San Mateo 3:7 - Qheshwa Biblia DC

⁷ Juanqa ashkha fariseosta, saduceostawan bautismoman jamojta rikuspa, nerqa: Katarikunaj miraynin! Pitaj yachachisorqachej Diospa jamoj k'ajaj phiñakuyninmanta ayqeytari?

DIOSPA QHELQACHISQAN DEUTEROCANONICAL

⁷ Ashkha fariseokuna, saduceokunawan ima Juan bautizasqanta rikoj jamullarqankutaj. Juantajrí paykunata rikuspa, nerqa: Katarikunaj miraynin, pitaj nisorqachej Diospa jamoj, k'araj phiñakuyninmanta ayqenaykichejtari?

DIOSPA QHELQACHISQ

⁷ Ashkha fariseokuna, saduceokunawan ima Juan bautizasqanta rikoj jamullarqankutaj. Juantajrí paykunata rikuspa, nerqa: Katarikunaj miraynin, pitaj nisorqachej Diospa jamoj, k'araj phiñakuyninmanta ayqenaykichejtari?

Quechua South Bolivia: Dios Parlapawanchej

⁷ Juanka ashqha fariseo partecunata saduceo partecunatawan bautizacoj jamushaskancuta ricorka. Paycunatataj nerka: —Kancuna runa wañuchi catarisjina canquichej. Diospa c'ajaj phiñacuyninmanta aykecunayquichejpaj ¿pitaj willasorkachejrí? —nispa.

San Mateo 3:7 ပူးပေါင်းရင်းမြစ်များ

Génesis 3:15

Qantawan warmitawan chejninachisqaykichej. Jinallataj mirayniykiwan mirayninwampis chejninakonqanku. Miraynin umaykita saronqa, qantaj chaki talonninmanta khaninki.

Proverbios 28:4

Leymanta t'aqakojkunaqa, sajra runata alabanku; leyta junt'ajkunarí, chay runaj contrampi kashanku.

Isaías 59:5

Katari runtusta ojllachinku, kusikusi llikhastataj ruwanku. Pichus chay runtusta mikhojqa wañonqa; chay runtusta q'allpirejtinkupis wañuchi katari uñas llojsimonqanku.

Jeremías 51:6

Babiloniamanta ayqeychej. Pipis atejqa ayqechun. Ama wañuychejchu Babiloniaj juchasninraykoqa. Kaymin ayni kutichinay ratoqa, imatachus ruwasqanman jinataj qopusaj.

Jeremías 6:10

Noqataj kuticherqani: Pitaj kutichiwanman kay parlasqayta willamojtiyri? Señor, paykunaqa joq'arasman tukunku, manataj uyariyta atinkuchu, palabrasniykimanta asiykukunku, mana paykunamanqa allinchu rijch'an.

San Mateo 12:24

Fariseostaj kayta uyarispa nerqanku: Kay runaqa mana paypa atiyninwanchu supaykunata qharqon; Beelzebú supaykunaj kurajnimpa atiyninwan qharqon.

San Mateo 12:34

Katarikunaj miraynin! Imaynatataj allinta parlawajchej sajras kashaspari? Sonqopi imachus junt'a kashan, chaymanta simeqa parlan.

San Mateo 15:12

Yachachisqasnintaj qayllaykuspa nerqanku: Yachankichu, fariseos, nisqaykita uyarispa mana allimpaj jap'isqankuta?

San Mateo 16:1

Chaymantataj, fariseos saduceoswan Jesusman qayllaykorqanku, imaynallapipis urmachiyta munaspa; mañarqankutaj, janaj pachamanta ima señaltapis rikuchinanta.

San Mateo 16:6

Jesustaj nerqa: Qhawakuychej, karunchakuychejtaj fariseospa levaduranmanta saduceospamantawan.

San Mateo 22:15

Fariseostaj riytawan tantakuspa yachachinakorqanku, ima parlasqallampipis Jesusta ch'ataykunankupaj.

San Mateo 22:23

Chay p'unchayllapitaj, saduceos Jesusman jamorqanku. Paykunaqa ninku, wañusqasmanta kausarimuy mana kasqanta. Jesustataj taporqanku, nispa: Maestro, Moisesqa nerqa: Pillapis, mana wawasniyoj wañunman chayqa, wauqen casarakuchun chay viudawan, wauqempa miraynin rikhurinampaj.

San Mateo 22:34

Fariseostaj tantakorqanku, saduceosta Jesús ch'inyachisqanta yachaspa.

San Mateo 23:33

Sierpes, katarikunaj miraynin! Imaynatataj infiernopaj juchachasqa kanaykichejmanta ayqenkichejri?

San Mateo 5:20

Chayrayku qankunaman niykichej, manachus cheqan kayniykichej qelqerispamanta, fariseospamantawan aswan allin kanqa chayqa, mana yaykunkichejchu janaj pacha reinoman.

