Números 10:29 - Qheshwa Biblia DC

²⁹ Uj kuti Moisesqa warmimpa turan Hobabta wajyacherqa. Hobabqa madianita Reulpa wawan Moisespata suegron karqa. Paymantaj nerqa: Noqayku rishayku Señor qosqayki niwayku chay jallp'aman. Qampis noqaykuwan jaku ari, imatapis allinta ruwapuwasqayku, imaraykuchus Señorqa niwayku, israelitasta sumaj khuyakuyninwan pusanawaykuta.

DIOSPA QHELQACHISQAN DEUTEROCANONICAL

²⁹ Uj kuti Moisesqa Madián llajtayoj suegron Ragüelpata churin Hobabta nerqa: Noqaykoqa Tata Dios qonawaykuta niwayku, chay jallp'aman rishayku. Qanpis noqaykuwan jamuy ari. Noqaykutaj qanmanta qhawasqayku, imaraykuchus Tata Dios israelitakunata khuyakuywan qhawarinanta nin, nispa.

DIOSPA QHELQACHISQ

²⁹ Uj kuti Moisesqa Madián llajtayoj suegron Ragüelpata churin Hobabta nerqa: Noqaykoqa Tata Dios qonawaykuta niwayku, chay jallp'aman rishayku. Qanpis noqaykuwan jamuy ari. Noqaykutaj qanmanta qhawasqayku, imaraykuchus Tata Dios israelitakunata khuyakuywan qhawarinanta nin, nispa.

Números 10:29 ပူးပေါင်းရင်းမြစ်များ

Génesis 12:7

Chaypi Señorqa Abramman rikhurerqa, nerqataj: Kay jallp'ata mirayniykiman qosaj. Abramtaj chaypi uj altarta Diospaj ruwaporqa, chaypi Señorqa payman rikhurisqanrayku.

Génesis 13:15

Noqa qosqayki tukuynin rikusqayki jallp'asta, qampaj wiñaypaj kanqa, jinallataj mirayniykipajpis.

Génesis 15:18

Chay kikimpacha Señorqa uj tratota Abramwan ruwarqa, nispa: Mirayniykiman qosaj kay jallp'ata. Chaytaj kanqa Egipto mayumanta, Eufrates jatun mayukama.

Génesis 17:8

Qanman paykunamanwan qosqaykichej kay tukuynin Canaán jallp'ata, kunan maypichus tiyakushanki chayta, chayaqeyki wiñaypaj kanampaj, noqataj Diosniyki kasaj.

Génesis 32:12

Qan niwarqanki allin rinawanta tukuy imapi, mirayniypis mar qocha t'iyu jina kananta mana yupay atina.

Salmos 100:1

Kusikuywan Señorman takiychej, tukuy kay pachapi tiyakojkuna.

Salmos 34:8

Qhawaychej yachaychejtaj, Señorqa k'acha kasqanta. Kusikuyniyojmin paypi suyaj runaqa.

Salmos 95:1

Jamuychej Señorman; kusiywan takisunchej; takisunchej jark'aj salvawajninchejman.

Éxodo 18:1

Jetro, Madianmanta sacerdote, Moisespa warmimpa tatan yacharqa Dios imastachus ruwasqanta Moisesnejta ayllusnin israelitaspaj. Chanta yachallarqataj Señorqa israelitasta Egiptomanta orqhomusqanta.

Éxodo 18:12

Chaymantaqa Moisespa suegron Jetro uj uywata rikuchikuta Señorman qorqa ruphachisqa kanampaj, chantaqa waj ofrendastawan. Chaymantataj Aaronwan tukuy kurajkuna israelitaswan jamorqanku Jetrowan khuska Diospa ñaupaqempi mikhoj.

Éxodo 18:27

Chaymanta Moisesqa suegronta kacharpayarqa, paytaj llajtanman riporqa.

Éxodo 2:18

Tatanku Reuelman kutejtinkutaj tatankoqa nerqa: Imajtintaj kunampeqa aswan usqhayta kutimunkichejri?, nispa.

Éxodo 2:21

Jinamanta Moisesqa chay Reuelwan tiyakaporqa; qhepamantaj Reuelqa ujnin ususin Seforatawan Moisesta casaracherqa.

Éxodo 3:1

Moisesqa Jetro suegrompa ovejasninta michimoj. Jetroqa Madiampi sacerdote karqa. Uj p'unchayqa ovejasta qhatisqa ch'in pampasnejta Diospa jatun orqon Horeb nisqaman chayanankama.

