San Mateo 1:1 - Qheshwa Biblia DC

¹ Jesucristoj ñaupa tatasnimpa mirayninmanta libro. Jesusqa karqa Davidpa ayllunmanta, Abrahampa ayllunmantawan.

DIOSPA QHELQACHISQAN DEUTEROCANONICAL

¹ Kayqa Jesucristoj ñawpa tatankunaj mirayninmanta sutinkuna. Jesusqa Davidpa mirayninmanta karqa, Abrahampa mirayninmantawan.

DIOSPA QHELQACHISQ

¹ Kayqa Jesucristoj ñawpa tatankunaj mirayninmanta sutinkuna. Jesusqa Davidpa mirayninmanta karqa, Abrahampa mirayninmantawan.

Quechua South Bolivia: Dios Parlapawanchej

¹ Cay kelkaskaka Jesucristoj ñaupaj tatasninmantamin. Jesuska Abrahammanta jamun Davidmantawan.

San Mateo 1:1 ပူးပေါင်းရင်းမြစ်များ

Génesis 12:3

Qampaj allinta ruwajkunapaj allinta ruwapusaj, qampaj mana allinta ruwajkunatarí maldicisaj. Qannejta bendicisqas kanqanku tukuy ayllus kay jallp'a patapi kajkuna.

Génesis 2:4

Chaymin janaj pachaj qallarikuynin, kay pachaj qallarikuynintaj. Maypachachus Dios ruwarqa janaj pachata kay pachatawan chaypacha, manaraj ni ima sach'apis karqachu, nitaj ima q'omer qhorapis jallp'api wiñarqarajchu, imaraykuchus Señor Dios manaraj parachimorqarajchu jallp'a pataman, nitaj pipis karqarajchu jallp'ata llank'anampaj.

Génesis 22:18

Tukuy naciones mundopi kajkuna paykunanejta bendicisqas kanqanku, qan imatachá nisusqayta kasuwasqaykirayku.

Génesis 5:1

Kaykuna kanku Adampa mirayninmanta kajkuna. Mayk'ajchus Dios runata ruwarqa, chaypacha runaqa payman rijch'akoj karqa.

Salmos 132:11

Señorqa Davidman uj jatun juramentota ruwarqa; chay juramentotaqa mana p'akenqachu.

Salmos 89:3

Nerqanki: Ajllasqaywan uj tratota ruwarqani. Kamachiy Davidman jurarqani:

Salmos 89:36

Paypa miraynintaj wiñaypaj sayachisqa kanqa, tiyanantaj kallanqapuni inti jina ñaupaqeypi.

Isaías 11:1

Uj k'ullumanta ch'illchimonqa, chay k'ulloqa Isaí; saphisninmantataj ch'illchimoj wiñallanqataj.

Isaías 53:8

Payqa wisq'asqa, juchachasqataj qhasillamanta rikhurerqa, manataj pipis paymantaqa sayakorqachu. Pitaj paymanta dakunri? Payqa jallp'a patamanta qhechusqa karqa, aylluypa juchasninrayku wañuchisqa karqa.

Jeremías 23:5

Señorqa nillantaj: Uj p'unchay chayamonqa, maypachachus Davidpa mirayninmanta uj cheqan kajta rikhurichisaj. Kay pachapitaj chay reyqa tukuy yachaywan, justiciawan, cheqan kaywantaj kamachenqa.

Jeremías 33:26

Mana jayk'ajpis qhesachasajchu Jacobpa mirayninta, nitaj kamachiy Davidpa miraynintapis, nitaj saqesajchu kamachejkunata sayarichiyta, Abrahampa mirayninmanta, Isaacpamanta, Jacobpamantapis; imaraykuchus wijch'usqa kajkunata kutichimusaj, khuyakusajtaj.

Amós 9:11

Uj p'unchay jamushan Davidpa ayllunta urmasqamanta sayarichinaypaj. Davidpa yupaychana wasinta sayarichisaj, lajrasninta llup'aykusaj, pampachasqa kasqanmanta oqharisaj, watejmanta sayarichisaj, imaynachus ñaupajta karqa kikinta.

Zacarías 12:8

Noqa Señor waqaychasaj Jerusalempi tiyakojkunata. Aswan kallpayoj kajkunamanta rey David jina kallpasapasman tukonqanku, Davidpa ayllunmanta kajkunataj Dios jina karenqanku, Señorpa angelnin jinataj paykunaj ñaupaqenkuta renqanku.

San Mateo 1:18

Jesucristoj nacisqantaj kay jina karqa: María mamanqa mañaqasqa karqa Josewan casarakunampaj. Manaraj khuska tiyakushajtinkutaj, Mariaqa wijsallisqa rikhurerqa Santo Espiritunejta.

San Mateo 1:2

Abraham, Isaacpa tatan karqa, Isaactaj Jacobpata. Jacobtajrí Judajta, wauqesnimpatawan tatan karqa.

San Mateo 15:22

Chaynejmantataj uj cananea warmi llojsimorqa, qhaparispataj Jesusmanta mañakorqa: Señor, Davidpa Churin, khuyarikuway ari! Warmi wawayta anchataña supay ñak'arichishan.

San Mateo 3:16

Jesús bautizachikuytawan yakumanta llojserqa. Cielotaj kicharikorqa, rikorqataj Diospa Espiritunta paypa patanman paloma jina uraykamushajta.

San Mateo 9:27

Jesús chaymanta ripushajtintaj, iskay ciegos qhepanta rerqanku qhaparispa: Davidpa Churin, khuyariwayku!, nispa.

San Lucas 1:33

Payqa wiñaypaj israelitasta kamachenqa, mana jayk'aj tukukuyniyoj reinompi.

San Juan 7:42

Manachu Cristomantaqa yachanchej escribisqaman jina, Davidpa mirayninmanta, Belén llajtamantataj jamunanta?

Hechos 2:30

Davidqa profeta kaspa yacharqa Dios juramentowan payman parlasqanta; paypa mirayninmantapuni Cristota jatarichinanta, tronompitaj tiyaykukunanta.

Romanos 1:3

Chaytaqa, Churin Jesucristomanta willarqa; payqa aychaman jina Davidpa mirayninmanta karqa.

Romanos 4:13

Diosqa mana leyraykuchu Abrahamman nerqa, mirayninmampis kay mundota chayaqepaj qonanta; astawanqa Diospi Abrahampa feninrayku.

Romanos 9:5

Ajinaqa, paykunaj ñaupa tatasnin karqanku; aychaman jinataj paykunamanta Cristo jamorqa. Payqa tukuy imapi, paytaj Dios, yupaychasqataj kachun wiñaypa wiñayninkama. Amén.

Gálatas 3:16

Kunanqa Abrahamman, mirayninmanta jamojmanwan Dios qonanta nerqa. Manataj Escritura nerqachu: Mirayniykimanta jamojman, ashkhasmampis parlashanman jina, manachayqa ujllamanta parlan, chaytaj Cristo.

1 Timoteo 2:5

Uj k'ata Dios tiyan, jinallataj Dioswan runakunata allinyachejpis uj k'atalla, chaytaj Jesucristo runa.

2 Timoteo 2:8

Jesucristomanta yuyarikuy. Payqa Davidpa mirayninmanta karqa; kausarimorqataj wañusqakunamanta, evangeliota willasqayman jina.

Apocalipsis 22:16

Noqa Jesús, angelniyta kachamorqani kay imasmanta iglesiasman willanampaj. Noqa Davidpa saphin, miraynintaj kani, sut'iyaypi lliphipej ch'askataj.