Nahúm 1:8 - Qheshwa Biblia DC

⁸ Jinapis imaynatachus yaku junt'aykuspa q'alata apakapun ajinatamin tukuy Paywan churanakojkunataqa pichaponqa, may llakiykunaswan laqhayaylla qhatirenqa tukuy enemigosnintapis.

DIOSPA QHELQACHISQAN DEUTEROCANONICAL

⁸ Chaywanpis imaynatachus yaku junt'aykuspa tukuy imata apakapun, ajinatamin paywan tukuy churanakojkunata picharparenqa. Tukuy awqankunata manchay laqhayaylla qhatirenqa.

DIOSPA QHELQACHISQ

⁸ Chaywanpis imaynatachus yaku junt'aykuspa tukuy imata apakapun, ajinatamin paywan tukuy churanakojkunata picharparenqa. Tukuy awqankunata manchay laqhayaylla qhatirenqa.

Nahúm 1:8 ပူးပေါင်းရင်းမြစ်များ

Job 30:15

Sinch'i manchachikuy noqaman jamuwan, allin kayneyqa wayra jina ripun, ima kajpis phuyu jinalla chinkaripun.

Job 40:11

Qhawariy tukuy jatunchakojkunata, phiñakuyniki munasqanman jina qhawaspa k'umuykuchiy.

Proverbios 4:19

Juchasapaspa ñanninkurí laqhalla, mana yachankuchu imapichus misk'akusqankuta.

Isaías 13:10

Chayrayku janaj pachapi kaj qoyllurkuna, imaschus k'anchajkuna ima manaña k'anchanqankuchu. Inti llojsimuytawan laqhayaykonqa, killapis manaña k'anchanqachu.

Isaías 13:9

Señorpa p'unchaynenqa manchaytapuni jamushan, manchay llakiy p'unchay, k'ajaj phiñakuywan k'ajarishaj, jallp'ata ch'impachata saqenampaj, juchasapastapis chinkachinampaj.

Isaías 28:17

Cheqan kajtaqa plomadata jina churasaj, maychus kajtataj hilota jina churasaj. Llullakojpa pakakunanta chejchi chinkachenqa, chay pakakunaykichej cheqatataj yakus apanqanku.

Isaías 28:18

Wañuywan trato ruwasqaykichejqa chinkachisqa kanqa, wañusqakunaj tiyakunanwan tratoyoj kasqaykichejpis mana sayanqachu. Manchayta jasut'iytaj jamonqapacha, qankunataqa p'ampaykusonqachej.

Isaías 28:2

Señorpa kachamusqan kallpasapa runa tiyan; chayqa chejchi paraj sonaynin jina, uj sinch'i wayra jina, llojlla para jina, ashkha yaku llump'imoj jinataj; makinwan jap'ispataj pampaman wijch'onqa.

Isaías 8:22

Jallp'ata qhawarispataj rikonqanku llakiyta, laqhayayta, laqhapachata, may waqaytataj, laqha ukhupitaj rikhurenqanku.

Jeremías 13:16

Señor Diosniykichejta yupaychaychej, manaraj pay laqhayayta apachimushajtin, manaraj laqhayaj orqopi misk'akushajtiykichej, Manaraj laqhayayman tukuchishajtin, Manchay suyasqaykichej chay k'anchay manaraj tukukapushajtin.

Ezequiel 13:13

Chayrayku noqa Señorqa nini: K'ajaj phiñakuyniypi sinch'ita wayrachimusaj. Manchay phiñakuy sinch'ita parachisaj, rumi jina granizotataj urmachimusaj, sinch'i phiñakuyniywan chinkachinaypaj.

Daniel (hebreo) 11:10

Wichaypi kaj reypa wawasnintaj ch'ajwapaj wakichikonqanku, ashkha tropa soldadostataj tantaykuchenqanku. Paykunamanta ujnin kajtaj tropasninwan khuska ch'ajwata ruwaj yaykonqa uraypi kaj nacionman, uj phullchiraj mayu jina tukuyninta t'unaykuspa. Chaymanta ujtawan maqanakullanqataj, reypa sumaj jark'asqa wasinman chayanankama.

Daniel (hebreo) 11:22

Contrampi sayaykoj atiyniyojkunata tukuyninta t'unaykonqa. Jinallatataj tratota ruwaj atiyniyoj kamachejtapis.

Daniel (hebreo) 11:40

Maypachachus tukukuy rato chayamonqa chaypachaqa, uraynejpi kaj rey jatarenqa, wichaynejpi kaj reypa contrampi. Kay kajtaj llojsispa, kaymanta jinalla tukuy atiywan yaykonqa, uraypi kaj reypa contrampi, carretaswan, caballería tropaswan, ashkha barcoswan ima. Jallp'asman yaykuspa junt'aykonqanku, chanta pasakaponqankutaj.

Daniel (hebreo) 9:26

Sojta chunka iskayniyoj semanas qhepata chay Mesiasta wañuchenqanku. Uj rey jamuspa, Jerusalén llajtata, jinallataj templotapis runasninwan t'unaykuchenqa. Tukukoyqa usqhayllata chayamonqa, uj apaj mayu jina. Chay tukukuykama kallanqapuni maqanakuy t'unanakuypis, imaynachus nisqa kasqanman jina.

Amós 8:8

Manachu jallp'aqa ikhakonqa kay tukuy imasmantaqa? Manachu chay jallp'api tiyajkunaqa waqanqanku? Chay jallp'ataj oqharikonqa tiyaykonqataj, imaynatachus Nilo mayu yaku ashkhayantaj pisiyantaj jinata.

Nahúm 1:1

Kaymin chay Nínive llajtaman apachisqa willayqa. Elcosmanta Nahumpa mosqoypi jina rikusqanmanta willay libro.

Nahúm 2:8

Imaynatachus yaku jark'acha p'akikojtinkama yaku ayqen, jinatamin Nínive llajtapi tiyakojkunapis ayqenqanku. Suyaychej, kutimuychej nispa qhaparenqanku, pero ni pipis kutimonqachu.

Sofonías 2:13

Payqa makinta oqharenqa chimpa ladoj contranta, Asiria llajtata t'unaykunampaj. Nínive llajtatarí ch'impachata saqerparenqa, uj ch'in pampaman tukuchispa.

San Mateo 7:27

Para jich'akamojtintaj, mayus chayamorqanku; wayrastaj sinch'ita wayramuspa wasiman wajtakamorqanku, t'iyu patapi ruwasqa kasqanraykutaj waseqa urmarqa, thuñikuynintaj manchay karqa.

San Mateo 8:12

Janaj pacha reinoj wawasnintaj jawa laqhaman wijch'usqas kanqanku; chaypitaj jatun waqay, kiru k'arukuytaj kanqa.

1 Samuel 2:9

Paylla pay sonqo kaj wawasnimpa thaskinasninta waqaychan, sajra runastajri laqhayaypi wañupunku, imaraykuchus mana pipis kallpanraykullaqa atipanqachu.