Miqueas 5:7 - Qheshwa Biblia DC

⁷ Chaypacha, Jacobpa ayllunmanta puchojkuna ashkha llajtaspa chaupimpi kanqanku; Señorpaj apachimusqan chhulla jina, para imaynatachus qhoras pataman urmamun mana runaj munasqanraykullachu ajinata.

DIOSPA QHELQACHISQAN DEUTEROCANONICAL

⁷ 7 (6) Chaypacha Jacobpa ayllunmanta puchojkuna waj suyukunaj chawpinkupi kanqanku, Tata Diospa apachimusqan chhulla jina, chayrí imaynatachus qhora pataman paran, ajina. Parawan, chhullawan chayamun mana runaj munasqanman jinachu.

DIOSPA QHELQACHISQ

⁷ 7 (6) Chaypacha Jacobpa ayllunmanta puchojkuna waj suyukunaj chawpinkupi kanqanku, Tata Diospa apachimusqan chhulla jina, chayrí imaynatachus qhora pataman paran, ajina. Parawan, chhullawan chayamun mana runaj munasqanman jinachu.

Miqueas 5:7 ပူးပေါင်းရင်းမြစ်များ

2 Samuel 17:12

Jinamanta tataykitaqa maqaj wakiykusunchej maypichá tarikonqa chaypi. Paymantaj urmaykusunchej imaynatachus pampaman chhulla urmaykun jinata, soldadosninta payta ima mana ujniyojta wañuchisunchej.

Salmos 110:3

Atipasqayki llajtapi, aylluyki qanman jaywaykusonqa, santo orqos patapi. Sut'iyay chhulla jina, wayna kayniyki mosojchakun sapa p'unchay.

Salmos 133:3

Hermón orqopi chhulla jina, Sión orqoskamataj chayan.

Salmos 72:6

Reyqa qhorasta qarpaj jina kachun, chhulla jina jallp'ata qarpajtaj.

Proverbios 19:12

Reypa phiñakuynenqa leompa qhaparisqan jina, khuyakuyninrí qhora patapi chhulla jina.

Isaías 32:15

Chanta Señorpa atiynin ujtawan noqaykuman jamonqa. Ch'aki ch'in pampaqa sumaj chajra poqonaman tukonqa. Sumajta chajra poqona jallp'astaj monteman tukonqa.

Isaías 44:3

Noqaqa ch'aki pampaspi yakuta phullchichisaj. Ch'aki jallp'aspipis yakuta puririchisaj. Mirayniykiman Espirituyta apachimusaj. Allin imastataj apachimusaj.

Isaías 55:10

Imaynatachus parawan rit'iwan patamanta uraykamuspa, manaña pataman kutirinchu, mana chayqa jallp'ata joq'ochan, chayman tarpusqatataj poqochin, mikhunapaj.

Isaías 66:19

Paykunaj chaupinkuman uj señalta churasaj. Paykunamanta ujnin ayqekoj kajtataj kay nacionesman kachasaj: Tarsisman, Libiaman, flechayta yachaj Lidiaman, chantaqa, Tubalman, Greciaman, mar qocha cantospi karupi tiyakojkunaman. Paykuna noqamanta mana yachankuchu, manataj k'anchayniytapis imaynachus kasqanta rikunkuchu. Chaykunaman ima kachasaj. Imaynachus atiyniy kasqanta paykuna tukuy nacionesman willanqanku.

Jeremías 14:22

Chay juchasapaspa lantisnenqa mayqellampis parachimunmanchu? Cielomanta paraqa payllamantachu paramun? Mana, Señor Diosniyku! Qanllamin kanki parata apachimojqa, qanllamin kay tukuy imastaqa ruwanki; chayrayku qanllapi suyayniykoqa kashan.

Ezequiel 14:22

Chaymanta pisilla kausashaj qhepakonqanku, qhari wawasninkuwan, warmi wawasninkuwan llojsiyta atenqankutaj. Qankunajman paykuna jamusojtinkutaj qankuna rikunkichej, imaynatachus kasqankuta, imastatajchus ruwasqankuta. Chantá kusikunkichej Jerusalenman jasut'ita apachimusqaymanta.

