Miqueas 5:6 - Qheshwa Biblia DC

⁶ Paykuna Asiriata kamachenqanku, Nimrodpa jallp'antapis t'ojsinasninkoj puntampi apaykachanqanku, jallp'asninchejta yaykumorqanku jallp'anchejmantaj. Junt'aykamorqanku chay asiriosmantataj librawasunchej.

DIOSPA QHELQACHISQAN DEUTEROCANONICAL

⁶ 6 (5) Paykunataj Nimrodpa suyun Asiriata espadawan kamachenqanku. Chay kamachejkunaqa, pikunachus suyunchejpa mojonninta pasaykamuspa jallp'anchejman junt'aykamorqanku, chaykunamanta kacharichiwasunchej.

DIOSPA QHELQACHISQ

⁶ 6 (5) Paykunataj Nimrodpa suyun Asiriata espadawan kamachenqanku. Chay kamachejkunaqa, pikunachus suyunchejpa mojonninta pasaykamuspa jallp'anchejman junt'aykamorqanku, chaykunamanta kacharichiwasunchej.

Miqueas 5:6 ပူးပေါင်းရင်းမြစ်များ

Isaías 14:25

Jallp'aypi asiriostaqa chinkachisaj, orqo puntasniypitaj saruykusaj. Aylluyman yugonta churasqanmantataj librasaj, chay jinata ñak'arichiyninkutawan.

Sofonías 2:13

Payqa makinta oqharenqa chimpa ladoj contranta, Asiria llajtata t'unaykunampaj. Nínive llajtatarí ch'impachata saqerparenqa, uj ch'in pampaman tukuchispa.

Nahúm 2:11

Leompa jusk'umpi, imañataj qhepakunri? León uñaspa thapampipis imañataj qhepakunri? Chaypimin leonqa uñasnintin sumaj waqaychasqa qhepakoj, manataj pipis mancharichej jamojchu.

Isaías 33:1

Ay, qanqa qhechoj runa, qanmantataj mana jayk'ajpis qhechusunkuchu; qan, suwaj runa, qanmantataj manaraj suwasunkurajchu. Qan qhechuyta tukojtiyki, qanmantapis qhechullasonqankutaj. Ajinata suwayta tukojtiykikama qanmantapis suwallasonqankutaj.

Isaías 14:2

Ashkha naciones israelitastaqa yanapanqanku, jallp'ankumantaj pusaponqanku. Chay runastataj israelitasqa Señorpa jallp'ampi kamachisninkupaj jap'enqanku. Chanta israelitasñataj pikunachus ñak'aricherqanku, chaykunata presochanqanku, munayninkupitaj apaykachanqanku, paykunata llakichej kanku chaykunata.

2 Crónicas 33:11

Chayraykumá Señorqa Asiriaj reynin soldadosnimpa kamachejkunasninta kachamorqa paykunaj contrankupi, chaykunataj presocharqanku Manasesta, fierro ganchoswan, broncemanta ruwasqa cadenaswan wataykuspa Babiloniaman apacherqanku.

2 Reyes 15:29

Israelmanta rey Pekaj p'unchaykunasnimpitaj asiriospa reynin Tiglat-pileser jamuspataj Israelmanta wakin llajtasta jap'ikaporqa: Ijonta, Abel-bet-amaacata, Janoata, Cedestsa, Hazorta, Galaadta, Galileata tukuynin Neftalitawan. Chaymantataj Asiriaman presosta aparqa.

San Lucas 24:27

Chaypitaj sut'inchayta qallarerqa, paymanta chay tukuy imata Diospa palabran nisqanta; Moisesmantapacha qallarispa, tukuy profetaspa escribisqankumantawan.

Isaías 37:36

Maypichus asirio soldados kashanku chayman rispataj, Señorpa angelnin pachaj pusaj chunka phishqayoj asirio soldadosta wañuracherqa. Q'ayantintaj tukuyninku wañusqaslla rikhurerqanku.

Isaías 37:37

Chaymanta Asiria rey Senaqueribqa tukuy imasninta oqharikuspa Ninivepi tiyakoj riporqa.

Deuteronomio 32:2

Yachachisqayqa para jina jich'akamonqa, yuyasqayqa chhulla jina kanqa, qhora patapi chhillchi jina, ch'iki patapi yaku sut'ushaj jina.

1 Crónicas 1:10

Cusqa Nimrobpa tatan karqa. Payqa kay pachapi tukuymanta aswan atiyniyoj karqa.

Job 29:22

Noqa parlasqaymantaqa, mana pipis astawan parlajchu, palabrasneyqa paykunaman yaku jina sut'umoj.

Salmos 72:6

Reyqa qhorasta qarpaj jina kachun, chhulla jina jallp'ata qarpajtaj.

Salmos 110:3

Atipasqayki llajtapi, aylluyki qanman jaywaykusonqa, santo orqos patapi. Sut'iyay chhulla jina, wayna kayniyki mosojchakun sapa p'unchay.

Isaías 6:13

Sichus chunkamanta ujllapis qhepakunman, chaypis chinkachisqallapuni kanqa. Imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa chay ajllasqay aylloqa.

Jeremías 14:22

Chay juchasapaspa lantisnenqa mayqellampis parachimunmanchu? Cielomanta paraqa payllamantachu paramun? Mana, Señor Diosniyku! Qanllamin kanki parata apachimojqa, qanllamin kay tukuy imastaqa ruwanki; chayrayku qanllapi suyayniykoqa kashan.

Sofonías 3:12

Noqa saqesaj qankuna ukhupi llamp'u sonqoyoj runasta, pisi kapuyniyoj runastapis. Paykunataj sutiypi confianzankuta churanqanku.