Números 14:2 - Qheshwa Biblia DC

² Jinamanta tukuyninku Moisespaj Aarompajwan rimayta qallarerqanku: Allin kanman karqa Egiptopi wañunanchej, chayri ch'impi wañunanchejpis.

DIOSPA QHELQACHISQAN DEUTEROCANONICAL

² Chantá tukuy israelitakuna Moisespa, chantá Aaronpa contranta ima rimayta qallarerqanku: Walej kanman karqa Egiptopi wañunanchej, chayrí kay ch'inpi wañunanchejpis.

DIOSPA QHELQACHISQ

² Chantá tukuy israelitakuna Moisespa, chantá Aaronpa contranta ima rimayta qallarerqanku: Walej kanman karqa Egiptopi wañunanchej, chayrí kay ch'inpi wañunanchejpis.

Números 14:2 ပူးပေါင်းရင်းမြစ်များ

1 Reyes 19:4

Ch'in pampanejta riporqa uj p'unchay puriyta jina, chaypitaj retama sach'a uraman tiyaykukorqa wañupuyta munaspa, nerqataj: Chayllaña kachun, Señorníy, kausayniyta qhechupuwan, noqaqa mana aswan sumajchu kani tatasniymanta nisqaqa.

Job 3:11

Imaraykutaj mamaypa wijsampi mana wañorqanichuri, chayri naceytawampisri?

Salmos 106:24

May sumaj jallp'asta qhesacharqanku, Diospa nisqanta mana creespa.

Salmos 106:25

Toldosninkupitaj Señorpaj rimarqanku, manataj Señorpa kamachisqasninta yuyarerqankuchu.

Salmos 106:45

Paykunawan trato ruwasqanmanta yuyarikorqa, sonqontataj nanachikorqa, munakuynin may jatun kasqanrayku.

Éxodo 14:11

Moisesmantaj nerqanku: Manachu Egiptopi p'ampakunaykupaj karqa aya p'ampanas, kay ch'in pampapi wañurachichinawaykupajchu orqhomuwarqayku? Imatataj kayta ruwawaykuri? Chaypajchu Egiptomanta orqhomuwarqayku?

Éxodo 15:24

Israelitastaj Moisespa contranta rimayta qallarerqanku: Imatataj kunanqa ujyasunri?, nispa.

Éxodo 17:3

Israelitasqa maytapuni yaku ch'akiywan kasharqanku, chayrayku Moisespa contranta phiñarikuspa, nerqanku: Ima nispataj Egiptomanta orqhomuwarqayku yaku ch'akiymanta kaypi wañuchinawaykupajri, wawasniykuta, uywasniykuta imari?, nispa.

Jonás 4:3

Chayrayku kunanqa, Señor, mañakuyki, wañuchinawaykita, allin kanman wañupunay kausanaymantaqa.

Jonás 4:8

Inti llojsimuytataj Diosqa uj sinch'i q'oñi wayrata inti llojsimuynejmanta wayrachimorqa. Chay intitaj Jonaspa umantaqa sinch'ita k'ajaykorqa, jinamanta llauch'iyarparerqa, wañuytataj munarqa. Allin kanman wañunay kausanamanta nisqaqa, nispa.

Números 11:1

Uj pachataj israelitasqa Señorpa contranta thutuyta qallarerqanku. Señortaj chayta uyarispa k'ajaj phiñakuyninta rikucherqa, jaraj ujnin cantonta ninawan ruphaykucherqa.

Números 11:15

Sichus qan ajinallatapuni ruwawanki chayqa, qhechuway kausayniyta, sichus qan munakuwanki chayqa. Ajinamanta, Señor, noqaqa manaña ñak'arisajchu, nispa.

Números 11:5

Noqaykoqa yuyarikuyku, Egiptopi qhasilla mikhoj kayku challwasta. Chanta mikhullajtaj kayku pepinosta, melonesta, puerrosta, cebollasta, ajosta ima.

Números 14:1

Chaymantataj uyariytawan israelitasqa chay tutantin mayta qhaparerqanku, waqarqankutaj.

Números 14:22

Egiptopi, kay ch'in pampaspipis ashkha milagro ruwasqasniytapis rikullankutaj. Kay ch'in pampaspi chunka kutitaña noqaj contrayta oqharikunku, kamachisqasniyta mana kasuwayta munankuchu.

Números 16:13

Qampajqa pisichu, lechewan misk'iwan correj jallp'amanta orqhomuwasqayku, kay ch'in pampapi wañuchinawaykupaj, chantapis noqaykuta kayman jaqayman munasqaykita pusaykachanawaykupajqa?

Números 16:41

Q'ayantintaj tukuynin israelitas Moisespaj Aarompajwan rimayta qallarerqanku. Qankunaqa Señorpa ayllunta wañurachishankichej, nispa.

Números 17:6

Moisestaj chay kikinta israelitasman nerqa: Paykunataj sapa ujninku sapa ayllumanta uj tojnutakama qorqanku. Aarompatapis chayllapitaj karqa. Tukuynimpi karqa chunka iskayniyoj tojnus.

Números 20:2

Chaypi mana yaku kajtintaj israelitasqa tantaykukuytawan Moisespaj, Aarompajwan maytapuni rimarqanku.

Números 20:3

Chaymantataj Moisesman nerqanku: Allin kanman karqa wakin israelitaswan khuska wañunayku, mayqenkunatachus Señor wañuracherqa chaykunawan khuska!

Números 20:4

Qankuna, imapajtaj Señorpa ayllun runasta kan ch'in pampaman pusamunkichejri? Qankunaqa uywasniykuwan khuskachu kaypi wañunaykuta munankichej?

Números 21:5

Chayrayku Diospa contranta, Moisespa contrantawan rimayta qallarerqanku: Imapajtaj Egiptomanta orqhomuwarqayku, kay ch'impi wañurachinawaykupajchu pusamuwarqayku? Kaypi mana mikhuna, nitaj yaku ujyanapaj kanchu. Kay Maná nisqa t'antapis amisqataña amiwayku.

1 Corintios 10:10

Amataj thutuychejchu Diospa contranta, imaynatachus paykunamanta wakinkuna thutorqanku jinataqa. Señorpa angelnintaj paykunata wañuracherqa.

Deuteronomio 1:27

Qankunaqa jarasniykichejpi rimarqankichej kay jinata: Señorqa mana munakuwanchejchu, Egiptomanta orqhomuwanchej amorreospa makinman churanawanchejpaj, jinamanta noqanchejta tukuchinawanchejpaj.

Deuteronomio 9:23

Maypachachus Señorqa kamachisorqachej Cades-barneamanta rinaykichejta, nispataj: Wichariychej ima jallp'atachus qoykichej chayman; qankunaqa chayta mana munarqankichejchu. Mana paypi creerqankichejchu, nitaj kasorqankichejchu.

Hebreos 3:16

Pikunataj karqanku, uyarispaña, Diosta phiñachejkunari? Manachu Moiseswan Egiptomanta tukuy llojsimojkuna?

Judas 1:16

Paykunaqa wasa rimakus kanku. Phiñanachejkunataj, munayninkuman jinataj purinku. Siminkoqa may jatun kasqankumanta parlan, runastataj llunk'unku qolqerayku.