Nehemías 1:9 - Qheshwa Biblia DC

⁹ Sitajchus qanman kutirikamuspa kamachiykunasniykita junt'aykuman, nisqasniykitataj ruwaykuman chayqa, kay pachaj k'uchusninmampis ch'eqerasqas kaykuman chaypis, qan chaykunamanta kutichimuspa, maypichus sutiyki jatunchasqa kanampaj ajllakorqanki chay cheqaman watejmanta tantaykunawaykuta.

DIOSPA QHELQACHISQAN DEUTEROCANONICAL

⁹ Chaywanpis sichus noqaman kutirikamuspa, kamachisqayta junt'awajchej, nisqaytataj ruwawajchej chayqa, tukuynejman ch'eqerasqa kawajchej chaypis, chaymantapacha tantakapusqaykichej. Chantá pusakampusqaykichej, maypichus sutiy yupaychasqa kananpaj ajllakorqani, chay cheqaman, nispa.

DIOSPA QHELQACHISQ

⁹ Chaywanpis sichus noqaman kutirikamuspa, kamachisqayta junt'awajchej, nisqaytataj ruwawajchej chayqa, tukuynejman ch'eqerasqa kawajchej chaypis, chaymantapacha tantakapusqaykichej. Chantá pusakampusqaykichej, maypichus sutiy yupaychasqa kananpaj ajllakorqani, chay cheqaman, nispa.

Nehemías 1:9 ပူးပေါင်းရင်းမြစ်များ

1 Reyes 8:48

Chantaqa tukuy sonqonkuwan tukuy almankuwantaj qanman kutirikamusunkuman, maymanchus enemigosninku presosta aparqanku chaypi, qanmantataj mañakamusunkuman tatasninkuman qorqanki chay jallp'aman kutirisqas, ajllakorqanki chay llajtaman, sutiykipi noqa ruwaporqayki chay wasinejmanwan chayqa, Qanqa janaj pachamanta uyarimunki maypichus tiyakunki chaymantapacha, mayta mañakusqankuta, qantaj paykunaman justiciata ruwanki.

1 Reyes 9:3

Señortaj payman nerqa: Noqaj ñaupaqeypi mayta mañakuwasqaykita uyariykiña. Kay ruwapuwasqayki wasitapis llimphuchaniña, chaypi sutiy wiñaypaj kanampaj, chayllapitaj ñawisniy sonqoypis tukuy p'unchay kanqa.

1 Crónicas 16:35

Niychej: Salvawayku Diosniyku, qampis salvadorniykoqa kanki. Naciones ukhumanta tantaykuwayku, kacharichiwaykutaj, yupaychanaykupaj llimphu sutiykita, kusisqas qanta yupaychanaykupaj.

Esdras 6:12

Mayqen reychus, chayri llajtachus, Jerusalempi kashan chay temploj contrampi mana allinta ruwayta munajtaqa, tiyakunampaj Jerusalenta ajllakoj Dios t'unaykuchun! Noqa Darío kaytaqa kamachini. Kay nisqayqa kikimpuni junt'akuchun, nispa.

Salmos 106:47

Salvawayku Señor Diosniyku! Oqharikapuwayku tukuy nacionesmanta, santo sutiykita yupaychanaykupaj, kusisqas qanta upaychanaykupaj.

Salmos 107:3

pikunatachus Señorqa tantarqa tukuy nacionesmanta, inti llojsimuymanta, inti yaykuynejmantapis, ura ladomanta, pata ladomantawan.

Salmos 147:2

Señorqa watejmanta Jerusalenta jatarichin. Ch'eqerasqa israelitasta tantaykun.

Isaías 11:12

Señorqa nacionespaj uj señalta oqharenqa, wijch'usqa israelitastataj ujllaman tantaykonqa. Judamanta ch'eqerasqas kajkunatataj tukuy mundontinmanta tantamonqa.

Isaías 27:12

Jaqay p'unchaypi Señorqa erata jina trillanqa Eufrates mayumanta, Egipto mayukama. Qankuna Israelpa wawasnintaj ujmanta tantasqas kankichej.

Isaías 56:8

Tukuy ch'eqerasqa israelitasta tantamoj Señorqa nin: Kay tukuy tantakamojkunamanqa astawanraj wajkunata tantamusaj.

Jeremías 12:15

Jinapis, wijch'uytawankamaqa paykunamanta khuyakullasajtaj wasisninkuman kutichimuspa, kikin jallp'ankuman.

Jeremías 3:14

Señor nillantaj: Kutirimuychej mana kasukoj wawas, imaraykuchus noqa qankunaj Señorniykichej kani. Noqa jap'isaj sapa llajtamanta ujta, iskaytataj sapa ayllumanta. Sionmantaj kutichisqaykichej.

Jeremías 31:10

Naciones Señorpa palabranta uyariychej, mar qochaj karu cantosnimpi willaramuychej, nimuychejtaj: Señorqa Israel ayllunta ch'eqeracherqa. Jinapis tantaykamonqa, waqaychanqataj imaynatachus uj michejqa ovejasninta waqaychan ajinata.

Jeremías 6:22

Señorqa nin: Patakaru jallp'asmanta uj atiyniyoj nación jamunampaj wakichikushan.

Ezequiel 14:6

Chayrayku Israel aylluman niy: Señorman kutiriychej, nispa. Lantisninkuta saqechunku, millachikunapaj jina imastawan.

Ezequiel 36:24

Qankunataqa noqa waj llajtasmanta orqhomusqaykichej, tukuy jallp'asmanta tantaykuspataj jallp'aykichejman kutirichisqaykichej.

Levítico 26:3

Sichus leyesniypi purinkichej, allintataj waqaychankichej kamachisqasniyta, chaykunatataj kasunkichej chayqa, jallp'aykichejman parachimusaj maychus tiempompi. Jallp'aykichejqa sumajta poqonqa, poqoy sach'asniykichejpis sumaj poqoyniyoj kanqa.

Zacarías 8:7

Noqamin llajtaytaqa kacharichisaj inti llojsimuynej llajtaspa atiyninmanta, jinataj inti yaykupuynej llajtasmantapis.

San Mateo 24:31

Angelesnintataj kachamonqa, cornetata sinch'ita waqachispa, tukuy ajllasqasninta tantanankupaj, mundoj tawantin cheqamanta, uj cantonmanta, ujnin cantonkama.

Deuteronomio 12:21

Sichus Señorpa ajllakusqan cheqaqa sutinta churanampaj qankunamanta karupiraj kanman chayqa, Señorpa qosusqaykichej chay wakasta, chay ovejastawan atinkichej ñak'ayta munasqaykichejman jina mikhunaykichejpaj, maypichus tiyakushankichej chaypi, imaynatachus kamacherqaykichej chayman jina.

Deuteronomio 12:5

Señorqa ayllusniykichej ukhupi uj cheqata mask'anqa, qankuna chaypi sutinta yupaychanaykichejpaj.

Deuteronomio 30:1

Kay tukuy nisqasniy qankunaman jamojtin, bendicionchus, chayri maldicionchus, ñaupaqeykichejpi churasqay chaykuna chay nacionespi, maymanchus Señor Diosniykichej wijch'usorqachej, chaypi sichus kaykunapi umachakuwajchej chayqa, sichus qankuna wawasniykichej ima Señorman kutirinkichej kasuspa tukuy sonqoykichejwan, tukuy almaykichejwampis kunan noqa kamachishaykichej chayman jina.