Nehemías 9:2 - Qheshwa Biblia DC

² Chay mana israelitas kajkunamanta t'aqakuspaña sayaykukuspa sapa ujpis juchasninkuta, jinataj ñaupa tatasninkoj juchasninkutapis Diosman willakorqanku.

DIOSPA QHELQACHISQAN DEUTEROCANONICAL

² Paykuna ñapis mana judiokunamanta t'aqakusqankuña. Chantá sayarikuspa, sapa uj juchankuta, jinallataj ñawpa tatankoj juchankutapis Diosman rimarerqanku.

DIOSPA QHELQACHISQ

² Paykuna ñapis mana judiokunamanta t'aqakusqankuña. Chantá sayarikuspa, sapa uj juchankuta, jinallataj ñawpa tatankoj juchankutapis Diosman rimarerqanku.

Nehemías 9:2 ပူးပေါင်းရင်းမြစ်များ

1 Reyes 8:47

Paykunataj maypichus presos kasqankupi sonqonkupi yuyarikunkuman, chantá qanman kutirikamusunkuman, chaypitaj mañakuspa nisunkuman: Noqayku juchalliyku, mana allin kajta ruwayku, juchayojpuni kayku, nispa.

Esdras 10:11

Chayrayku tatasniykichejpa Señor Diosnimpa ñaupaqempi qankunaqa juchayoj kasqaykichejta reparakuychej, Señorpa munaynintataj junt'aychej. T'aqakuychej Diosta mana kasojkuna runakunamanta, jinataj waj llajtayoj warmismantapis, nispa.

Esdras 6:21

Tukuynin israelitas, jap'isqamanta kutimporqanku chaykunaqa mikhorqanku Pascuapi wakichisqa mikhuyta. Chay jallp'amanta wakin runas millay kausayninkumanta t'aqakorqanku, Israelpa Señor Diosninkuta yupaychayta munaspa, chaykunapis israelitaswan khuska mikhullarqankutaj.

Esdras 9:1

Kay imas tukukojtintaj, kurajkuna qayllaykamuwarqanku israelitas, sacerdoteswan, levitaswan ima ninawampaj: Kay jallp'api kaj runakunamanta mana t'aqakunkuchu: Cananeosmanta, hititasmanta, fereseosmanta, jebuseosmanta, amonitasmanta, moabitasmanta, egipciosmanta, amorreosmanta, ima. Paykunaqa kay runaspa millay ruwanasninta ruwanku.

Esdras 9:15

Señor, Israelpa Diosnin, qan cheqan karqanki noqaykuwan. Qan munarqanki noqaykumanta uj puchoj t'aqa kausanaykuta, imaynatachus kunan p'unchay rikukusqanman jina. Noqaykoqa cheqamanta ñaupaqeykipi juchayoj kayku, ajinallatapuneqa mana ñaupaqeykipi kayta atiykumanchu, nispa.

Esdras 9:2

Israelmanta kaj runasqa, jinataj wawasninkupis chay runakunaj warmi wawasninkuwan casararqanku. Ajinamanta waj llajtamanta kaj runakunawan llimphupaj qhawasqa aylloqa chajrukorqa. Kay juchata ñaupajta ruwajkunaqa, kurajkuna, kamachejkunawan karqanku, nispa.

Nehemías 1:6

Kunanqa mañayki uyarinawaykita kay tuta p'unchay kay mañakamususqayta, kamachisniyki israelitasmanta khuyakunaykita. Yachakuyku noqayku israelitasqa contraykipi juchallisqaykuta. Ayllusniypis, noqa kikiypis juchallillaykutaj.

Nehemías 10:28

Kay tukuy Israel ayllumanta kajkunapiwan, chay sacerdotes, levitas, punku qhawajkuna, takejkuna, yupaychana wasipi imastapis ruwajkuna, tukuy chay llajtayoj runasmanta Diospa junt'anankupaj t'aqakojkuna, warmisninkuwan khuska, qhari wawasninkuwan, warmi wawasninkuwan, tukuy yuyayniyoj yachaqajkunapiwan, familiasninkuwan jinataj kurajkunasninkuwan tantaykukorqanku Dioswan uj tratota ruwanankupaj. Jurarqanku Diospa leyninman jina purinankupaj. Chaytaj qosqa karqa Diospa kamachin Moisesnejta. Ajinamanta mana pantaspa junt'anankupaj Señor Diosninkoj kamachisqasninta, nisqasninta, leykunasninta ima.

Nehemías 13:3

Ajinaqa, leypi nisqanta uyarispa israelitas ukhumanta t'aqarqanku chay waj llajtayojkunawan chajrukojkunata.

Nehemías 13:30

Ajinaqa chay tukuy waj llajtayojkunasmanta t'aqarqani. Sacerdotesta, levitastapis t'aqasninkuman juntuchaspa sapa ujninkuta ruwanasninkuman churaykaporqani.

Salmos 144:11

Libraway wañuchej espadamanta, libraway waj runakunaj makinkuman urmanaymanta, libraway llullakojkunamanta, paykuna paña makinkuta oqharispa juranku.

Salmos 144:7

Makiykita patamantapacha aysarimuy, librawaytaj jatun mar qochamanta, waj llajtayoj runaspa makinman urmanaymantawan.

Proverbios 28:13

Pichus juchanta pakajtaqa mana allinchu renqa, pichus juchanta willakojqa, chaymanta t'aqakojtaj khuyakuyta tarenqa.

Isaías 2:6

Qanqa, Señor, Jacobpa ayllun runasniykita saqerparinki. Jallp'ayki junt'a kashan inti llojsimuymanta kaj yatiriswan; jinallataj qoyllurkunamanta yachajkunawan, filisteos jina. Waj llajtayojkunawantaj tratosta ruwakunku.

Jeremías 14:20

Señor, juchayoj kasqaykuta yachakuykuña, jinallataj ñaupa tatasniyku juchallikusqankutapis. Contraykipi juchallikorqayku.

Jeremías 3:13

Juchayoj kasqaykita reparakuy, Señor Diosniykita mana kasoj kasqaykita, mana rejsisqakunawan tukuy ch'ampa sach'as uraspi qhenchachakusqaykita, kamachiykunasniyta mana kasusqaykita ima. Noqa Señormin chayta nini.

Daniel (hebreo) 9:20

Diosmanta mañakushallarqanipuni, juchasniyta willakuspa, jinallataj Israel aylluypa juchasninta willaspa, Señor Diosniypa ñaupaqempi majakuspa ajllakusqan lomanrayku.

Oseas 5:7

Señorman mana cheqantachu purerqanku, wawasninkoqa waj tatasniyojtaj rikhurerqanku, chayrayku kunanqa uj killallapi jallp'asninkupis chinkachisqas kanqanku.