Nehemías 2:8 - Qheshwa Biblia DC

⁸ Waj qelqasqa kamachiytataj apachiway Asafman. Payqa reypa sach'a montesninta qhawajnin, maderata qonawampaj, chaywan Diosta yupaychana wasej qayllampi punkusta wisq'aykunaypaj, jinallataj llajtaj perqasnimpaj, chanta maypichus tiyakusaj chay wasipajpis, nispa. Reytaj tukuy mañasqayta qowarqa, Diospa yanapayninwan kasqayrayku.

DIOSPA QHELQACHISQAN DEUTEROCANONICAL

⁸ Waj cartatapis qollawankimantaj kuraj kamachejpa sach'ankunata qhawaj Asafpaj, kurkukunata qonawanpaj. Chaywan Diospa Templonpa punkunkunata churasaj, jinallataj llajtaj perqanpa punkunkunata, chantá maypichus tiyakusaj, chay wasipajpis, nispa. Kuraj kamachejtaj tukuy mañasqayta qowarqa, Dios khuyarikuwaspa yanapawasqanrayku.

DIOSPA QHELQACHISQ

⁸ Waj cartatapis qollawankimantaj kuraj kamachejpa sach'ankunata qhawaj Asafpaj, kurkukunata qonawanpaj. Chaywan Diospa Templonpa punkunkunata churasaj, jinallataj llajtaj perqanpa punkunkunata, chantá maypichus tiyakusaj, chay wasipajpis, nispa. Kuraj kamachejtaj tukuy mañasqayta qowarqa, Dios khuyarikuwaspa yanapawasqanrayku.

Nehemías 2:8 ပူးပေါင်းရင်းမြစ်များ

Génesis 32:28

Chanta chay qhareqa nerqa: Kunanmanta manaña Jacobchu sutiyki kanqa. Kaymanta qhepaman Israel kanqa sutiykeqa; imaraykuchus Dioswan maqanakunki, runaswan ima, atipankitaj.

Esdras 5:5

Astawanqa judiosta kamachejkunata Diosqa qhawasharqa. Chayrayku mana jark'arqankuchu, Darioman willanankukama, kutichispa apachimusqanta jap'inankukamataj.

Esdras 6:22

Qanchis p'unchay junt'aqa mana levadurayoj t'anta nisqa fiestata may kusiywan ruwarqanku, imaraykuchus Señor paykunata kusicherqa, Persiapi kaj reypa sonqonta paykunaman kutirichimuspa, yanapananampajtaj Diospa templonta ruwaypi. Chay Diosqa, Israelpa Diosnin.

Esdras 6:8

Kay kamachiykunata qoni judiospa kuraj runasninkuta yanapanaykichejpaj, Diospa templonta mosojmanta ruwachinankupaj: Eufrates mayu chimpamanta reypaj qonku, chay qolqemanta orqhospa gastosta chay runasman pagachunkupuni, ajinamanta ruwanasqa ama sayanampaj.

Esdras 7:6

Kay Esdrasqa may umayoj yachachej karqa, Israelpa Señor Diosnin kamachiyta Moisesman qorqa chaymanta sumajta pay yacherqa. Señortaj paywan karqa yanapanampaj, chaynejta rey Artajerjesqa tukuy ima mañasqanta payman qorqa. Chay jinamanta Esdrasqa kutimporqa Babiloniamanta Jerusalenman. Paywantaj kutimporqanku ashkha israelitas. Chaykunamanta wakin karqanku sacerdotes, wakintaj levitas, takejkuna, punkuta qhawajkuna, wakintaj templopi sirvejkuna. Paykunaqa Babiloniamanta llojsimusqanku rey Artajerjes qanchis watataña kamachishajtin.

Nehemías 7:2

Chaymantataj hermanoy Hananita Jerusalempi kamachinampaj churarqani. Hananiastapis Jerusalempa pakakuna sinch'ichaspa wasinta qhawanampaj churarqani. Hananiasqa k'acha runa karqa waj runasmanta nisqaqa, Diostaqa astawan manchachikoj.

Proverbios 21:1

Reypa yuyaynenqa Señorpa makimpipuni kashan, chayqa larq'a yaku jina purin, Señor imaynatachus munasqanman jina.

Eclesiastés 2:5

Kanchasta, huertasta ruwakorqani, chaykunamantaj imaymana poqoj sach'asta churarqani.

Eclesiastés 2:6

Yaku qochasta ruwakorqani, chaywan churasqay sach'asta qarpanaypaj.

Isaías 66:14

Chayta rikuspa mayta kusikunkichej; tullusniykichejqa sumajta kallpachakonqanku, imaynatachus qhoras q'omeryanqanku ajinata. Señorpa makimpa atiyninta kamachisnenqa sumajta rejsinku, enemigosninmantaj phiñakuyninta rikuchenqa.

Daniel (hebreo) 1:9

Dios yanaparqa, chayrayku sirvejkunajpata kurajninkoqa, Danielta allimpaj qhawarqa.

Hechos 26:22

Diospa yanapayninwan kunankama kashani willaspa wajchakunaman, ajinallatataj atiyniyojkunamampis; mana yapaspa, nitaj qhechuspa profetaspa nisqanta; nillataj Moisespata, imachus kasqanta willasqankuta; imaynatachus Cristo ñak'arinanta, paytaj wañusqasmanta ñaupajta kausarimunanta; salvación k'anchay willakunampaj Judiosman, ajinallatataj karu llajtasmampis.

Hechos 7:10

Diosqa, Joseta tukuy llakiyninmanta orqhorqa. Allin rijch'ayta, yachaytawan qorqa, egipcio reypa ñaupaqempi; paytaj churarqa Egiptota kamachinampaj, ajinallatataj wasimpipis kamachinampaj.

2 Corintios 8:16

Diosman graciasta qoni, noqaman jinallataj Titomampis sonqonman churasqanmanta, qankunamanta yuyanampaj.