San Lucas 24:27 - Qheshwa Biblia DC

²⁷ Chaypitaj sut'inchayta qallarerqa, paymanta chay tukuy imata Diospa palabran nisqanta; Moisesmantapacha qallarispa, tukuy profetaspa escribisqankumantawan.

DIOSPA QHELQACHISQAN DEUTEROCANONICAL

²⁷ Chay ratopacha Jesús sut'inchayta qallarerqa, Diospa Qhelqachisqanpi paymanta imatachus nisqanta, Moisespa qhelqasqanmanta qallarispa, Diosmanta tukuy sut'inchajkunaj qhelqasqankumantawan.

DIOSPA QHELQACHISQ

²⁷ Chay ratopacha Jesús sut'inchayta qallarerqa, Diospa Qhelqachisqanpi paymanta imatachus nisqanta, Moisespa qhelqasqanmanta qallarispa, Diosmanta tukuy sut'inchajkunaj qhelqasqankumantawan.

Quechua South Bolivia: Dios Parlapawanchej

²⁷ Chaymanta paycunaman Jesús sut'incharka Diospa tucuy palabranpi paymanta cajta. Moisespa kelkaskasninmanta kallarispa Diospa tucuy unay willajcunanpa kelkaskasnintawan sut'incharka.

San Lucas 24:27 ပူးပေါင်းရင်းမြစ်များ

Génesis 12:3

Qampaj allinta ruwajkunapaj allinta ruwapusaj, qampaj mana allinta ruwajkunatarí maldicisaj. Qannejta bendicisqas kanqanku tukuy ayllus kay jallp'a patapi kajkuna.

Génesis 22:18

Tukuy naciones mundopi kajkuna paykunanejta bendicisqas kanqanku, qan imatachá nisusqayta kasuwasqaykirayku.

Génesis 26:4

Mirayniykita ashkhata mirachisaj cielopi qoyllurkunata jina, jinaspataj paykunaman kay jallp'asta qosaj. Chantapis paykunanejta tukuy naciones kay mundopi bendicisqas kanqanku, imaraykuchus Abrahamqa kasuwan, junt'antaj kamachisqasniyta, leyesniyta, kamachisqasniytawan.

Génesis 3:15

Qantawan warmitawan chejninachisqaykichej. Jinallataj mirayniykiwan mirayninwampis chejninakonqanku. Miraynin umaykita saronqa, qantaj chaki talonninmanta khaninki.

Génesis 49:10

Ni pi qhechonqachu Judaj atiyninta, ni makimpi kashaj chay tojnuntapis, chay tojnuyoj chayamunankama, pitachus tukuy llajtas kasonqanku.

Salmos 132:11

Señorqa Davidman uj jatun juramentota ruwarqa; chay juramentotaqa mana p'akenqachu.

Isaías 1:23

Kamachisojkunataj contraypi sayaykuwanku, suwaspa kausaqesnin kanku. Tukuy rantichikunku qolqewan, mask'ankutaj t'inkata qonankuta. Wajcha wawapaj mana cheqantachu ruwanku, viudaj willakusqantapis mana uyarillankupischu.

Isaías 50:6

Seq'owajkunasmampis wasayta qorqani, sunkhayta t'irarichikullarqani, may jinata toreashawajtinkupis, thoqashawajtinkupis manapuni uyaytaqa pakarqanichu.

Isaías 7:14

Kikin Señormin señalta qosonqachej. Qhawariychej, manaraj qharita rejsej sipas wijsallikun, nacechikuspataj, wawanta Emanuelta sutichanqa.

Isaías 8:17

Señorllapi suyasaj, payqa Jacobpa mirayninmanta uyanta pakaykumpis. Payllapitaj atienekusaj.

Isaías 9:1

Manaña laqhayayqa kanqachu, pichus kunan llakiypi kashan chaypajqa, imaynatachus Zabulón jallp'aman, chanta Neftalí jallp'amanwan llakiy chayarqa ajina. Kunanqa k'anchaykonqatajmin mar qochaman rej ñantaqa, Jordán mayu chimpata, gentilespa Galilea jallp'ankupi.

