Miqueas 4:4 - Qheshwa Biblia DC

⁴ Jinaqa tukuy kausanqanku ni ima manchayniyoj; sapa ujtaj samarikuyta atenqa uvasninku llanthupi, jinataj higueronkoj llanthoj urampi. Kaykuna, Tukuy Atiyniyoj Señorpa kikin palabrasnin kanku.

DIOSPA QHELQACHISQAN DEUTEROCANONICAL

⁴ Manachayqa, tukuyninku ni imata manchachikuspa kawsakonqanku. Sapa runa uva sach'anpa llanthunpi samarikuyta atenqa, jinataj higo sach'anpa llanthunpi tiyarikonqa. Ajinata Tukuy Atiyniyoj Tata Dios nin.

DIOSPA QHELQACHISQ

⁴ Manachayqa, tukuyninku ni imata manchachikuspa kawsakonqanku. Sapa runa uva sach'anpa llanthunpi samarikuyta atenqa, jinataj higo sach'anpa llanthunpi tiyarikonqa. Ajinata Tukuy Atiyniyoj Tata Dios nin.

Miqueas 4:4 ပူးပေါင်းရင်းမြစ်များ

1 Reyes 4:25

Judamanta Israelmantawan runasqa may allimpi tiyakorqanku Salomón kausanankama, sapa ujninku uvas sach'anku urapi, higos sach'anku urapipis, Danmantapacha Beerseba chaynejkama.

1 Reyes 5:5

Kunanqa noqaqa ruwasaj niniña uj wasita Señor Diosniypaj, tatay Davidman Señor nisqanman jina: Qampa wawayki, pitachus cuentaykimanta tronoman churasaj, paymin ruwapuwanqa noqaj sutiypi uj wasita.

Job 11:19

Ni imapis puñushajtiyki mancharichisoj kanqachu, ashkhas jamusonqanku yanapayniykita mask'aspa.

Salmos 72:3

Orqosqa llajtaman sonqo tiyasqa kayta apanqa, chhanka puntastaj cheqan kayta.

Proverbios 3:25

Ama manchachikunkichu imachus mana yuyasqamanta ujllata mancharichejmanta, ama manchachikunkichu sajra runaspa ñak'ariyninmanta.

Isaías 1:20

Manapuni kasukuyta munankichejchu chayqa, espadawan wañuchisqas kankichej. Kikin Señormin chaytaqa nin.

Isaías 17:2

Aroer llajtasqa wiñaypaj saqerpayasqas kanqanku; chayqa uywa corralllaña kanqa. Chaypi uywasqa puñonqanku, nitaj pipis mancharichej kanqachu.

Isaías 22:25

Chaypacha, chay sinch'i perqapi takarpoqa sik'ikaponqa, urmachisqataj kanqa. Chaypi warkhusqa kajkunataj tukuyninku ñut'ukonqanku. Ajinata Señorqa nin.

Isaías 26:16

Chay jina llakiypi tarikuspa qanta mask'asorqayku, Señor; ajinata jasut'iwajtiyki astawan mañakorqayku.

Isaías 32:17

Chay cheqan ruwajpa poqoynenqa sonqo tiyakuy, chay cheqan kajqa apamun wiñaypaj samarikuyta.

Isaías 36:16

Qankunaqa ama Ezequiasta kasuychejchu. Chayrayku, qankunaman nimusunkichej Asiriamanta rey: Noqawan tratota ruwaychej, noqawan ujchakuychej. Chaywanqa sapa ujniykichej kikin uva sach'asniykichejmanta, jinallataj higostapis sach'asniykichejmanta mikhunkichej, yakutapis sapa uj pujyuykichejmanta ujyankichej.

Isaías 40:5

Chaypi Señorpa atiynin rikuchisqa kanqa. Tukuy runataj rikonqanku, imaraykuchus kaytaqa kikin Señormin nin.

Isaías 54:14

Cheqan kajwan sumaj sayachisqa kanki; ñak'ariymanta karunchakunki, manañataj manchachikunkichu, imaraykuchus manchachikoyqa manaña qanman qayllamusonqachu.

Jeremías 23:4

Michejkunatataj qhawapunawankupaj churasaj, mana imatapis manchachikunankupaj, nitaj imamanta pisichikunankupaj. Noqa Señor chayta nini.

Jeremías 30:10

Noqa Señor nillanitaj: Jacobpa ayllun kamachiy, ama mancharikuychu. Qan, Israel, ama mancharikuychu. Qanta, wawasniykitapis noqa kacharichimusaj, chay karu llajtasmanta, maypichus wijch'usqas kashankichej chaymanta. Watejmanta sonqo tiyasqa kaypi tiyakunki, ch'inllapi mana pejpa mancharichinan.

Ezequiel 34:25

Sonqo tiyaykuchej tratota paykunawan ruwasaj, jallp'amantaqa tukuy millay khurusta wijch'usaj, ovejasniy mana ima llakiyniyoj ch'in pampaspi tiyakunankupaj. Orqospitaj mana ima llakiyniyoj puñukonqanku.

Ezequiel 34:28

Waj llajtayojkunaqa manaña ujtawan paykunata presochanqankuchu, nillataj campospi kaj millay khuruspis paykunata mikhonqankuchu. Astawanqa mana ima llakiyniyoj, nitaj piwan mancharichisqas tiyakonqanku.

Ezequiel 38:11

Chayrayku ninki: Chay mana kutichikuy atej llajtaj contrampi wicharisaj. Mana imata yuyarispa tukuy sonqo tiyakushanku chay runaspa contranta risaj. Tukuyninku paykunaqa mana perqawan muyuykuchisqapichu tiyakunku, mana punkusniyoj kanku, nitaj soldadosninkupis kanchu.

Ezequiel 39:26

Paykunataj p'enqayta purisqankumanta qonqaponqanku, noqaj contrayta mana kasuwaspa sajra imasta ruwasqankuta qonqaponqanku, jallp'ankupi mana ima llakiyniyoj, manataj pi mancharichejniyoj tiyakonqanku.

Levítico 26:6

Qankunaman qosqaykichej allin kakuyta chay jallp'api, manataj pata patallatachu puñunkichej; noqa chay jallp'ata jark'asaj sajra monte animalesmanta, jinallataj ch'ajwasmanta.

Miqueas 5:3

Señorqa kunan saqerenqa Paypata kajkunata, chay warmi pichus uj qhari wawata nacechikunan kashan chay nacekunankama. Chaypacha tantarikonqanku chay llajtankumanta wijch'usqas kashanku llajta masisnin israelitaswan.

Sofonías 3:13

Israel ayllumanta kausaypi qhepakojkuna imachus mana cheqa kajtaqa mana ruwanqankuchu, nitaj llullata parlanqankuchu, nitaj ch'aukiyaspa parlanqankuchu. Sumajta mikhurikonqanku, nitaj pimanta mancharikuspa samarikonqanku.

Zacarías 3:10

Chay p'unchay chayamojtenqa ujkuna ujkunata wajyarinakuyta atinkichej, uvaspa llanthumpi jinataj higos sach'aspa llanthumpi samarikunkichej. Noqa Tukuy Atiyniyoj Señorniykichej chayta niykichej.