Nahúm 2:9 - Qheshwa Biblia DC

⁹ Suwaychej qolqenkuta, suwaychej qorinkuta. Nínivej qhapaj kaynenqa ashkha mana tukukuyniyoj kashan!

DIOSPA QHELQACHISQAN DEUTEROCANONICAL

⁹ 9 (10) Suwaychej qolqenkuta, apakapuychej qorinkuta. Nínive llajtaj qhapaj kaynenqa mana tukukuyniyoj.

DIOSPA QHELQACHISQ

⁹ 9 (10) Suwaychej qolqenkuta, apakapuychej qorinkuta. Nínive llajtaj qhapaj kaynenqa mana tukukuyniyoj.

Nahúm 2:9 ပူးပေါင်းရင်းမြစ်များ

2 Crónicas 36:10

Chay wata muyurimuypitaj rey Nabucodonosorqa Joaquinta kamacherqa Babiloniaman apachinankuta, Señorpa yupaychana wasinmanta aswan valorniyojkuna imastawan khuska. Sedequiastataj churarqa Judatawan Jerusalentawan kamachinampaj. Sedequiasqa Joaquimpa ayllunmanta karqa.

Isaías 33:1

Ay, qanqa qhechoj runa, qanmantataj mana jayk'ajpis qhechusunkuchu; qan, suwaj runa, qanmantataj manaraj suwasunkurajchu. Qan qhechuyta tukojtiyki, qanmantapis qhechullasonqankutaj. Ajinata suwayta tukojtiykikama qanmantapis suwallasonqankutaj.

Isaías 33:4

Enemigosnenqa langostas jina urphurimonqanku, tukuynejmantataj correnku tukuy imasninkuta suwanankupaj.

Jeremías 25:34

Qhapariychej, michejkuna, nanaywan qhapariychej! Qankuna aylluyta pusankichej chaykuna, pampapi sunt'iraychej! Imaraykuchus wañuchinanku rato chayamunña, qankunatatajri wañuchisonqachej wira ovejata jina.

Jeremías 46:5

Jinapis imatataj rikuniri? May mancharikuywan kutiripunku. Maqanakojkunasninkoqa atipasqas kaspa ch'eqeranku, usqhay usqhaytataj ayqerapunku qhepaman qhawarikuspa. Tukuynejpi mancharikuylla tiyan. Noqa Señor chayta nini.

Jeremías 51:56

Babiloniata chinkachej jamorqanku, ña jap'eqarqankuña ch'ajwapi maqanakojkunasninta, chay k'uru wach'inasninkutataj t'unata ruwarqanku. Señorqa Diospunimin, sapa ujman payqa qopun imatachus ruwasqankuman jina.

Ezequiel 26:12

Qhapaj kapuyniykita suwasonqanku, qhatunapaj kaj imasniykita qhechurasonqanku. Perqasniykita loqheykonqanku, k'acha wasisniykitataj thuñiykonqanku. Rumisniykita, kurkusniykita, thuñisqa perqasniykitawan, mar qochaman wijch'onqanku.

Daniel (hebreo) 11:8

Astawampis, apakaponqa Egiptoman dioskunasninkuta, metalmanta ruwasqa lantisninkuta, qorimanta, qolqemanta ruwasqa valorniyoj imastawan. Unay watasta iskaynin naciones mana ch'ajwaspalla kanqanku.

Nahúm 3:17

Jark'asoj soldadosniykeqa langostas jina kanku, soldado runasniykita jap'iramojkunapis may chhika phoqeshaj khurus jina kanku, imaynatachus chiriykamojtenqa perqa jusk'usman sat'irakunku, inti llojsimojtinkamataj llojsirapunku, nitaj pipis chantá yachanchu maymanchus risqankuta, kikillantataj paykunapis ruwanku.

Apocalipsis 18:12

Chay qhatusqa karqanku qorimanta, qolqemanta, qhapaj k'anchay rumismanta, walqasmanta, sumaj awasqa linomanta, kulli awasqamanta, sedamanta, puka awamanta, tukuy qhapaj k'aspismanta, marfilmanta, tukuy ima ruwasqas precioyoj k'ullumanta, tukuy ima ruwasqas broncemanta, fierromanta, marmolmanta ima.

Apocalipsis 18:16

Nenqankutaj: Ay, ay, chay jatun llajtamanta! Allin awasqa linomanta p'achallikoj, kulli, puka p'achamantapis qoriwantaj qhapaj, k'anchaj rumiswantaj, walqaswan ima p'achallikoj.