Números 15:29 - Qheshwa Biblia DC

²⁹ Chay leyllapuni kanqa tukuynin israelitaspaj, jinallataj qankunawan tiyakoj karu llajtayojkunapajpis, mana yachashaspalla juchallikusqankurayku.

DIOSPA QHELQACHISQAN DEUTEROCANONICAL

²⁹ Mana yuyasqallamanta juchallej tukuy israelitakunapaj, jinallataj qankunawan tiyakoj waj llajtayojkunapajpis, chay kamachisqallapuni kanqa.

DIOSPA QHELQACHISQ

²⁹ Mana yuyasqallamanta juchallej tukuy israelitakunapaj, jinallataj qankunawan tiyakoj waj llajtayojkunapajpis, chay kamachisqallapuni kanqa.

Números 15:29 ပူးပေါင်းရင်းမြစ်များ

1 Reyes 8:41

Ajinallatataj mana israelita kaj karu llajtayojpis jamusunkiman jatun sutiykitaj uyarispa, imaraykuchus uyarenqanku sutiyki manchay jatun kasqanta, jatun atiyniykimantapis, kay wasiman mañakusojtaj jamusunkuman chayqa, qanqa janaj pachamanta uyarimunki, maypichus tiyakunki chaymantapacha, qantaj ruwanki karu llajtayoj mañakususqanman jina, chay jinamanta tukuy naciones rejsisunankupaj, sutiykita manchachikunankupaj Israel llajtayki jina, yachanqankutaj sutiyki oqharisqa kasqanta kay ruwapususqay wasipi.

Éxodo 12:49

Chay kikin leyllapuni kanqa chay kikin llajtayojkunapaj, jinallataj waj llajtayojkunapajpis qankuna ukhupi tiyakojkunapaj.

Levítico 16:29

Kay kamacheyqa qankunapaj wiñaypaj kanqa: Qanchis kaj killapi chunka días kashajtin sinch'itapuni tukuy sonqoykichejpi llakikunkichej ayunankichejtaj. Chay p'unchaypeqa ni imata ruwankichejchu, ni kikin llajtayoj israelitas, nitaj karu llajtayojkuna qankunawan tiyakojkunapis.

Levítico 17:15

Mayqen israelitallapis, chayri karu llajtayoj qankunawan tiyakoj ima uywaj wañusqa aychanta mikhojqa, chayri ima sajra animalpa jap'isqampa puchu aychanta mikhojqa, p'achasninta t'ajsakunan tiyan, jinallataj ukhusnintapis yakuwan mayllakunan tiyan. Ch'isiyaykukamataj mana llimphupaj qhawasqa kanqa. Chaymantataj llimphuchasqa kanqa.

Números 15:15

Chay kikillantapuni ruwankichej qankuna, qankunawan tiyakoj karu llajtayojkuna, jinallataj mirayniykichejpis. Ajina kay kamachisqayqa unaypaj kanqa.

Números 15:28

Chay cabritataj sacerdoteqa jaywanqa chay runaj juchanmanta, jinamanta perdonasqa kanqa.

Números 15:30

Sichus uj runa juchachakun jucha kasqanta yachashaspa, israelitapis kachun, chayri karu llajtayojpis kachun chayqa, noqata qhesachawan. Chayrayku chay jina runaqa ayllusnin ukhumanta chinkachisqa kanqa.

Números 9:14

Karu llajtayojkunapis qankuna ukhupi tiyakojkuna Pascuata noqaj sutiypi ruwanallankutaj tiyan, imaynatachus kamachisqayman jina. Imatachus nisqasniyta kikinta ruwananku tiyan karu llajtayojkuna, jinallataj qankuna chaupipi nacekojkunapis.

San Lucas 12:48

Pichus mana yachaspalla juchachakunman chayqa, pisi jasut'isqa kanqa. Chantá ashkhata jap'ikojmantapis, ashkhallatataj mañasqa kanqa; pimanchus ashkha qosqa karqa, chaymantapis ashkhallatataj mañasqa kanqa.

Josué 8:33

Chaymantaqa tukuy israelitas, Israelmanta mirajkuna, chantá karu llajtayojkuna, kurajkuna, soldadosta kamachejkuna, cheqanchajkuna ima, muyuykorqanku Señorpa trato ruwasqan cajompa ladosninman, sacerdote levitas chay cajonta lijrasninkupi wantusharqanku chaykunaj ñaupaqenkupi. Chay karqa Israel ayllu bendicisqa kanampaj, khuskanqa sayamorqanku Gerizim orqo ladomanta, khuskantaj qhawamusharqanku Ebal orqo ladomanta, unaymantapuni Señorpa kamachin Moisés ajinata kamachisqanman jina.