Éxodo 3:8

Chayrayku uraykamuni egipciospa makinmanta, atiyninmanta ima orqhonaypaj; chay jallp'ankumanta orqhospa sumaj jatun jallp'aman pusanaypaj, mayqempichus lechewan misk'iwan yaku jina corrishan chayman. Chay jallp'apeqa tiyakushanku kay runas: Cananeos, heteos, amorreos, ferezeos, heveos, hebuseos ima.

Éxodo 6:4

Chantapis paykunawan uj tratota ruwarqani, Canaán jallp'ata qonaypaj. Chay jallp'api paykunaqa karu llajtayoj jinalla karikorqanku pisi p'unchaykunata.

Isaías 2:3

Ashkha runakuna jamuspa nenqanku: Jakuchej, Señorpa lomanman wicharinachej, Jacobpa Diosnimpa wasinman, pay ñankunasninmanta yachachinawanchejpaj, chaki ñankunasnimpi purinanchejpaj, imaraykuchus leyqa Sionmanta llojsenqa, Señorpa palabrampis Jerusalenmanta.

Jeremías 50:5

Sión orqoman rina ñanta tapukonqanku, chaymantaj renqanku: Rinachej, Señorwan ujchakamunachej chay wiñay mana jayk'aj qonqana tratopi, ama jayk'aj noqanchejmanta qonqapunampaj, nispa.

Números 10:28

Ajinata israelitasqa soldados jina sapa kuti qhepan qhepanta ñanta puririnanku karqa.

Números 23:19

Diosqa mana wañojkuna jinachu, mana llullakunchu, nitaj imatachus nisqantapis q'ewichinchu. Imatachus nisqanta payqa junt'an. Imatachus nisqantapis payqa qompuni.

Hechos 7:5

Diosqa payman mana chayaqenta qorqachu, ni ujnin chakillantapis churaykunampaj. Chaywampis Diosqa Abrahammampuni kay jallp'ata qonanta nerqa, paypaj kanampaj, wañupojtimpis miraynimpaj qhepakunampaj. Chayta Dios nishajtenqa, manaraj Abrahampataqa wawampis karqarajchu.

Deuteronomio 30:5

Jinamanta Señorqa ujtawan kutichimusonqachej tatasniykichej jap'ikorqanku chay jallp'aman, qankunarí ujtawan chay jallp'asta jap'ikapunkichej. Chaypi Señorqa qhapajyachisonqachej, mirachisonqachejtaj ñaupa tatasniykichejmanta astawan.

Deuteronomio 4:40

Junt'aychej Diospa ley churasqasninta, kamachisqasnintawan, kunan p'unchay qoykichej chayta. Ajinamanta allin risonqachej, qankunaman, jinallataj mirayniykichejmampis. Unaytataj kausankichej chay jallp'api Señor Diosniykichej wiñaypaj qosonqachej chaypi.

Tito 1:2

Wiñay kausay suyaypi, mayqentachus mana llullakoj Dios qosqaykichej nerqa, manaraj kay mundo ruwasqa kashajtin.

Hebreos 6:18

Kay iskay mana kuyurikoj imasrayku, Diosqa manapuni atinchu llullakuyta. Chayrayku, sumajta sonqochakuspa jaku rina, ñaupaqenchejpi churasqa kashan chay suyaymanta jap'iykukunanchejpaj.

Apocalipsis 22:17

Espirituwan, noviawan ninku: Jamuy. Ch'akichikojqa jamuchun, munajrí, kausay yakumanta qhasilla ujyachun.

Jueces 1:16

Quenita nisqas karqanku Moisespa suegrompa mirayninmanta kajkuna, paykunaqa llojserqanku Judá aylluwan khuska Palmeras llajtamanta, rerqankutaj Judajpa ch'in pampannejman, Aradmanta aswan uranejman, chaypi tiyakojkuna runaswantaj qhepakorqanku tiyakapoj.

Jueces 4:11

Cedes qayllapitaj, Zaanaim encina sach'a chaynejpi quenita Heberpa toldosnin kasharqa. Payqa chay waj quenitasmanta t'aqakampusqa. Quenitasqa Moisespa suegron Hobabpa mirayninmanta karqanku.

1 Samuel 15:6

Saulqa quenitasman nerqa: T'aqakuychej chaymanta! LLojsiychej amalicitas chaupimanta, ama qankunatapis paykunatawan khuska wañuchinaypaj. Qankunaqa israelitas Egiptomanta llojsimushajtinku allinta paykunapaj ruwarqankichej. Quenitastaj amalicitasmanta t'aqakaporqanku.