Nahúm 1:12 - Qheshwa Biblia DC

¹² Chayraykumin Señorqa nin aylluntaqa: Chay asiriosqa may wapuspis chayri may ashkhaspis kachunku jinapis tukuynin phirisqas kanqanku, chantá kausayninkumanta pasakaponqankutaj. Noqa mayta ñak'aricherqayki, jinapis manaña astawan ñak'arichisqaykichu.

DIOSPA QHELQACHISQAN DEUTEROCANONICAL

¹² Chayraykumin Tata Dios ayllunta nin: Asiriokuna may wapu, ashkhataj kanku chaypis, tukuyninku wañuchisqa kanqanku, chinkachisqataj. Ayllúy, noqa mayta ñak'aricherqayki. Kunantajrí manaña astawan ñak'arichisqaykichu.

DIOSPA QHELQACHISQ

¹² Chayraykumin Tata Dios ayllunta nin: Asiriokuna may wapu, ashkhataj kanku chaypis, tukuyninku wañuchisqa kanqanku, chinkachisqataj. Ayllúy, noqa mayta ñak'aricherqayki. Kunantajrí manaña astawan ñak'arichisqaykichu.

Nahúm 1:12 ပူးပေါင်းရင်းမြစ်များ

2 Reyes 19:35

Chay kikin ch'isipitaj Señorpa angelnin llojsispa, asiriospa soldadosninta pachaj pusaj chunka phishqayoj waranqata jarankupi wañuracherqa. Q'ayantin sut'iyayta jatarimunankupajtaj ayasllaña karqa.

2 Reyes 19:37

Chanta uj p'unchay payqa diosnin Nisrocpa wasinman yaykuspa chaypi qonqorikushajtin, wawasnin Adramelecwan, Sarezerwantaj, cuchillowan wañucherqanku. Chaymantataj Ararat jallp'aman ayqekorqanku. Paypa cuentampitaj wawan Esarhadon kamacherqa.

Éxodo 12:12

Chay ch'isi noqa Egiptoman jamusaj, wasimanta wasi purispataj tukuy egipciospa kuraj kaj qhari wawasninta, jinallataj tukuy uywasninkoj phiwi uñasnintapis wañurachisaj. Chaypimin noqa Señorqa, atiyniyta rikuchisaj Egiptopi kaj chhika lantispa contranta,

Isaías 10:16

Chayrayku Tukuy Atiyniyoj Señorqa, kallpayoj runasninman llauchhuyayta apachimonqa, qhapaj kayninkutataj ninawan jap'iykuchenqa llant'ata jina.

Isaías 17:14

Ch'isiyaykuyta paykunaqa may atiyniyoj manchachikuna jina kanku, sut'iyamuytataj manaña kankuñachu. Ajinamin patanchejpi purejkunaqa chayanku, jinallataj suwawanchej chaykunapis.

Isaías 30:19

Jerusalempi tiyakoj Sión llajta, manaña astawan waqankichu. Khuyakoj Señorqa waqasqaykita uyarispa khuyakusonqa, nisqaykita uyarispataj kutichisonqapacha.

Isaías 31:8

Chaypacha Asiriaqa maqanakupi tukuchisqa kanqa, manataj runaj espadanwanchu. Asiriosqa maqanakumanta ayqenqa, sumachaj maqanakoj wayna runasninkupis presochasqas kanqanku.

Isaías 37:36

Maypichus asirio soldados kashanku chayman rispataj, Señorpa angelnin pachaj pusaj chunka phishqayoj asirio soldadosta wañuracherqa. Q'ayantintaj tukuyninku wañusqaslla rikhurerqanku.

Isaías 51:22

Señor Diosniyki, ayllunta jark'akoj Diosniykeqa ajinata nin: Qhaway, umata muyuchej phiñakuyniywan kaj copayta makiykimanta qhechuykiña; kunanqa manaña jayk'ajpis chay phiñakuyniytaqa ujyankichu.

Isaías 7:20

Chaypacha Señorqa Eufrates mayu chimpasmanta Asiria reyman, mañarisqa cuchillowan jina, israelitasta ruthonqa tukuy chujchasninta, sunkhasninta, tukuy ukhunta ima.

Isaías 8:8

Chaytaj Judakama chayanqa, tukuynintataj p'ampaykonqa, kunkankama chayaspa. Emanuelníy, tukuynin jallp'aykita lijrawan qhataykonqa.

Daniel (hebreo) 11:10

Wichaypi kaj reypa wawasnintaj ch'ajwapaj wakichikonqanku, ashkha tropa soldadostataj tantaykuchenqanku. Paykunamanta ujnin kajtaj tropasninwan khuska ch'ajwata ruwaj yaykonqa uraypi kaj nacionman, uj phullchiraj mayu jina tukuyninta t'unaykuspa. Chaymanta ujtawan maqanakullanqataj, reypa sumaj jark'asqa wasinman chayanankama.

Nahúm 1:15

Qhawaychej, orqos patanejta jamushanña, sonqo tiyasqa kaymanta willayta pichus apamojqa. Fiestasniykita ruwarikuy Judá, junt'ay nisqasniykita. Manaña jayk'ajpis chay sajra runasqa junt'aykamusonqankuchu imaraykuchus tukuyninku chinkachisqasña kanku.

Apocalipsis 7:16

Manaña astawan yarqhachikonqankuchu, nitaj ch'akichikonqankuchu, nitaj intipis paykunaj patanman k'ajaykamonqachu, nitaj ni ima q'oñipis.