Nahúm 1:5 - Qheshwa Biblia DC

⁵ Paypa ñaupaqempeqa orqos kharkatirinku, chay lomaspis unuyallankutaj ñaupaqempeqa. Tukuy jallp'antin kharkatirin Payta qawaspaqa, kay pachapi tiyakojkunapis kharkatitillankutaj.

DIOSPA QHELQACHISQAN DEUTEROCANONICAL

⁵ Paypa ñawpaqenpi orqokunapis kharkatitinku, lomakunapis yaku jina unuyarin. Payta rikuspaqa, tukuy jallp'antin kharkatitin. Kay pacha, chaypi tiyakojkunapis kharkatitillankutaj.

DIOSPA QHELQACHISQ

⁵ Paypa ñawpaqenpi orqokunapis kharkatitinku, lomakunapis yaku jina unuyarin. Payta rikuspaqa, tukuy jallp'antin kharkatitin. Kay pacha, chaypi tiyakojkunapis kharkatitillankutaj.

Nahúm 1:5 ပူးပေါင်းရင်းမြစ်များ

2 Samuel 22:8

Chaypacha uj sinch'i jallp'a ikhakuy karqa; janaj pachaj cimientosnin kharkaterqanku, Señorpa phiñakuyninrayku kuyuchisqas karqanku.

Job 26:11

Dios mancharichejtinkama manchariywan kharkatitinku, may orqosmanchus janaj pacha arrimasqa kashan chaykuna.

Job 9:5

Payqa phiñarikuspa orqosta kuyurichin, urmachintaj, nitaj pipis chayta reparanchu.

Salmos 104:32

Señor qhawarejtin jallp'aqa kharkatin, llankharejtintaj orqosqa q'osñirinku.

Salmos 114:4

Orqosqa carnero jina phinkiykacharqanku. Lomasqa oveja uñas jina phinkiykacharqanku.

Salmos 114:6

Imajtintaj qankuna, orqos, carnero jina phinkiykacharqankichejri? Imajtintaj qankuna, lomas, oveja uñas jina phinkiykacharqankichejri?

Salmos 18:7

Chaypacha sinch'ita jallp'aqa kharkaterqa. Orqospis uranmantapacha thalarikorqanku. Señorpa phiñakuyninwan ikhasqas karqanku.

Salmos 18:8

Senqanmantaqa q'osñi llojsirimorqa. Siminmantataj tukuy imata q'olaj nina llojsimun. K'ajarishaj nina brasas ima siminmanta t'akarikamun.

Salmos 46:6

Tukuy llajtas qhaparinku, kamachejkunapis kharkatinku, jallp'apis unuyan pay parlarejtin.

Salmos 68:8

jallp'aqa kharkaterqa, cielomantataj paramorqa. Sinaí orqo Diospa ñaupaqempi kharkaterqa, Israelpa Diosnimpa ñaupaqempi.

Salmos 98:7

Mar qocha qhaparichun, tukuy ima chaypi kajpis. Kay pachapis qhaparichun, tukuy chaypi tiyakojkunapis.

Éxodo 19:18

Tukuynin Sinaí orqo q'osñirerqa, imaraykuchus Señor uraykamorqa chay orqoman ninapi. Q'osñisqa wicharisharqa hornomantapis wicharishanman jina; chay puntastaj tukuynin kharkatirerqanku manchayta.

Isaías 24:1

Señorqa kay jallp'ata ch'usajllata, q'arallatataj saqenqa. Jallp'a patataj tijranqa, chaypi tiyakojkunatataj ch'eqerachenqa.

Isaías 24:20

Jallp'aqa uj machasqa runa jina, chankaykachanqa, ch'ujlla jina kaynejman jaqaynejman wajtaykachakonqa. Juchasnenqa manchaytapuni llasaykun, urmachenqataj manañataj ujtawan sayarikonqankuchu.

