Nahúm 1:14 - Qheshwa Biblia DC

¹⁴ Qanta Ninivemanta rey, Señor kamacherqa imaynachus kanaykita: Manaña sutiykita apajkuna ayllusniyki kanqañachu, lantiykej yupaychana wasintapis phirisaj jinataj lantisniykita, fierro surusqamanta kajkunatapis, chay kikimpitaj pampaykusqayki, imaraykuchus tukuypa millachikunan kanki.

DIOSPA QHELQACHISQAN DEUTEROCANONICAL

¹⁴ Nínive llajta, Tata Dios kamachinña imaynachus kanaykita: Aylluykimanta mirajkuna manaña kanqachu sutiykita apanankupaj. Diosniykita yupaychana wasipi kaj tukuy lantiykita phirisaj, chay kikinpitaj p'ampaykusqayki, imaraykuchus millachikunamin kanki, nispa.

DIOSPA QHELQACHISQ

¹⁴ Nínive llajta, Tata Dios kamachinña imaynachus kanaykita: Aylluykimanta mirajkuna manaña kanqachu sutiykita apanankupaj. Diosniykita yupaychana wasipi kaj tukuy lantiykita phirisaj, chay kikinpitaj p'ampaykusqayki, imaraykuchus millachikunamin kanki, nispa.

Nahúm 1:14 ပူးပေါင်းရင်းမြစ်များ

2 Reyes 19:37

Chanta uj p'unchay payqa diosnin Nisrocpa wasinman yaykuspa chaypi qonqorikushajtin, wawasnin Adramelecwan, Sarezerwantaj, cuchillowan wañucherqanku. Chaymantataj Ararat jallp'aman ayqekorqanku. Paypa cuentampitaj wawan Esarhadon kamacherqa.

2 Crónicas 32:21

Chaypacha Señorqa kachamorqa uj angelta, paytaj wañuracherqa wapu soldadosninta, kamachejkunasninta, kurajkunasnintawan rey Asiriaj jarampi. Paytaj may p'enqasqa llajtanman kutiporqa. Diosnimpa yupaychana wasinman yaykojtintaj paypa wawasnillantaj chay kikimpi espadawan wañurparicherqanku.

Job 18:17

Paymanta yuyarikunaqa jallp'a patamanta chinkasqa kanqa. Manaña ujtawampis sutinmanta parlanqankuchu.

Salmos 109:13

Miraynimpis tukukapuchun, sutintaj wiñaypaj chinkachun.

Salmos 71:3

Qan kanki pakakunay chhanka, chayman sapa kuti pakakoj rinaypaj. Qampuni kamacherqanki salvakunayta. Qan kanki pakakunay wasi, chhankataj.

Éxodo 12:12

Chay ch'isi noqa Egiptoman jamusaj, wasimanta wasi purispataj tukuy egipciospa kuraj kaj qhari wawasninta, jinallataj tukuy uywasninkoj phiwi uñasnintapis wañurachisaj. Chaypimin noqa Señorqa, atiyniyta rikuchisaj Egiptopi kaj chhika lantispa contranta,

Proverbios 10:7

Allin runapajqa bendiciones yuyarisqa, sajra runamantataj usqhayllata qonqapunku.

Isaías 19:1

Uj willay jamun Egiptoj contrampi. Qhawariychej, Señorqa usqhayta rej phuyupi montasqa jamushan Egiptoman. Egiptopi kaj lantisqa payta rikuytawan kharkatitenqanku, egipciostaj maytapuni mancharikonqanku.

Isaías 33:13

Karupi kajkuna, uyariwaychej ruwasqasniyta; kayllapi kashajkunataj atiyniyta rikuychej.

Jeremías 50:2

Tukuy naciones ukhupi chayta willaramuychej yachanankupaj. Uj wiphaylata oqhariychej señalta jina, ama uj chhikanta pakarispa. Kay jinata niychej: Babiloniata jap'ikapunku. Bel nisqa diosninku p'enqaypi rikhurichisqa karqa. Marduc nisqa diosninku manchariywan junt'a kashan. Chay lantisninku, mana kaj dioskunasninku p'enqaypi rikhurichisqas karqanku, mancharikuywan junt'astaj.

Daniel (hebreo) 11:21

Paypa cuentanmantataj uj millay runa sayarenqa, paytaj mana reypaj jina qhawasqachu kanqa. Chaytaj sajra yuyayninta mana sut'inchaspalla ch'aukiyaywan rey kanampaj sat'ikonqa.

Daniel (hebreo) 5:27

TEKEL: Niyta munan, balanzapi aysasqa karqanki, may pisitaj kanki.

Levítico 26:30

Noqataj t'unarasaj lomas patapi lantista yupaychana wasisniykichejta, incienso altaresniykichejtapis. Qankunaj ayasniykichejta chay mana kausayniyoj lantisniykichej pataman churamusaj. Ajinamanta chejniyniyta rikuchisqaykichej.

Miqueas 5:13

Phirisaj chay lantisniykita, chay sumaj ruwasqa rumisniykitapis, amaña jayk'ajpis chaykunaman yupaychaj kutinaykipaj chay kikin makisniykej ruwasqan dioskunasniykiman.

Miqueas 5:14

T'irarasaj chay yupaychana sach'asniykita mana puchuyojtataj llajtasniykita t'unasaj.

Habacuc 2:10

Jinamanta wasiykej p'enqayninta junt'aykuspa, chay chhika nacionesta tukuchispaqa, qan kikiyta tukuchikuspa jinarqanki.

1 Samuel 3:13

Willaniña tukuy ayllunmanta kajkunata jasut'inayta wiñaypaj, pay yachanña imaschus kasqanta chay juchasninmanta. Wawasnenqa maldiciwanku, paytaj mana k'aminchu.