Marcos 13:9 - Qheshwa Biblia DC

⁹ Chayrayku qankuna sumajta qhawakuychej; imaraykuchus, jap'ichispa juntasninkuman pusasonqachej, sinagogaspitaj jasut'isonqachej. Noqarayku kuraj kamachejkunaman, reyesman ima pusasonqachej; noqamantataj parlankichej paykuna yachanankupaj.

DIOSPA QHELQACHISQAN DEUTEROCANONICAL

⁹ Chayrayku qankuna sumajta qhawakuychej, imaraykuchus awqaykichejkunaqa qankunata jap'ichispa, llajtapi kurajkunaman jaywasonqachej, tantakuna wasikunapitaj jasut'isonqachej. Noqaraykutaj kamachejkunaman, kuraj kamachejkunaman ima qhatatisonqachej. Qankunarí, paykunaj ñawpaqenkupi testigo jina noqamanta parlankichej.

DIOSPA QHELQACHISQ

⁹ Chayrayku qankuna sumajta qhawakuychej, imaraykuchus awqaykichejkunaqa qankunata jap'ichispa, llajtapi kurajkunaman jaywasonqachej, tantakuna wasikunapitaj jasut'isonqachej. Noqaraykutaj kamachejkunaman, kuraj kamachejkunaman ima qhatatisonqachej. Qankunarí, paykunaj ñawpaqenkupi testigo jina noqamanta parlankichej.

Quechua South Bolivia: Dios Parlapawanchej

⁹ ‘Astawanka kancuna quiquiyquichejta khawacuychej. Israel curajcunaj ñaupakencuman jaywaycusonkachej. Tantacuna-wasispitaj sek'osonkachej. Camachejcunaj ñaupakencuman curaj camachejcunaj ñaupakencumanpis pusasonkachej yachacojcunay caskayquichejraycu. Ajinapi kancuna paycunaman willaranquichej.

Marcos 13:9 ပူးပေါင်းရင်းမြစ်များ

San Mateo 5:22

Noqataj niykichej: Pillapis wauqempaj phiñakun chayqa, juchachasqa kanqa juiciopaj. Pichus wauqenta wampu nejpis, jatun juntapi juchachasqa kanqa; chantá pichus wauqenta opa ninman chayqa, infierno nina larwayman wijch'usqa kanqa.

Marcos 13:5

Jesustaj kutichispa, yachachiyta qallarerqa: Allinta qhawakuychej, pajtataj pipis ch'aukiyasunkichejman.

Marcos 13:8

Uj nación waj naciompa contranta oqharikonqa, uj reinotaj waj reinoj contranta. Kaynejpi jaqaynejpitaj jallp'a kuyuykuna kanqa; yarqhaykunataj, ch'ajwas ima. Kay tukuy imataj nacichikojpa nanaynimpa qallariynin jina.

Marcos 6:11

Mayllapipis mana wajyarisunkichejmanchu, nitaj uyarisunkichejmanchu chayqa, ripuychej chaymanta, chakisniykichejmanta jallp'ata thalarakuspa; ajinamanta sajra ruwasqankuta yachanankupaj.

San Lucas 9:5

Mayllapipis mana wajyarisojtiykichejqa, ripuychej chay llajtamanta, chakisniykichejmanta jallp'ata thalarakuspa; ajinamanta sajra kasqankuta yachanankupaj.

San Juan 15:20

Yuyarikuychej palabrata qankunaman nisqayta: Kamacheqa patronninmanta mana aswan kurajchu. Noqatachus qhatiykachawarqanku chayqa, qankunatapis qhatiykachasonqachej. Palabraytachus waqaychanqanku chayrí, qankunajtapis waqaychallanqankutaj.

San Juan 16:2

Sinagogasmanta wijch'usonqanku; hora qayllamushanña maypachachus pillapis qankunata wañuchispa yuyanqa Diospaj allinta ruwashasqanta.

Hechos 21:11

Paytaj noqaykuta watukoj jamuspa, Pabloj chumpinta oqharispa, chakisninta makisnintawan wataykukuspa nerqa: Kay jinata Santo Espíritu nin: Ajinata kay chumpiyojta watanqanku judíos Jerusalempi, chaymantataj gentilesman entreganqanku, nispa.

Hechos 7:54

Jatun juntapi Kuraj kamachejkunaqa, Estebampa parlasqanta uyarispa, maytapuni phiñakorqanku sonqosninkupi, kirusninkutataj k'arurakorqanku paypa contranta.

Hechos 9:16

Noqa payman rikuchisaj may chhikatachus sutiyrayku ñak'arinanta.

Filipenses 1:29

Chayrayku qankunaman qosqa kashan Cristorayku, mana paypi creenallaykichejtachu, astawanqa payrayku ñak'arinaykichej tiyan.

2 Tesalonicenses 1:5

Kay imasqa Diospa cheqan juicionta rikuchishanku; qankunarí, chay Diospa kamachiynimpaj ajllasqas kankichej. Chayrayku kay jinata ñak'arishankichej.

2 Juan 1:8

Qankuna kikin qhawakuychej, llank'asqaykichej ama qhasi kanampaj, astawanqa, junt'asqa pagota jap'inaykichejpaj.

Apocalipsis 1:9

Noqa, Juan, hermanoykichej, qankunawan khuska llakiypi, Jesucristoj reinompi, pacienciampitaj chayaqeyoj kani. Patmos nisqa churupi kasharqani Diospa palabranmanta, Jesucristomantawan willasqayrayku.

Apocalipsis 2:10

Ama manchachikuychu chay imasta ñak'arinaykimantaqa. Qhaway, qankunamanta wakinta supayqa carcelman wisq'achenqa, rejsisqa kanaykichejpaj, chunka p'unchaytataj llakiyniyoj kankichej. Wañuykama creellaypuni, noqataj kausay pilluta qanman qosqayki.

Apocalipsis 2:13

Noqa yachani tiyakusqaykita maypichus Santanás chaypi. Sutiytapis jap'ishallankiraj, manaraj creeytapis qhesachashankichu. Ni cheqan willajniy Antipas kausharqa chay p'unchayllapipis. Paytaqa wañucherqanku qankuna ukhupi, maypichus Satanás tiyan chaypi.