Miqueas 7:3 - Qheshwa Biblia DC

³ Juchata ruwanapajqa maestros kanku, chay kurajkunapis t'inkasta apamunankuta kamachinku, juezkunasri wajkunawan rantichikunku, atiyniyoj kajkunataj munasqankuman jina ruwaspa llajtata juchallichinku.

DIOSPA QHELQACHISQAN DEUTEROCANONICAL

³ Millayta ruwanapaj may yuyayniyoj kanku. Kurajkunaqa runakuna t'inkata apamunankuta mat'inku, justiciata ruwajkunataj lluk'ichikunku. Atiyniyoj kajkunataj munayninkuman jina ruwaspa, runakunata mana allinta ruwanaman apanku.

DIOSPA QHELQACHISQ

³ Millayta ruwanapaj may yuyayniyoj kanku. Kurajkunaqa runakuna t'inkata apamunankuta mat'inku, justiciata ruwajkunataj lluk'ichikunku. Atiyniyoj kajkunataj munayninkuman jina ruwaspa, runakunata mana allinta ruwanaman apanku.

Miqueas 7:3 ပူးပေါင်းရင်းမြစ်များ

Proverbios 16:30

Sajra imaspi yuyanampajqa ñawisninta ch'irmiykun; kirusninta khaniykurikun sajra imasta ruwasqanmanta.

Proverbios 17:23

Sajra runaqa pakaypi lluk'ichikun, cheqan ruwakunan kashajtin q'ewichinampaj.

Isaías 1:23

Kamachisojkunataj contraypi sayaykuwanku, suwaspa kausaqesnin kanku. Tukuy rantichikunku qolqewan, mask'ankutaj t'inkata qonankuta. Wajcha wawapaj mana cheqantachu ruwanku, viudaj willakusqantapis mana uyarillankupischu.

Isaías 26:21

Qhaway, Señorqa tiyakunanmanta llojsimonqa, jallp'a patapi tiyakojkuna paypa contranta juchallejkunata jasut'inampaj. Jallp'aqa manaña pakayta atenqachu yawar jich'asqata wañuchisqa kajkunatawan.

Isaías 3:5

Runasqa paykunapura qhollpinakonqanku, ujkuna ujkunawan purajmanta maqanakonqanku. Waynasqa machu runaspa contranta oqharikonqanku, wajcha runastaj qhapaj runaswan maqanakonqanku.

Isaías 32:7

Ch'auka runaqa mañasniyoj, llullakuspa ch'aukiyayta wakichin, llullakuykunawan wajcha runasta ch'aukiyanampaj, wajcha runa cheqan kajta mañajtin.

Isaías 5:23

Qankunaqa lluk'inas kajtin juchayojta mana juchayojman tukuchinkichej, mana juchayojtataj juchachankichej.

Jeremías 3:5

Phiñasqallapunichu kanki? Wiñaypajchu phiñakuyniyki qhepakonqa? Kayta nej jinari, atisqaykita sajra kajta ruwaj kanki.

Jeremías 4:22

Israel aylloyqa ancha wampu, mana rejsiwanchu, nin Señorqa. Mana yuyayniyoj wawas kanku, mana allintachu unanchakunku. Juchata ruwanankupajqa churasqas kanku, manataj allin kajta ruwayta yachankuchu.

Jeremías 8:10

Chayraykutaj warmisninkuta waj qharisman jaywaykusaj, jallp'asninkutapis wajkunaman. Jatun juch'uy qhasi mana kaj, qolqeta jap'iyllataña yuyanku. Sacerdotes, jinataj profetaspis tukuyninku ch'aukiyanku.

Ezequiel 22:12

Wakin qampi tiyakojkunamanta qolqeta lluk'ichikunku waj runasta wañuchinampaj. Qolqeta mañarinku mirayniyojta orqhonankupaj. Runa masisninkuta ch'aukiyanku, ñak'arichinkutaj. Noqamantataj qonqakaporqanku. Noqa Señormin kaytaqa nini.

Ezequiel 22:27

Kay llajtapi kurajkunaqa atojkuna jina jap'isqankuta t'unanku, yawarta jich'anku, runasta wañuchinku kapuyninkuta suwaspa qhapajyanankupaj.

Ezequiel 22:6

Israelpi kuraj runas, sapa ujninku atisqankuta runasta wañuchinapaj kallpachakunku.

Ezequiel 34:21

Qankunaqa tulluyasqa ovejasta tanqaspa karunchacherqankichej. Wajraspataj tullu ovejasta jawaman ayqecherqankichej.

Ezequiel 9:9

Señortaj kutichiwarqa: Israel aylloj juchanqa may jatumpuni, jinallataj Judajtapis. Kay jallp'aqa wañunachikuywan junt'a kashan. Llajtapis sajra ruwaykunawan junt'asqa kashan. Paykuna yuyanku noqa kay nacionta saqepusqayta, imatachus ruwasqankuta mana rikusqayta.

Oseas 7:3

Runasneyqa millay ruwasqasninwan llullerasninwantaj reykunasninta kurajkunasnintapis kusichishan.

Amós 5:12

Noqa rejsini millay sajra kasqankuta, juchasninkoqa mana tukukoj, llakichinku cheqan runasta, lluk'irastataj jap'inku; cheqanchana wasispitaj wajchastaqa imapipis atipankupuni.

Miqueas 2:8

Qankunaqa aylluypa contranta oqhariykukunkichej. Allin p'achanku kajkunata lluch'urankichej guerramanta kutimpojkunamanta piskunachus yuyarqanku ñak'ariykunas tukukusqantaña chaykunamanta.

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Miqueas 3:2

Chaywampis qankunaqa, allin kajta chejninkichej munakunkichejtaj sajra kajta, qankuna aylluytaqa qaranta ch'uskinkichej q'ara tullusllatataj saqenkichej.

San Mateo 26:15

Nerqataj: Jesusta jap'ichiykichejman chayqa, imatataj qowankichej? Paykunataj, kinsa chunka qolqeta qosqayku, nerqanku.

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.