Números 14:34 - Qheshwa Biblia DC

³⁴ Qankuna Canaán jallp'ata qhawamorqankichej tawa chunka diaspi; ajinallatataj tawa chunka watasta jasut'iyniykichejta jap'inkichej sapa diamanta uj watata. Ajinamanta qankunaqa yachankichej imaynatachus contrayta rimana kasqanta.

DIOSPA QHELQACHISQAN DEUTEROCANONICAL

³⁴ Qankunaqa Canaán jallp'ata tawa chunka p'unchayta qhawaspa purerqankichej. Ajinallatataj tawa chunka watata, sapa p'unchaymanta uj watata, jasut'isqa kankichej. Ajinata qankunaqa contraypi oqharikuna qhasi manakaj kasqanta yachankichej.

DIOSPA QHELQACHISQ

³⁴ Qankunaqa Canaán jallp'ata tawa chunka p'unchayta qhawaspa purerqankichej. Ajinallatataj tawa chunka watata, sapa p'unchaymanta uj watata, jasut'isqa kankichej. Ajinata qankunaqa contraypi oqharikuna qhasi manakaj kasqanta yachankichej.

Números 14:34 ပူးပေါင်းရင်းမြစ်များ

2 Crónicas 36:21

Chay tukoyqa ruwakorqa profeta Jeremiasnejta Diospa nisqasnin junt'akunampaj. Jinamanta jallp'aqa samarikorqa tukuynin tiempospi raqaykunaspi kanankama, qanchis chunka watas junt'akunankama.

Salmos 105:42

Diosqa yuyarikorqa kamachin Abrahamman ruwasaj nisqanta.

Salmos 38:4

Tukuy sajra kayniy jeq'eqachishawan. Uj llasa q'epita jina mana apayta atinichu.

Salmos 77:8

Munakuynenqa wiñaypajpunichu tukukapun? Ruwasaj niwasqanchejpis wiñaypajpunichu tukukapun?

Salmos 95:10

Tawa chunka watasta chay runa mitawan phiñasqa karqani. Nerqanitaj: Kay runasqa mana allintachu purinku, manataj kamachisqasniytapis kasuwankuchu.

Ezequiel 14:10

Tapurikoj runa, jinallataj profetapis iskayninku juchankumanta ujllapi jasut'isqas kanqanku.

Ezequiel 23:35

Chayrayku noqa Señorqa nini: Noqamanta qonqasqaykirayku, wasanchawasqaykiraykutaj qan jasut'isqa kanayki tiyan, munayniykipi purisqaykimanta, qhenchachakuy juchaspi kausasqaykimantawan.

Ezequiel 4:5

Mashkha watatachus paykuna juchallerqanku chay chhika p'unchaykunata noqa rikuchiyki, chaytaj ruwakun kinsa pachaj isq'on chunkayoj p'unchaykuna. Chay chhika p'unchaykunata Israel aylloj juchanta apanki, chayri uj p'unchayta sapa uj wata juchanrayku.

Ezequiel 4:6

Chay tiempo junt'akojtinkamataj, pañamantañataj puñuykunki. Judá aylloj juchantañataj pataykiman churaykukunki tawa chunka p'unchay junt'akunankama, uj p'unchayta sapa wata juchallisqanmanta.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Oseas 9:12

Chaywampi wawasninkuta uywaspa kausachinkuman chayqa, noqa qhechukapuyman ni uj puchuyojta. Ay, imachus kay runasmanta kanman paykunamanta t'aqakapojteyqa.

Levítico 20:19

Ama puñuykapunkichu mamaykej ñañanwan, nitaj tataykej pananwan, imaraykuchus aylluyki ukhupi p'enqayta ruwawaj. Iskayninku juchayoj kanqanku chay jinata ruwasqankumanta.

Zacarías 11:10

Chaymanta khuyakuy nisqa tojnuyta oqharerqani. Chantá p'akirparerqanitaj. Chay niyta munarqa: Dioswan chay ayllukunawan tratonku p'akisqa kasqanta.

Números 13:25

Chay rej israelitasqa tawa chunka diamanta chay jallp'ata qhawamusqankumanta kutimorqanku, Cadespi Parán ch'in pampaman. Chaypi Moiseswan, Aaronwan, tukuy israelitaswan ima suyasharqanku. Paykunaman willarqanku imastachus rikusqankuta, chanta rikucherqankutaj chay jallp'api poqojta.

Números 18:23

Levitaslla Dioswan tinkukuna toldoman qayllaspa imatapis ruwanqanku, paykuna cuentoyoj kanqanku ima juchatachus ruwasqasninkumanta; kay leyqa wiñaypaj kanqa mirayniykichejnintimpaj. Ajinamanta levitasqa israelitas ukhupi mana jallp'ayojchu kanqanku.

Números 32:13

Chaymanta Señorqa manchayta phiñakorqa, israelitasta ch'in pampaspi puricherqa tawa chunka watasta, tukuy rimajkuna wañuranankukama. Señorpa ñaupaqempi mana allinta ruwasqankurayku.

Hechos 13:18

Tawa chunka watata jina ch'in pampapi kashajtinku, imaymana kausayniyoj kashajtinkupis, Diosqa pacienciarqa paykunata.

Deuteronomio 2:7

Qankunataqa Señor Diosniykichej bendicisunkichej tukuy ima ruwasqasniykichejpi. Kay tawa chunka watas junt'ata qankunawan karqa Señorqa. Kay chhika karu ch'inkunasta pay pusaykachasorqachej sumajta waqaychaspa, nitaj imatapis pisichisorqachejchu.

Hebreos 4:1

Manchachikuna ari, Diospa samakuyninman yaykuna kashajtintaj, qankunamanta pillapis mana yaykunmanchu.

Josué 14:10

Tawa chunka phishqayoj watastaña kausachiwan, mayk'ajchus Moisesman kay imasmanta parlasharqa chaymanta kaykama, israelitaspis ch'in pampapi purisharqanku chaypacha. Kunanqa pusaj chunka phishqayoj watayojña kani.

Apocalipsis 11:3

Noqataj iskay rikojkunata kachamusaj, yana qhashqa p'achawan p'achallisqasta. Paykunaqa waranqa iskay pachaj sojta chunkayoj p'unchaykunata noqamanta sut'inchanqanku.

1 Samuel 2:30

Chayrayku Señorqa Israelpa Diosnin nerqa: Qanwan aylluykiwan ima paypa nisqanta ruwanaykichejtapuni. Kunanqa nisunkichej: Mana ni jayk'aj chayta saqesajchu, manachayqa jatunchawajkunata jatunchallasajtaj; qhesachawajkuna tapis p'enqaypi rikhurichisaj. Noqa Señor chayta nini.