Números 13:20 - Qheshwa Biblia DC

²⁰ Jallp'asninkupis poqoyniyojchus manachus chayta, sach'asninkupis kanchus manachus chaytawan. Ama manchachikuychejchu, chay jallp'aspi imaschus poqon chaytapis apamuychej, nispa. Kay karqa uvas ñaupaj kaj poqoyta qallarishajtin.

DIOSPA QHELQACHISQAN DEUTEROCANONICAL

²⁰ Qhawallankichejtaj sumajta poqoj jallp'achus manachus kasqanta, sach'ayojchus manachus kasqantawan. Ama manchachikuychejchu, chay jallp'api imachus poqon, chaymantapis uj chhikata apamuychej, nispa. Chay karqa mishkha uva poqoykushajtin, chaypacha.

DIOSPA QHELQACHISQ

²⁰ Qhawallankichejtaj sumajta poqoj jallp'achus manachus kasqanta, sach'ayojchus manachus kasqantawan. Ama manchachikuychejchu, chay jallp'api imachus poqon, chaymantapis uj chhikata apamuychej, nispa. Chay karqa mishkha uva poqoykushajtin, chaypacha.

Números 13:20 ပူးပေါင်းရင်းမြစ်များ

1 Crónicas 22:11

Kunanqa wawáy, Señor qanwan kachun. Señor Diosniykej yupaychana wasinta jatarichiyta atinaykipaj, imaynatachus qan ruwanaykita nisqanman jina.

Nehemías 9:25

Maqanakoj allin runasqa llajtastapis jap'ikaporqanku, sumajta poqoj jallp'astapis, tukuy allin imawan junt'asqa wasista, yaku jallch'ana t'oqosta, uvas huertasta, olivo sach'asta, waj ashkha mikhunapaj poqoj sach'astapis. Mikhorqankutaj sumajta sajsakunankukama, wirayarqanku, chay jatun khuyakuyniykipitaj kusikorqanku.

Nehemías 9:35

Chaywampis paykunaqa jallp'ankupi munasqankupi kashaspa, ashkha allichaj imasta qoshajtiykipis, jinataj chay jatuchaj allin poqoj jallp'asta qoshajtiykipis, manapuni qantaqa yupaychasorqankuchu, nitaj sajra ruwasqankumanta t'aqakuspa kutirimusorqankuchu.

Ezequiel 34:14

Israelpa pata lomasnimpi sumachaj pastosta mikhuchimusaj. Chaynejpi puñukonqanku, may sumachaj pastostataj mikhukonqanku.

Daniel (hebreo) 11:24

Mana pejpa yuyasqallan aswan sumaj jallp'asman yaykonqa. Payqa ruwanqa ni mayqen ñaupa tatasnimpi ruwasqanta. Ch'ajwapi qhechusqa k'acha imastataj paywan kajkunaman rak'iranqa. Chaymantataj yuyaychakonqa sumaj jark'achisqa llajtaswan maqanakoj yaykunampaj, chaytaj pisi p'unchaykunallapaj kanqa.

Miqueas 7:1

Ay, noqamanta! Cosechaj qhepampi uj chajmakoj jina kashani, manañataj tarinchu uvas nitaj higospis chay poqoykunata mikhuyta munasharqa chayqa.

Números 13:19

Chanta qhawallankichejtaj llajtasninkupis perqaswan muyurisqaschus chayta, chayri jarasllachus chayta; chay jallp'asninkupis sumajchus manachus chaytawan.

Deuteronomio 1:24

Paykunataj rispa wicharerqanku chay orqoman, chaymantataj Escol valleman chayamorqanku. Chanta chay tukuynin jallp'asta purerqanku.

Deuteronomio 1:25

Chay jallp'amanta poqoykunatataj apamorqanku, willawarqaykutaj: Señor Diosninchejpa qowasqanchej jallp'asqa sumachaj jallp'as.

Deuteronomio 31:23

Numpa wawan Josuemanta Señorqa kay jinata kamacherqa: Qanqa sumajta kallpachakuy, sinch'itataj sayay. Qan israelitastaqa pusaykunki, paykunaman qonayta nerqani chay jallp'aman, noqataj qanwampuni kasaj.

Hebreos 13:6

Chayrayku tukuy sonqo niyta atinchej: Señorqa yanapawajniy, mana manchachikusajchu, imanawanqataj runari?

Josué 1:6

Sumajta kallpachakuy, waputaj kay. Qanmanmin chayasunki kay aylluman jallp'ata rak'inaykeqa. Kay jallp'ataqa tatasninkuman nerqani chayaqenkupaj kanampaj qonayta.

Josué 1:9

Noqa kayta kamachiyki, sumaj kallpasapa wapu kay. Ama manchachikuychu, amataj q'ewakuychu. Noqa Señorniyki, Diosniykeqa qanwampuni kasaj, maymanchá rinki chaypi.

Josué 2:1

Numpa wawan Josueqa Sitinmantapacha iskay wateqajkunata pakayllamanta kacharqa, paykunamantaj nerqa: Riychej, qhawamuychej jallp'ata, Jericó llajtatawan, nispa. Paykunataj rispa, Jericó llajtapi uj khuchi warmej wasinman chayakorqanku, chay ch'isitaj chaypi qhepakorqanku; chay warmej sutenqa karqa Rahab nisqa.

Josué 2:3

Chaymanta reyqa kachaspa Rahabman nichimorqa: Orqhomuy qanta watukoj jamusunku chay runasta, paykuna wasiykipi kashanku, imaraykuchus chaykunaqa wateqajkuna kanku.