa, chay k'ulloqa Isaí; saphisninmantataj ch'illchimoj wiñallanqataj.

Isaías 13:11

Señorqa nin: Kay pachata juchanmanta jasut'isaj, sajra runasta millay juchasninkumanta. Sajra runaspa machu machuykachayninkuta ch'inyachisaj; May kasqankuta yuyakojkunata k'umuykachachisaj.

Isaías 27:6

Qhepa p'unchaykunaman Jacobqa sumajta saphinchakonqa, ajinamanta Israelqa ch'illchispa t'ikanqa, chay poqoynintaj mundontinman junt'aykonqa.

Isaías 5:24

Chayrayku, imaynatachus ninaqa ichhuta q'olaykun, larwaynintaj ch'aki laqhesta ujllata rupharparin, ajinata qankunaqa chinkarparinkichej. Saphinmanta ismoj yura jina, t'ikasnintaj ñut'u jallp'aman tukupun, ajinata. Qankunaqa Tukuy Atiyniyoj Israelpa Santo Diosnimpa kamachisqantaqa mana kasunkichejchu.

Ezequiel 16:41

Wasisniykitapis ninawan kanaykonqanku. Ashkha warmispa ñaupaqempitaj qanta juchachasonqanku. Ajinapitaj qhenchachakuypi purinaykita tukuchisaj, manañataj ujtawampis tiyapususqantaqa qhenchachakuspa pagankichu.

Ezequiel 23:27

Ajinamanta Egipto jallp'api munayniykipi purisqaykita, qhenchachakusqaykitawan chinkachisaj. Manataj egipciostaqa ujtawampis qhawarinkichu, Egiptomantataj mana jayk'ajpis yuyarikunkiñachu.

Oseas 14:5

Israelpaj noqa kasaj uj chhulla jina, paytaj liriokuna jina t'ikarenqa. Saphisnenqa Líbanoj orqompa saphisnin jina sinch'is kanqanku;

Números 1:51

Maymanchus rinapajpis paykuna chay toldota phaskanqanku. Maymanchus chayaspataj paykuna watajmanta chay toldota sayarichenqanku. Pillapis mana levita kajqa chay toldoman qayllaykojtin wañuchisqa kanqa.

Números 11:1

Uj pachataj israelitasqa Señorpa contranta thutuyta qallarerqanku. Señortaj chayta uyarispa k'ajaj phiñakuyninta rikucherqa, jaraj ujnin cantonta ninawan ruphaykucherqa.

Números 16:11

Pitaj Aaronqa paypa contranta parlanaykichejpaj. Qanrí yanapajkunasniykiwan Señorpa contranta oqharikushankichej.

Números 16:5

Chaymantataj Coreman, pischus paywan kasharqanku chaykunamanwan nerqa: Q'aya tutamanta Señorqa willawasun, pischus paypata kasqanta, pischus llimphupaj qhawasqa kasqanta, pischus rikuchikusta payman jaywanqa chay kajllata Señorqa ajllanqa.

Números 17:10

Chaymanta Señorqa Moisesman nerqa: Aarompa tojnunta ujtawan churaykamullaytaj, Diospa leyninwan kashan chay cajompa ñaupaqenman. Chay pachampi saqey, señal jina kanampaj chay thutojkunapaj. Chayta ruway, ajinamanta ama ujtawampis noqaj contrayta rimanankupaj, chayta rikuspa ama wañunankupaj.

Números 17:6

Moisestaj chay kikinta israelitasman nerqa: Paykunataj sapa ujninku sapa ayllumanta uj tojnutakama qorqanku. Aarompatapis chayllapitaj karqa. Tukuynimpi karqa chunka iskayniyoj tojnus.

Números 17:8

Q'ayantintaj Moisesqa Dioswan tinkukuna toldoman yaykuspa rikorqa Aarompa tojnun Leví ayllumanta kajpata q'omeryaspa t'ikashajta, jinaspataj almendrasta sumajta poqoshajta.

1 Corintios 10:10

Amataj thutuychejchu Diospa contranta, imaynatachus paykunamanta wakinkuna thutorqanku jinataqa. Señorpa angelnintaj paykunata wañuracherqa.

Josué 4:7

Chaypacha qankuna ninkichej: Mayk'ajchus Señorpa trato ruwasqan cajón Jordán mayuta chimpamorqa. Yakutaj chay cajompa ñaupaqempi iskayman p'itikorqa. Kay tauqasqa rumisqa kashan kaypi imachus kasqanta yuyarikunankupajpuni.