Miqueas 3:2 - Qheshwa Biblia DC

² Chaywampis qankunaqa, allin kajta chejninkichej munakunkichejtaj sajra kajta, qankuna aylluytaqa qaranta ch'uskinkichej q'ara tullusllatataj saqenkichej.

DIOSPA QHELQACHISQAN DEUTEROCANONICAL

² Chaywanpis qankunaqa allin kajta chejninkichej, mana allin kajtataj munakunkichej. Qankuna runaj qaranta ch'uskinkichej, q'ara tullullatataj saqenkichej.

DIOSPA QHELQACHISQ

² Chaywanpis qankunaqa allin kajta chejninkichej, mana allin kajtataj munakunkichej. Qankuna runaj qaranta ch'uskinkichej, q'ara tullullatataj saqenkichej.

Miqueas 3:2 ပူးပေါင်းရင်းမြစ်များ

1 Reyes 21:20

Eliasmantaj Acabqa nerqa: Qan, enemigoychu tariwanki? Eliastaj kuticherqa: Arí noqa tariyki, imaraykuchus qan kikillaykitaj sajrata ruwaspa enqhaykukunki Señorpa ñaupaqempi.

2 Crónicas 19:2

Hananej wawan Profeta Jehutaj payta taripaj llojserqa, nerqataj: Imaraykutaj yanapanki chay sajra runata, munakunkitaj Señorpa chay enemigontarí? Chayraykumanri Señorqa qanwan phiñakun.

Salmos 15:4

Pichus sajrata ruwaj runata chejnin, pichus Señorta manchachikoj runatataj jatunchan. Mana allin rejtimpis imatachus nisqanta junt'an.

Salmos 53:4

Sajra runasqa mana yuyayniyojchu kanku. Paykunaqa aylluyta t'antata jina mikhukapunku. Señorpa sutintaqa mana oqharillankupischu.

Proverbios 28:4

Leymanta t'aqakojkunaqa, sajra runata alabanku; leyta junt'ajkunarí, chay runaj contrampi kashanku.

Isaías 3:15

Ima nispataj qankunaqa aylluyta munasqaykichejta ruwankichejrí, ima nispataj wajchastapis uyankupi sarunkichejri?, nispa nin Tukuy Atiyniyoj Señorqa.

Isaías 5:20

Ay, qankunamanta, mana allin kajta allin ninkichej, allin kajtataj mana allinchu ninkichej; k'anchaytaqa laqhaman tukuchinkichej, laqhatataj k'anchayman; Jaya kajta, misk'i ninkichej, misk'i kajtataj jaya ninkichej.

Isaías 57:12

Kunanqa noqa sut'inchasaj cheqanta ruwasqasniykita, wakin ruwasqasniyki mana allinchu kajkunatawan.

Ezequiel 11:7

Chayrayku noqa Señorqa cheqatapuni niykichej: Jerusalenqa uj manka jina kanqa, aychataj mana qankunachu kankichej, manachayqa qankuna wañurachinkichej chay ayas aychasqa kanqanku. Aswampis qankunataqa chaymanta jawaman wijch'usqaykichej.

Ezequiel 22:27

Kay llajtapi kurajkunaqa atojkuna jina jap'isqankuta t'unanku, yawarta jich'anku, runasta wañuchinku kapuyninkuta suwaspa qhapajyanankupaj.

Ezequiel 24:4

T'unasqa sumachaj mat'a aychata tantaykuspa chay mankaman churaykuy: Piernamanta, wasamantawan, chantapis sumachaj ajllasqa tullustawan.

Ezequiel 34:3

Qankunaqa lecheta ujyankichej, millmamantataj p'achasta ruwakunkichej. Sumaj wira ovejastataj ñak'aspa mikhunkichej, oveja tropatataj mana qhawankichejchu.

Amós 4:1

Uyarichej kay palabrasta, sumaj mentasqa warmis, Samaria orqospi tiyakojkuna. Qankuna ñak'arichinkichej wajchasta, pisichikojkunata maqankichej. Qosasniykichejtataj kamachinkichej: Apamuychej vinota, ujyanachejtaj, nispa.

Amós 5:15

Sajra kajta chejniychej, allin kajtataj munakuychej. Cheqan ruwayta sayachiychej juzgana cheqapi; ichapis jinamanta Tukuy Atiyniyoj Señor Dios khuyasonqachej Israelmanta puchoj runasta.

Miqueas 2:8

Qankunaqa aylluypa contranta oqhariykukunkichej. Allin p'achanku kajkunata lluch'urankichej guerramanta kutimpojkunamanta piskunachus yuyarqanku ñak'ariykunas tukukusqantaña chaykunamanta.

Miqueas 7:2

Kay pachapi manaña kanchu cheqan runas nitaj Diosman sinch'ita sayaj kajkunapis; tukuy suyashanku wañuchillaytaña, chay hora chayamunallanta ruwanankupaj; ujkuna ujkunataj misk'achinakunku.

Miqueas 7:3

Juchata ruwanapajqa maestros kanku, chay kurajkunapis t'inkasta apamunankuta kamachinku, juezkunasri wajkunawan rantichikunku, atiyniyoj kajkunataj munasqankuman jina ruwaspa llajtata juchallichinku.

Sofonías 3:3

Kamachejninkoqa qhapariykachaj leonkuna jina kanku. Juecesninkutaj, q'ayantimpaj ni uj tulluta puchuchej campo atojkunaman rijch'akunku.

San Lucas 19:14

Llajta masisnintaj chejnej kanku, chaynejta, kachasta qhepanta kachamorqanku, ninankupaj: Mana payta munaykuchu reyniykupaj, nispa.

San Juan 18:40

Chaypacha ujtawan qhaparerqanku, nispa: Chay runataqa ama, Barrabasta kachariy! Barrabastaj suwa karqa.

San Juan 7:7

Kay mundopi kajkunaqa, qankunata mana chejnisunkichejmanchu. Noqatarí chejniwanku, sajra ruwasqasninkuta paykunaman rikuchisqayrayku.

Romanos 1:32

Pikunachus Diospa juicionta yachashaspa, chaykunata ruwajkunaqa wañunanku tiyan. Chantá mana paykunallachu ruwanku, astawanqa chay juchasta ruwajkunawan kusikunku.

Romanos 12:9

Munakuspaqa, ama munakojllamanchu rijch'akuychej. Sajra kajta chejniychej, allin kajtataj ruwaychej.