Nehemías 2:3 - Qheshwa Biblia DC

³ Reytataj nerqani: Wiñaypaj kausayniykeqa kachun reyníy! Imaraykutaj mana llakikusajchuri? Tatasniy p'ampasqas kashanku chay llajtasqa raqaykunasllaña, punkusnimpis ninaj q'olasqan.

DIOSPA QHELQACHISQAN DEUTEROCANONICAL

³ Chaywanpis kuraj kamachejta nerqani: Kuraj kamachejníy, wiñaypaj kawsakuy. Imaraykutaj mana llakikusajchuri? Maypichus tatay mamay p'ampasqa kashanku, chay llajtaqa thuñisqa kashan, muyuyninpi perqanpa punkunkunataj rupharasqa kashanku, nispa.

DIOSPA QHELQACHISQ

³ Chaywanpis kuraj kamachejta nerqani: Kuraj kamachejníy, wiñaypaj kawsakuy. Imaraykutaj mana llakikusajchuri? Maypichus tatay mamay p'ampasqa kashanku, chay llajtaqa thuñisqa kashan, muyuyninpi perqanpa punkunkunataj rupharasqa kashanku, nispa.

Nehemías 2:3 ပူးပေါင်းရင်းမြစ်များ

1 Reyes 1:31

Chanta Betsabeqa reypa ñaupaqempi pampaman k'umuykorqa, qhaparispataj nerqa: Reyniy David kausachun wiñaypaj!

2 Reyes 25:8

Babiloniamanta rey Nabucodonosor chunka iskayniyoj watataña kamachishajtin, phishqa killampi qanchis kaj p'unchaynimpi Babiloniamanta reypa soldadosnimpa kurajnin kamachin Nabuzaradán Jerusalenman jamorqa.

2 Crónicas 21:20

Kinsa chunka iskayniyoj watasniyoj karqa kamachiyta qallarishajtenqa, Jerusalempitaj pusaj watasta kamacherqa. Wañupusqanmantataj mana pipis waqarqachu. Davidpa llajtampitaj p'ampaykorqanku, jinapis mana reykuna p'ampakoj kanku chaypichu.

2 Crónicas 28:27

Wañupojtintaj p'ampaykorqanku Jerusalén llajtapi, manataj Israel reykunaspa p'ampakunanku chaymanqa aparqankuchu. Cuentampitaj wawan Ezequías kamacherqa.

2 Crónicas 32:33

Ezequías wañupojtintaj p'amparqanku Davidpa ayllumpa p'ampakunampi aswan pata kajpi. Tukuy Judapi, Jerusalempi tiyakojkunapis wañuynimpi paymanta allinta parlarqanku. Cuentampitaj wawan Manasés kamacherqa.

2 Crónicas 36:19

Chay jawaqa Diosta yupaychana wasitapis ruphaykucherqanku, Jerusalén llajtaj perqasnintataj thuñirarqanku. Tukuy palaciosninmampis ninata jap'iykucherqanku. Chay valorniyoj kaj imastapis tukuyninta t'unaykorqanku.

Nehemías 1:3

Niwarqankutaj: Wijch'usqa kaymanta ayqerqanku chaykunaqa qhepakorqanku chay provincia llajtapi. Paykunaqa may llakiypi may p'enqaypitaj kashanku. Jerusalén llajtaj perqasnin pampachasqas kashanku, punkusnintaj ninawan q'olasqas kashanku, nispa.

Nehemías 2:13

Chay kikin ch'isipacha llojserqani, Valleman llojsina punku nisqa chayninta, chanta Dragón yaku juturi nisqa chayninta, Q'opa jich'ana nisqa chay punkunejman. Qhawarqanitaj Jerusalempa urmasqa perqasninta, ruphasqa punkusnintawan.

Ester (hebreo) 8:6

Imaynatataj noqaqa qhawayman llajtayman kay llakiy chayanantari, nacionniy tukuchisqa kanantari?, nispa.

Salmos 102:14

Kamachisniykeqa thuñisqa rumisninkutapis munakunku. Raqaykunasta rikuspa, sonqonku nanan.

Salmos 102:15

Chanta tukuy naciones Señorpa sutinta manchachikonqanku, kay pachamanta tukuy reyes Señorpa sumaj sutinta yupaychajtinku;

Salmos 137:6

Ukhu simiyman qalluy k'askaykuchun qanmanta mana yuyarikuyman chayqa; mana qanmanta kusikuyman chayqa tukuy imamanta astawan.

Salmos 38:7

Q'oñi onqoywan wasayqa k'ajarishan. Tukuy ukhuy onqosqa.

Jeremías 52:12

Babiloniamanta rey Nabucodonosorqa chunka isq'onniyoj watastaña kamachishajtin, phishqa kaj killampi chunka kaj p'unchaynimpitaj, Nabuzaradán Jerusalenman chayamorqa; payqa karqa reypa yanapajnin, reypa soldadosninta kamachej runa.

Lamentaciones 2:9

Punku wisq'anasninkoqa pampaman wijch'usqas karqanku. Aldabasninkupis p'akirasqas karqanku. Reyninkuwan kurajkunasninkuwanqa maypichus kamachiykunas mana kanchu, chaykunaj chaupinkupi kashanku. Profetasninkupis Diosmanta mosqoypi jina manaña imatapis astawan rikuyta aterqankuchu.

Daniel (hebreo) 2:4

Yachayniyojkunataj reyman nerqanku: Atiyniyoj rey, kausayniyki wiñaypaj kachun. Mosqokusqaykita willariwayku, chanta noqayku willasusqayku, chay mosqoyniykeqa imatachus niyta munasqanta.

Daniel (hebreo) 5:10

Reypa mamanqa, wawan reypa qhaparisqanta, chanta mikhunankupaj wajyasqas karqanku chay kurajkunaj qhaparisqantawan uyarispa, maypichus mikhusharqanku chay wasiman yaykorqa, nerqataj: Reyníy, wiñaypaj kausay! Ama llakikuychu, amataj uyaykipis jinatapuni q'elluyachunchu.

Daniel (hebreo) 6:21

Danieltaj kuticherqa: Reyneyqa wiñaypaj kausachun!

Daniel (hebreo) 6:6

Chay jina yuyaywan may qhawajkuna, kamachejkunawan parlanakorqanku, rey Darioman parlapayaj rinankupaj, ñaupaqenman chayaspataj nerqanku: Rey Darío, wiñay kausay qampaj kachun!

Levítico 26:31

Llajtasniykichejta raqayasta saqesaj, chinkachisaj yupaychana wasisniykichejtapis. Sumaj q'apashaj jaywawasqaykichejtapis manaña jap'isqaykichejchu.