Miqueas 3:7 - Qheshwa Biblia DC

⁷ Chay qhawajkunapis adivinospis q'ala p'enqaypi rikhurenqanku. Tukuy paykuna t'ukushaj qhepakonqanku, Dioswan mana uyarichikusqankurayku.

DIOSPA QHELQACHISQAN DEUTEROCANONICAL

⁷ Mosqoypi jina rikojkuna, yachajkunapis ima manchay p'enqaypi rikhurenqanku, imaraykuchus Dios mana imatapis mañakusqankuman kutichenqachu.

DIOSPA QHELQACHISQ

⁷ Mosqoypi jina rikojkuna, yachajkunapis ima manchay p'enqaypi rikhurenqanku, imaraykuchus Dios mana imatapis mañakusqankuman kutichenqachu.

Miqueas 3:7 ပူးပေါင်းရင်းမြစ်များ

Salmos 74:9

Manaña señalesta rikuykuchu, profetaspis manaña kankuchu. Manaña yachaykuchu mashkha unaytawanchus, kay jinallapuni kananta.

Éxodo 9:11

Layqa runaspis kayta mana imaynamanta ruwayta aterqankuchu Moisespa ñaupaqempi, imaraykuchus paykunajtapis tukuy ukhunkupi llejti onqoy karqa, jinallataj tukuy egipcio runaspipis.

Isaías 44:25

Llullakojkunaj señalesninkuta pantachini, layqastapis t'ojpichini, yachayninkutapis mana kajman tukuchini.

Jeremías 18:18

Runasqa nerqanku: Jeremiaspa contrampi wakichikuna, mana jayk'ajpis sacerdotes yachachinawanchejpaj pisiwasunchu, nitaj yachayniyojkunapis umachanawanchejpaj, nitaj profetaspis Diospa palabranta willanawanchejpaj. Wañuchinankupaj ch'ataykunachej. Ama kasunachejchu ni ima niwasqanchejta, nispa.

Ezequiel 24:17

Ch'inllamanta phutikuy, amataj llakiy p'achata churakuychu wañusqayoj runa jinataqa. Umaykita mayt'ukuy, ujut'asniykitataj churaykukuy. Umaykitapis ama p'antawan llakiyniyoj jinataqa qhatakuychu, amataj llakiypi kashaspa mikhuna imasta mikhuychu.

Ezequiel 24:22

Qankunapis imaynatachus noqa ruwani, chay kikillantataj ruwankichej: Uyaykichejtaqa ama qhataykukunkichejchu llakisqa runa jinaqa, nitaj mikhunkichejchu llakikuy p'unchaykunapi mikhuna kajta.

Levítico 13:45

Pichus ajina llijti lepra onqoyniyojqa llik'isqa p'achasta churakuchun, ch'aska umallataj purichun, siminta qhataykukuspataj qhaparichun: Leprayoj kani! Leprayoj kani!, nispa.

Amós 8:11

Señorqa nin, jamushanku p'unchaykuna, chay p'unchaykunapi jallp'a pataman yarqhayta apachimusaj; mana t'antamanta yarqhaytachu, nitaj yakumanta ch'akiytachu, manachayqa Diospa palabranta uyarinamanta yarqhayta.

Miqueas 3:4

Uj p'unchaypi qankuna Señorta wajyakunkichej. Chaywampis Paytaj mana kutichisonqachejchu. Jaqay tiempopeqa qankunamanta Pay pakakonqa chay millay juchasta ruwasqaykichejrayku.

Miqueas 7:16

Waj nacionmanta kajkunapis rikullachunkutaj atiyniyoj kashaspapis p'enqaypi rikhurinankupaj! Opas, jinataj joq'aras qhepakuchunku!

Zacarías 13:4

Jaqay tiempopeqa, profetas kajkunapis rikusqankuta sut'inchayta p'enqakonqanku. Ni pipis chay profetaspa chay qarasmanta ruwasqa qhatanata churakonqanku pitapis ch'aukiyanampajqa. Chayrayku sapa ujpis nenqanku: Noqaqa mana profetachu kani, manachayqa llank'aj runalla. Wawamantapacha campopi llank'aj kani, nispa.

1 Samuel 14:37

Chaypacha Saulqa Diosta tapurerqa: Filisteostaqa qhatiykuymanchu? Israelitaspa makinman paykunata jaywawajchu?, nispa. Chay diapeqa mana Señorqa kuticherqachu.

1 Samuel 28:15

Chaypitaj nerqa Samuelqa: Imapajtaj qhasita jamuchiwankiri?, nispa. Saultaj kuticherqa: Sinch'i llakisqa kashani, filisteos junt'aykamushawanku, noqatarí Dios qonqarpariwan. Manaña kutichiwanchu, ni profetasnejta, nitaj mosqoynejtapis. Chayrayku wajyacherqayki imatachus ruwanayta ninawaykipaj.

1 Samuel 28:6

Chaypacha Señorta taporqa. Señortaj mana kuticherqachu, ni mosqoypi, nitaj Urimnejtapis, profetasnejtapis.

1 Samuel 9:9

[Unay watasqa mayqen israelitasllapis Diosta tapurikuyta munaj chayqa nej kay jinata: Jaku rina rikoj runaman, nispa. Chaymantataj kunan profetas nisqas kanku, ñaupajtarí rikoj runas, nisqas karqanku.]