Ezequiel 47:1

Runaqa Diosta yupaychana wasiman punku yaykunaman kutiykuchiwarqa. Chaypi rikorqani punku uramanta yakus llojsishajta. Inti llojsiynejmantaj yakoqa risharqa, Diosta yupaychana wasej paña ladonnejta, altarpa uray ladontataj.

Ezequiel 5:5

Noqa Señormin kaytaqa nini: Jerusalén llajtaqa chaypi kashan. Noqa kay llajtataqa ashkha nacionespa chaupimpi churarqani, ashkha llajtas chaupipitaj.

Daniel (hebreo) 11:32

Reyqa misk'i palabrasllawan, Diospa trato ruwasqanta p'akejkunata, payta qhatejkunaman tukucherqa. Diosta munakojkunataj cheqampi sayanqanku, maychus kajtataj ruwaspa.

Oseas 14:5

Israelpaj noqa kasaj uj chhulla jina, paytaj liriokuna jina t'ikarenqa. Saphisnenqa Líbanoj orqompa saphisnin jina sinch'is kanqanku;

Oseas 6:3

Atisqanchejta kallpachakunachej Señorta rejsinanchejpaj! Señor jamonqapuni noqanchejman, imaynatachus inteqa cheqamanta llojsimunampuni kashan ajinata, chayri imaynatachus paraqa jallp'ata qarpanampuni kashan tiempompeqa, ajinata.

Joel 2:32

Señorpa sutinta qhaparikojkunaqa, tukuyninku wañuymanta salvakonqanku, imaraykuchus, Sión orqopi, Jerusalempi, salvación tarikonqa, Señorpa parlasqanman jina. Pikunatachá Pay ajllarqa, chaykuna kausanqanku.

Amós 5:15

Sajra kajta chejniychej, allin kajtataj munakuychej. Cheqan ruwayta sayachiychej juzgana cheqapi; ichapis jinamanta Tukuy Atiyniyoj Señor Dios khuyasonqachej Israelmanta puchoj runasta.

Miqueas 2:12

Jacobpa ayllunmanta kajkunata tukuyninta tantasaj; Israelmanta uj chhika puchojta oqharikapusaj. Tantaykusaj, ovejasta tropanman tantaykunchej ajinata, pastos chaupipi michisqa ovejas jina kanqanku, may chhika tunas jinataj ch'ajwarenqanku.

Miqueas 4:13

Sión llajta, jatarikuy trillaytaj, Señor nin: Noqa qosqayki toroj kallpata jina fierro wajrasniyojta bronce talonesniyojta jina, ashkha llajtasta phirita ruwanaykipaj jina. Qan qhechunki millay qhapaj kayninkuta, noqapajtaj t'aqapuwanki, noqa tukuy jallp'aj Señornimpaj.

Miqueas 5:3

Señorqa kunan saqerenqa Paypata kajkunata, chay warmi pichus uj qhari wawata nacechikunan kashan chay nacekunankama. Chaypacha tantarikonqanku chay llajtankumanta wijch'usqas kashanku llajta masisnin israelitaswan.

Miqueas 5:8

Chaypacha, Jacobpa ayllunmanta puchojkunaqa ashkha llajtaspa chaupimpi kanqa; imaynatachus uj león monte uywas chaupipi karin ajinata, chantá imaynatachus uj león ovejas chaupipi rikhurispa pasaj jina t'isaspa wañurachintaj ujtapis kausashajta saqespa ajinata.

Miqueas 7:18

Mana waj qan jina Diosqa kanchu, imaraykuchus qanqa juchasninkumanta perdonanki, qonqapunkitaj kay uj chhika puchoj aylluykej juchasninmanta. Qanqa munakuyniykita rikuchiwayku, manataj wiñaypajchu phiñakunki.

