Marcos 13:11 - Qheshwa Biblia DC

¹¹ Maypachachus jap'ichispa kamachejkunaman pusasunkichejman chayqa, ama manchachikunkichejchu, nitaj yuyaychejchu imatachus ninaykichejta; astawanqa, imatachus chaypacha Dios yuyaychasunkichej, chayllata parlaychej. Mana qankunachu parlankichej, Santo Espiritumin qankunanejta parlanqa.

DIOSPA QHELQACHISQAN DEUTEROCANONICAL

¹¹ Maypachachus atiyniyoj kamachejkunaman apasonqachej chaypacha, ama llakikuychejchu imatachus ninaykichejmantaqa. Aswanpis, imatachus Dios yuyaychasonqachej, chayllata parlaychej, imaraykuchus manamin qankunachu parlankichej, manachayqa Santo Espiritumin qankunanejta parlanqa.

DIOSPA QHELQACHISQ

¹¹ Maypachachus atiyniyoj kamachejkunaman apasonqachej chaypacha, ama llakikuychejchu imatachus ninaykichejmantaqa. Aswanpis, imatachus Dios yuyaychasonqachej, chayllata parlaychej, imaraykuchus manamin qankunachu parlankichej, manachayqa Santo Espiritumin qankunanejta parlanqa.

Quechua South Bolivia: Dios Parlapawanchej

¹¹ Curajcunaman jaywaycoj pusasojtiyquichejka, ama ñaupajta sonkoyquichejpi manchachicuspa yuyaychejchu imatachus ninayquichejta. Astawanpis Santo Espíritoj chay ratupi sonkoyquichejman churaskanta, chayta niychej. Manamin kancunallachu parlajcunaka canquichej, manachayrí Santo Espíritu.

Marcos 13:11 ပူးပေါင်းရင်းမြစ်များ

2 Samuel 23:2

Señorpa Espíritun noqanejta parlan; palabrasnenqa qalluypi kashan.

Isaías 50:4

Señorqa yachayniyojkunaj yachayninta qowarqa, imaynamantachus sayk'usqasman parlanayta. Sapa paqarin uyarichiwan; ajinamanta yachachisqan jina sumajta uyarinaypaj.

San Mateo 10:17

Allinta qhawakuychej runakunamanta. Paykunaqa jatun juntaman pusaspa sinagogasninkupi jasut'ichisonqachej.

Marcos 13:12

Wauqeqa, wauqellantataj wañuchichenqa, tatapis wawanta. Wawaspis tatasninkoj contranta oqharikuspa wañuchenqanku.

Marcos 13:9

Chayrayku qankuna sumajta qhawakuychej; imaraykuchus, jap'ichispa juntasninkuman pusasonqachej, sinagogaspitaj jasut'isonqachej. Noqarayku kuraj kamachejkunaman, reyesman ima pusasonqachej; noqamantataj parlankichej paykuna yachanankupaj.

San Lucas 21:12

Kay tukuy imaspa ñaupaqentataj, qankunata jap'isonqachej, qhatiykachasonqachejtaj. Chantá pusasonqachej sinagogasman; carcelmantaj wisq'asonqachej; chaymantataj reyesman, kamachejkunaman ima pusasqas kankichej noqaj sutiyrayku.

San Juan 3:27

Juantaj kutichispa nerqa: Mana runaqa imatapis jap'iyta atinchu, manachus Diosmanta qosqa kanman chayqa.

Hechos 2:4

Tukuyninkutaj Santo Espirituwan junt'asqas karqanku. Waj parlaykunapitaj parlayta qallarerqanku, Santo Espíritu atiyta qosqanman jina.

Hechos 3:13

Abrahampa Diosnin, Isaacpata, ñaupa tatasninchejpata ima, kamachin Jesusta jatunchaspa k'anchayninman oqharerqa. Qankunataj payta pusarqankichej Pilatojman, qhesacharqankichejtaj paypa ñaupaqempi. Pay kacharipuyta munashajtimpis mana munarqankichejchu.

Hechos 4:31

Diosmanta mañakuyta tukusqankutawantaj, maypichus kasharqanku chay cheqa kuyurerqa. Tukuyninkutaj Santo Espirituwan junt'asqas karqanku, Diospa palabrantataj mana manchachikuspa willayta qallarerqanku.

Hechos 6:10

Estebanta mana atipayta aterqankuchu. Payqa yachaywan Espirituwan parlasharqa.

Hechos 6:15

Jatun juntapi tiyashajkunataj Estebanta qhawarispa angelpa uyanta jina rikorqanku.

Hechos 7:55

Estebanqa Santo Espirituwan junt'a karqa, janaj pachata qhawarispataj Diospa jatun k'anchayninta rikorqa, Jesustapis rikullarqataj Diospa pañampi kashajta.

1 Corintios 2:13

Kay imasmantataj noqanchej parlanchej; mana runaj yachachisqanman jinachu, astawanqa Espíritu yachachiwasqanchejman jina, yachachispataj Espirituman jina, Espiritupi kajkunata.

Efesios 3:5

Chay pakasqa kajqa mana rikuchisqachu karqa, waj miraykunapi runaj churisninman. Kunanrí Espiritunejta sut'inchan ajllasqa apostolesninman, profetasman ima.

Santiago 1:5

Mayqellampis qankunamanta mana yachayniyoj kanman chayqa, Diosmanta mañakuchun. Dios qon tukuyman ashkhamanta mana k'amispalla. Cheqamanta chay yachayqa payman qosqa kanqa.

1 Pedro 1:12

Paykunamantaj sut'inchasqa karqa, chay imastaj mana paykunallapajchu, astawanqa qankunapajpis kasqanta. Paykuna imatachus willarqanku, chayllatataj janaj pachamanta kachamusqa Santo Espíritoj atiynimpi evangeliomanta willawanchej. Chay imastaqa angelespis anchatapuni qhawayta munanku.