Nehemías 1:3 - Qheshwa Biblia DC

³ Niwarqankutaj: Wijch'usqa kaymanta ayqerqanku chaykunaqa qhepakorqanku chay provincia llajtapi. Paykunaqa may llakiypi may p'enqaypitaj kashanku. Jerusalén llajtaj perqasnin pampachasqas kashanku, punkusnintaj ninawan q'olasqas kashanku, nispa.

DIOSPA QHELQACHISQAN DEUTEROCANONICAL

³ Paykunataj niwarqanku: Pikunachus apasqa kanamanta llusp'erqanku, chaykuna chayllapi qhepakorqanku. Chaywanpis may llakisqa, p'enqasqataj kashanku. Jerusalén llajtaj perqanpis thuñisqa, punkunkunataj ninawan ruphasqa kashan, nispa.

DIOSPA QHELQACHISQ

³ Paykunataj niwarqanku: Pikunachus apasqa kanamanta llusp'erqanku, chaykuna chayllapi qhepakorqanku. Chaywanpis may llakisqa, p'enqasqataj kashanku. Jerusalén llajtaj perqanpis thuñisqa, punkunkunataj ninawan ruphasqa kashan, nispa.

Nehemías 1:3 ပူးပေါင်းရင်းမြစ်များ

2 Reyes 25:10

Reypa kamachinwan kajkuna caldeostaj Jerusalén llajtaj perqasninta tukuyninta urmacherqanku.

2 Crónicas 36:19

Chay jawaqa Diosta yupaychana wasitapis ruphaykucherqanku, Jerusalén llajtaj perqasnintataj thuñirarqanku. Tukuy palaciosninmampis ninata jap'iykucherqanku. Chay valorniyoj kaj imastapis tukuyninta t'unaykorqanku.

Esdras 2:1

Kaykuna kanku presochasqamanta kutimpojkuna. Paykunaqa rey Nabucodonosorpa kamachisqanman jina Judá jallp'amanta Babiloniaman apasqas karqanku. Paykunamanta wakinkuna Jerusalenman, Judá jallp'asmantaj kutimporqanku, sapa ujninku llajtankuman yaykuporqanku.

Nehemías 11:3

Kaykuna karqanku chay kutimpojkunamanta aswan kurajkunasninku Jerusalén llajtapi watejmanta tiyakapojkunaqa. Chay waj israelitastaj: Sacerdotes, levitas, yupaychana wasipi imastapis ruwajkuna, jinataj Salomompa mirayninmanta kaj kamachispis, sapa ujpis llajtasninkupi, kikin jallp'asninkupitaj, Judá jallp'api tiyakaporqanku.

Nehemías 2:13

Chay kikin ch'isipacha llojserqani, Valleman llojsina punku nisqa chayninta, chanta Dragón yaku juturi nisqa chayninta, Q'opa jich'ana nisqa chay punkunejman. Qhawarqanitaj Jerusalempa urmasqa perqasninta, ruphasqa punkusnintawan.

Nehemías 2:17

Kay jinatataj paykunaman nerqani: Qankuna allinta yachankichej jinaqa sinch'i llakiypi rikukusqaykichejta, Jerusalén llajtanchejqa raqaykunasllapiña kashan, punkusnimpis ninaj q'olasqasnin kashanku. Noqawan ujchakuychej, Jerusalempa perqanta watejmanta jatarichinachej amaña asipayachikunanchejpaj, nispa.

Nehemías 2:3

Reytataj nerqani: Wiñaypaj kausayniykeqa kachun reyníy! Imaraykutaj mana llakikusajchuri? Tatasniy p'ampasqas kashanku chay llajtasqa raqaykunasllaña, punkusnimpis ninaj q'olasqan.

Nehemías 7:6

Kaykuna kanku presochasqasmanta kutimpojkuna. Paykunaqa rey Nabucodonosorpa kamachisqanman jina Judá jallp'amanta Babiloniaman apasqas karqanku. Paykunamanta wakinkuna Jerusalenman, Judá jallp'amantaj kutimporqanku, sapa ujninku llajtankuman yaykuporqanku.

Ester (hebreo) 1:1

Kaymin pasarqa Asuero rey kashajtin. Payqa pachaj iskay chunka qanchisniyoj suyusta kamacherqa. Chay llajtastaj karqanku Indiamanta Etiopiakama.

Salmos 79:4

Qayllaykupi kajkunaj asipayanan kayku, muyuyniykupi kajkunaj asikunantaj.