Sofonías 3:13

Israel ayllumanta kausaypi qhepakojkuna imachus mana cheqa kajtaqa mana ruwanqankuchu, nitaj llullata parlanqankuchu, nitaj ch'aukiyaspa parlanqankuchu. Sumajta mikhurikonqanku, nitaj pimanta mancharikuspa samarikonqanku.

Zacarías 14:8

Chaypacha Jerusalenmanta ch'uwa jutoj yaku correrenqa, q'oñi tiempopipis chiri tiempopipis mana ch'akenqachu. Khuskannenqa wañusqa qocha nisqaman renqa, khuskannintaj Mediterráneo nisqaman renqa.

Zacarías 9:13

Ña maqanakupaj uj k'uruta ruwaniña chaytaj Judapaj kanqa. K'urumantaj uj flechata churaniña chaytaj Efraimpaj kanqa. Qanmantataj Sión espadata ruwasaj. Wawasniykita oqharichisaj Greciaj wawasnimpa contrampi.

San Mateo 28:19

Chayrayku riychej, tukuy laya runasta yachachisqasniyman tukuchimuychej, bautizaspa Dios Tataj sutimpi, Churej sutimpi, Santo Espíritoj sutimpiwan, yachachispataj qankunaman kamacherqaykichej chayta, paykunapis waqaychanankupaj. Chantá yachaychej, noqa qankunawan tuta p'unchay kasqayta, kay pacha tukukunankama. Amén.

Hechos 11:15

Parlayta qallarejtiy, Santo Espíritu paykunaman uraykamorqa, imaynatachus qallariypi noqanchejman uraykamorqa, ajinallatataj.

Hechos 13:46

Pablowan Bernabewan mana manchachikuspa, paykunaman nerqanku: Diospa palabranta qankunamanraj willanayku karqa. Qankunataj qhesachankichej, nitaj wiñay kausaytapis jap'iyta munankichejchu. Chayrayku kunanqa waj llajtayoj runasman ripusqayku.

Hechos 16:9

Chay tutataj Pabloqa mosqoypi jina rikorqa uj macedonio runata. Paypa ñaupaqempi sayaykuspa mañakorqa: Jamuriy ari Macedoniaman yanaparinawaykupaj, nispa.

Hechos 9:15

Señortaj nerqa: Riy payman. Noqa ajllani payta kamachiy kanampaj, noqamantataj willanampaj waj llajtayoj runasman, reykunaman, ajinallatataj israelitasmampis.

Romanos 10:20

Isaías sut'ita nillantaj: Mana mask'awajkuna tariwanku; rikuchikorqanitaj noqamanta mana tapukojkunaman.

Romanos 11:12

Juchachakusqankuchus kay pachaj allinnimpaj, urmasqankupis gentilespa allinnimpaj kanman chayqa, may jina allinrajchus kanqa tukuy judíos Diosman kutirisqankoqa.

Romanos 9:30

Chantá ima nisuntajri? Gentilesqa cheqan kajta mana mask'aspalla tarerqanku. Chayqa niyta munan cheqan kajqa fenejta tarikun.

1 Corintios 3:6

Noqa plantarqani, Apolostaj qarparqa, Diostaj wiñacherqa.

Deuteronomio 32:2

Yachachisqayqa para jina jich'akamonqa, yuyasqayqa chhulla jina kanqa, qhora patapi chhillchi jina, ch'iki patapi yaku sut'ushaj jina.

Jueces 6:36

Gedeonqa Diosman nerqa: Sichus cheqamanta qan wajyawanki israelitasta salvamunaypaj, imaynatachus niwasqaykiman jina chayqa, churasaj uj ovejaj millmanta maypichus trigota oqharina chayman. Sichus tutamanta millma chhullawan joq'ochasqa kanman, tukuy pampataj ch'aki kanman chayqa, chaypi yachasaj cheqamanta qan ajllawasqaykita niwasqaykiman jina israelitasta salvanaypaj.