Números 11:18 - Qheshwa Biblia DC

¹⁸ Chantaqa nillaytaj q'ayapaj runas llimphuchakunankuta, aychatataj mikhonqanku. Noqa paykunata waqashajta uyarini, nishajtataj: Mana aycha kanchu mikhunanchejpaj! Kaymanta nisqaqa allinta Egiptopi kakusharqanchej! Chayrayku kunanqa noqa qosaj aychata mikhunankupaj.

DIOSPA QHELQACHISQAN DEUTEROCANONICAL

¹⁸ Chantá israelitakunata nillaytaj: Q'ayapaj llimphuchakuychej Diospa ñawpaqenpi allinpaj qhawasqa kanaykichejpaj, imaraykuchus q'aya aychata mikhunkichej. Tata Diosqa waqaspa qhetesqaykichejta uyarerqa: Ay, pillapis mikhunanchejpaj aychata qowasunman. Egiptopi kashaspa, walejlla kasharqanchej, nispa. Ajinaqa Tata Dios mikhunaykichejpaj aychata qosonqachej.

DIOSPA QHELQACHISQ

¹⁸ Chantá israelitakunata nillaytaj: Q'ayapaj llimphuchakuychej Diospa ñawpaqenpi allinpaj qhawasqa kanaykichejpaj, imaraykuchus q'aya aychata mikhunkichej. Tata Diosqa waqaspa qhetesqaykichejta uyarerqa: Ay, pillapis mikhunanchejpaj aychata qowasunman. Egiptopi kashaspa, walejlla kasharqanchej, nispa. Ajinaqa Tata Dios mikhunaykichejpaj aychata qosonqachej.

Números 11:18 ပူးပေါင်းရင်းမြစ်များ

Génesis 35:2

Chaymanta Jacobqa nerqa familianman, pikunachus paywan risharqanku chaykunamanwan: Qankuna ukhupi tukuy laya dioskunata orqhoychej, jinaspataj mayllakuychej, p'achasniykichejtapis cambiakuychej.

Job 20:13

allin rijch'arqa, manataj saqerqachu, manachayqa mallq'allampi jap'erqa chayqa,

Job 20:23

Maypachachus sajsaykojtinkama, Dios apachimonqa paypa patanman sinch'i phiñakuyninta. Chay phiñakuyta paypa patanman parachimonqa, jinallataj mikhuyninmampis.

Salmos 78:20

Cheqapuni Diosqa rumi orqota ch'ejtarqa, chaymantataj yaku llojserqa mayu jinapuni, jallp'ataj llump'iykorqa. Ayllunman atinmanchu qoyta t'antata, aychata?

Éxodo 16:8

Moisesqa nillarqataj: Ch'isiyaykuyta Señorqa aychata qosonqachej mikhunaykichejpaj; tutamantataj t'antata qosonqachej sajsakunaykichejkama mikhunaykichejpaj, imaraykuchus Señorqa uyarimusunkichej paypa contranta rimasqaykichejta. Noqaykoqa, pistaj kaykuri? Qankunaqa mana noqaykoj contraykutachu rimankichej, manachayqa Señorpa contranta rimashankichej.

Éxodo 19:10

Moisesman ujtawan Señorqa nerqa: Rispa israelitasman nimuy, kunan q'ayatawan llimphuchakunankuta, p'achasninkutapis t'ajsarakuchunku.

Éxodo 19:15

Runasman nerqa: Minchhapaj sumaj wakichisqas kanaykichej tiyan, chaykamaqa ni warmisniykichejwampis kanaykichejchu tiyan.

Éxodo 19:22

Jinallataj tukuy sacerdotespis llimphuchakuchunku noqawan tinkuyta munaspaqa. Mana jinata ruwaspalla jamuwanqanku chayqa, phirita ruwachikuwanqanku.

Números 11:1

Uj pachataj israelitasqa Señorpa contranta thutuyta qallarerqanku. Señortaj chayta uyarispa k'ajaj phiñakuyninta rikucherqa, jaraj ujnin cantonta ninawan ruphaykucherqa.

Números 11:19

Manataj qosajchu uj diapaj, iskay diapaj, phishqa diapaj, chunka diapaj, nitaj iskay chunka diallapajchu.

Hechos 7:39

Tatasninchejtaj Moisesta mana kasuyta munarqankuchu, qhesacharqankutaj sonqosninkupi Egiptoman kutiripuyta munaspa.

Josué 7:13

Sayarispa israelitasta tantachimuy, llimphuchachimuytaj. Niy, q'aya ñaupaqeyman chimpamunankupaj wakichikunankuta; imaraykuchus noqa Señor, Israelpa Diosnin ajinata nini: Qankuna israelitas imachus phirikunan kajta mana phirichinkichejchu. Manachus tukuyninta phirinkichej, manatajchus qanmanta jawaman wijch'unki chayqa, manapuni enemigosniykichejta atipayta atinkichejchu.

Jueces 21:2

Chay qhepatataj tantakorqanku Betelpi Diospa ñaupaqempi ch'isiyanankama waqaspa willakuspataj kay jinata: Oh Señor, Israelpa Diosnin! Imaraykutaj kay imas qhatiriwaykuri? Imaynatataj atikonqa Israelmanta ujnin ayllu faltananri?, nispa.