Proverbios 25:28

Imaynachus uj mana perqayoj llajta, pillapis yaykunampaj jinalla; ajinallataj pichus phiñakuyninta mana ñit'iykojqa.

Isaías 43:28

Kamachejkunasniykichejqa santo wasiyta ch'ichicharqanku. Chayrayku noqaqa Jacobpa ayllun Israelta saqerqani, chinkachisqa, p'enqachisqataj kananta.

Isaías 5:5

Kunanqa, uvas sach'asniywan imanasajchus chayta nisqaykichej: Perqasninta thuñisaj, jinamanta chinkanqa, perqasninta urmarachisaj, tukuy sarunankupaj.

Jeremías 24:9

Paykunata mancharikunapaj jina ruwasaj, tukuy jallp'api kaj nacionespaj; p'enqakunankupaj jina, cuentakunankupaj jina, asikunankupaj jina, maldición kanankupaj jina, maymanchus chayanqanku chay naciompi.

Jeremías 29:18

Paykunata qhatiykusaj maqanakuwan, yarqhaywan, onqoywan ima. Kay pachapi tukuy naciones kajkuna rikuspa mayta t'ukunankuta saqesaj. Tukuyninku rikuspa wananankupaj saqesaj maldicisqa kaymanta, p'enqasqa kaymantapis, maykunasmanchus ch'eqeracherqani chay tukuy nacionespi t'ukunankupaj, mancharikunankupajtaj kankichej.

Jeremías 39:8

Caldeosqa reypa palacionman ninata jap'iykucherqanku, jinallataj llajtapi wasismampis, Jerusalempa perqasnintapis thuñirarqanku.

Jeremías 42:18

Tukuy Atiyniyoj Señor Israelpa Diosnin nin: Ajinata imaynatachus phiñakuyniy k'ajarerqa Jerusalempi tiyakojkunaspa contrampi, ajinallatataj qankunaj contraykichejpipis oqharikusaj, sichus qankuna Egiptoman ripunkichej chayqa. Qankunapi tukuypa rikunanta maldicionniy rikuchisqa kanampaj, mayta t'ukunapaj jina kanqa, manataj jayk'aj kay lugarta rikunkichejñachu.

Jeremías 5:10

Enemigosninkutaj yaykuchunku, huertasninkutataj q'arachunku. Amapis tukuyninkutachu q'arachunku. Ramasninta k'ajllarachunku, imaraykuchus chay uvas sach'asqa manaña noqajtachu.

Jeremías 52:14

Riyserqanku chay soldadostaj Jerusalempa muyuynimpi kasharqa chay perqata thuñiykorqanku.

Lamentaciones 1:7

Jerusalén runasqa enemigosninkoj makinman urmaspa, manaña pipis paykunata yanaparej kajtin, yuyarikunku llakiyninkumanta, Señorpa contranta oqharikusqankumantawan. Chantaqa yuyarikullarqankutaj ñaupajta may qhapaj kasqankumanta. Enemigosninkutaj paykunata mayta alqochakuspa asipayarqanku imaynatachus urmasqankumanta.

Lamentaciones 2:9

Punku wisq'anasninkoqa pampaman wijch'usqas karqanku. Aldabasninkupis p'akirasqas karqanku. Reyninkuwan kurajkunasninkuwanqa maypichus kamachiykunas mana kanchu, chaykunaj chaupinkupi kashanku. Profetasninkupis Diosmanta mosqoypi jina manaña imatapis astawan rikuyta aterqankuchu.

Lamentaciones 3:61

Qan uyarishanki Señor, toreawasqankuta; tukuy sajra imasta contraypi wakichisqankutawan.

Lamentaciones 5:1

Kay jina mana allin imas qhatiriwasqaykumanta, Señor, yuyarikuwayku ari. Qhaway Señor, imaynatachus k'umuykachachiwasqaykuta.

Levítico 26:31

Llajtasniykichejta raqayasta saqesaj, chinkachisaj yupaychana wasisniykichejtapis. Sumaj q'apashaj jaywawasqaykichejtapis manaña jap'isqaykichejchu.

Levítico 26:33

Qankunaman maqanakuta apachimusaj, qankunata waj nacionesman ch'eqerachisqaykichej. Jallp'asniykichej ch'inman tukonqa, llajtasniykichejtaj manchay manchachikuna raqayasman tukonqanku.