Marcos 12:13

Chaymanta, Jesusman kachamorqanku wakin fariseosta, herodianostawan, ima nisqanmantapis pantajtin ch'ataykunankupaj.

Marcos 12:18

Chantá saduceos Jesusman jamorqanku. Paykunaqa ninku wañuymanta kausarimuy mana kasqanta. Taporqankutaj nispa: Maestro, noqaykupaj Moisés escribisqata saqerqa: Sichus uj runaj wauqen wañunman, warmintataj mana wawayojta saqenman chayqa; wauqen casaranan tiyan chay viudawan, wañoj wauqempa miraynin ama chinkanampaj.

Marcos 8:15

Jesustaj paykunata kamacherqa: Allintapuni qhawakuychej fariseospa levaduranmanta; ajinallatataj Herodespa levaduranmantapis.

San Lucas 16:14

Kay tukuyta uyarisharqanku qolqe munapayaj fariseos, asipayarqankutaj.

San Lucas 18:11

Fariseo kajqa, sayaykuspa payllapaj mañakusharqa: Diosníy, graciasta qoyki. Mana wakinkuna jina suwachu, sajrachu, qhenchachu, nitaj kay impuestero jinachu kani, nispa.

San Lucas 7:30

Fariseostaj leymanta yachachejkuna ima qhesacharqanku, imatachus Dios paykunanejta ruwayta munasqanta, mana Juanwan bautizachikuspa.

San Juan 1:24

Chaykunataqa fariseos kacharqanku.

San Juan 8:44

Qankunaqa tataykichej supaymanta kankichej; chay tataykichejpa munaynintataj junt'ayta munankichej. Payqa runa wañuchipuni qallariymantapacha karqa, manataj jayk'ajpis cheqapeqa sayarqachu, nitaj cheqa kajqa sonqompichu karqa. Llullata parlaspaqa, paypa kayninmanta parlan; imaraykuchus payqa llulla, llullakuypa tatan kasqanrayku.

San Juan 9:40

Paywan kasharqanku chay fariseosmanta, wakin chayta uyarispa nerqanku: Chantá noqaykupis ciegosllatajchu kayku?, nispa.

Hechos 15:5

Fariseosmanta wakin creejkunataj, sayarispa nerqanku: Gentilesmanta creejkunaqa, circuncidasqas kananku tiyan, Moisespa leyninman jina.

Hechos 20:31

Chayrayku ama puñuspa qhawakuychej, yuyarikuspa imaynatachus kinsa wata junt'ata, tuta p'unchay waqayniywan sapa ujniykichejta yuyaycharqaykichej.

Hechos 26:5

Paykunaqa rejsiwarqanku ñaupajmantapacha. Munaspaqa parlachunku imaynatachus cheqan religionniykuman jina fariseo kasqayta.

Hechos 5:17

Chaymantataj jatun sacerdote, paywan kajkuna ima, saduceos t'aqamanta apostoleswan jap'inakuspa, maytapuni phiñakorqanku.

Romanos 1:18

Diospa phiñakuynenqa janaj pachamantapacha rikuchikun, Diosta mana yupaychajkunaj contrampi, mana cheqan kajta ruwajkunapaj ima. Paykunaqa mana cheqan kayninkuwan, cheqan kajta jark'ashanku.

Romanos 5:9

Kunanqa astawanraj qowasun, yawarninrayku Dioswan allinyasqaña kajtinchej, paynejtataj k'ajaj phiñakuymanta salvasqas kasunchej.

1 Tesalonicenses 1:10

Willallankutaj qankuna janaj pachamanta Diospa Churinta suyashasqaykichejta, pitachus Dios wañusqakunamanta kausarichimorqa. Chaytaj Jesús. Pay jamoj k'ajaj phiñakuymanta salvawarqanchej.

Hebreos 11:7

Creespa Noeqa Diosmanta yachachisqa karqa, chay manaraj rikukoj imasmanta; manchachikuywantaj arcata wakicherqa, familiampis salvasqa kanampaj; chay feraykutaj mundota juchacharqa, feraykullataj Diosmanta cheqan kajpaj qhawasqa karqa, chayaqeyojtaj rikhurerqa.

Hebreos 6:18

Kay iskay mana kuyurikoj imasrayku, Diosqa manapuni atinchu llullakuyta. Chayrayku, sumajta sonqochakuspa jaku rina, ñaupaqenchejpi churasqa kashan chay suyaymanta jap'iykukunanchejpaj.

1 Juan 3:10

Kay jinapi yachakun Diospa wawasninchus chayrí supaypatachus kasqankoqa. Mana cheqan kajta ruwajqa, nitaj wauqentapis munakojqa, mana Diospa wawanchu.