Isaías 5:25

Chayrayku Señorqa ayllumpa contranta k'ajajta phiñakorqa, makintataj jasut'inampaj oqharerqa. Orqospis kharkatiterqanku, wañusqastaj callesnimpi q'opa jina wijch'usqas karqanku. Chay tukuywampis Señorpa k'ajaj phiñakuynenqa manaraj thasnukunrajchu, payqa jasut'inampaj makin oqharisqallapuni kashan.

Jeremías 10:10

Señorqa cheqan Diospuni, kausaj Diospuni, wiñaypaj reytaj. Maypachachus pay phiñarikun chayqa, jallp'antin kharkatitin. Nacionestaj phiñakuyninta mana jap'ikuyta atinkuchu.

Jeremías 4:24

Orqosta qhawarerqani, manchayta ikharikusharqanku, tukuy juch'uy lomasnimpis kharkatishallarqankutaj.

Ezequiel 38:20

Chaypacha mar qochapi kaj challwas, tukuy kaj p'isqos, campopi kaj animales, pampaspi qhatatikuspa purej kataris, tukuy jallp'antimpi kaj runastaj ñaupaqeypi kharkatitenqanku. Jatuchaj lomas urmanqanku, tukuy perqastaj thuñikuspa pampaman urmanqanku.

Joel 2:10

Jallp'a kharkatitin paykunaj ñaupaqempi. Janaj pachapis kuyurin. Intipis, jinallataj killapis laqhayaykunku. Qoyllurkunataj manaña k'anchankuchu.

Amós 9:5

Tukuy Atiyniyoj Señor Diostaj jallp'ata llankhaykonqa, jallp'ataj unuyarparenqa, chaypi tiyakojkunataj mayta waqanqanku; jallp'ataj oqharikonqataj tiyaykonqataj, imaynatachus Egipto Nilo mayu ashkhayantaj, pisiyantaj, jinata.

Miqueas 1:4

Chakisnin urapi orqos unuyanqanku imaynatachus cera mach'aqa ninaman churaykunchej jinata, vallestaj iskayman kicharisqas kanqanku, imaynatachus uj wayk'upi may chhika yaku correspa kicharin ajinata.

Habacuc 3:10

Orqosqa kharkatitinku rikususpa, parapis patamanta ima jina jich'akun, chantá mama qochaj ukhu pachampis manchayta ch'ajwarin patampi jatuchej olas oqharikojtin.

Zacarías 4:7

Pitaj qan kanki jatun orqo? Zorobabelpa ñaupaqempi q'ala pampachasqa kanki. Pay orqhonqa sumaj ñaupaj kaj ruminta, runastaj qhaparenqanku may k'achitu, may k'achitu nispa.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

San Mateo 27:51

Chay kikimpachataj, temploj cortinan iskayman llik'ikorqa patamanta urakama. Jallp'ataj kharkatiterqa, chhankaspis phatararqanku.

San Mateo 28:2

Ujllata ikhakorqa jallp'a, imaraykuchus Señorpa uj angelnin janaj pachamanta uraykamuspa, qayllaykuspataj, rumita tijrarpayarqa, chay patapitaj tiyaykukorqa.

Apocalipsis 20:11

Rikorqanitaj uj jatun yuraj tronota, chaypi tiyasqa kashajtawan. Paypa ñaupaqenmantataj kay pacha, janaj pachapis ayqerqanku, manañataj ni mayman riyta aterqankuchu, chinkarerqankutaj.

Apocalipsis 6:14

Cielotaj ithirikaporqa, imaynatachus uj escribisqa papel k'uyuykukun ajinata. Tukuy orqotaj, yaku pata churu jallp'aspis, kasqankumanta kuyurerqanku.

Jueces 5:5

Señor, ñaupaqeykipeqa, Israelpa Diosnin, ñaupaqeykipeqa, qharkaterqanku orqokuna, Sinaipis qharkaterqa.