Ezequiel 34:23

Noqa David kamachiyta kutirichimusaj, payta ovejasniyta michinampaj churasaj. Pay ovejasniymanqa sumaj pastosta mikhuchipuwanqa, sumajtataj qhawanqa.

Ezequiel 37:25

Kamachiy Jacobman qorqani chay jallp'api tiyakonqanku, ñaupa tatasninku tiyakorqanku chaypi. Chay jallp'api paykuna wiñaypaj tiyakonqanku, wawasninku, paykunaj mirayninku ima. Kamachiy Davidtaj paykunaj kuraj kamachejninku kanqa wiñaypaj wiñaynintinkama.

Daniel (hebreo) 7:13

Noqa qhawashallarqanipuni chay mosqoypi jina rikhurejkunata tutapi. Rikorqani phuyus chaupipi jamojta; uj runaman rijch'akojta. Paytaj rerqa maypichus Anciano kasharqa chayman, paymantaj qayllaykucherqanku.

Miqueas 5:6

Paykuna Asiriata kamachenqanku, Nimrodpa jallp'antapis t'ojsinasninkoj puntampi apaykachanqanku, jallp'asninchejta yaykumorqanku jallp'anchejmantaj. Junt'aykamorqanku chay asiriosmantataj librawasunchej.

Miqueas 7:20

Señor, waqaychallaypuni noqaykuwan kasqaykita munakuyniykitapis, ñaupa tatasniyku Abrahamman Jacobmantaj ñaupa wataspi prometerqanki chayta!

Zacarías 13:7

Tukuy Atiyniyoj Señorqa nillantaj: Oqharikuy, espada, michejpa contrampi, yanapajniypa contrampitaj! Wañuchiy chay michejta ovejasniytaj ch'eqeranqanku, juch'uy kaj corderosninmantaj noqa kutiykukusaj!

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

Malaquías 4:2

Qankuna sutiyta honrankichej chaykunapajqa, cheqan kayniy inti jina lliphipirenqa, k'anchaynimpi salvacionta apamuspa. Qankunataj kusiywan phinkirinkichej imaynatachus uña wakas corralmanta llojsispa phinkiykacharinku ajinata.

Números 21:14

Chaytamá a niyta munan Señorpa librompeqa: Puka mar qochapi imatachus ruwasqan, Arnón wayq'opi ruwasqan, corrishaj yakuspi ruwasqan, chaytaj rishan Ar chaynejkama, chayantaj Moab jallp'aj tinkuyninkama, nispa.

Marcos 4:34

Runasman Jesús yachachej rijch'anachinaswampuni; yachachisqasninmantaj sapankupi sut'inchaj tukuy imamanta.

San Lucas 24:25

Chantá pay nerqa: Ay, mana yuyayniyojkuna rumi sonqos, chay jinatapunichu mana creenkichej profetaspa tukuy nisqanta!

San Lucas 24:44

Chaymantataj nerqa: Kayta nerqaykichejña qankunallawanraj kashaspa, junt'akunampuni kasqanta chay tukuy, noqamanta escribisqa kajkuna Moisespa leynimpi, profetaspapi, salmospi ima.

San Juan 1:45

Felipetaj, Natanaelta taripaspa nerqa: Josejpa churin Jesús nazarenota tariyku. Paymantaqa, Moisés escriberqa leypi, ajinallatataj profetaspis.

San Juan 12:41

Isaiasqa kayta nerqa Jesuspa jatun kayninta rikuspa, paymantataj parlarqa.

San Juan 5:37

Kachamuwajniy Dios Tatapis noqamanta willallarqataj, qankunataj mana jayk'ajpis parlamusqanta uyarerqankichejchu, nitaj rijch'aynintapis rikorqankichejchu.

San Juan 5:39

Escriturasta allinta qhawaychej, imaraykuchus qankunamanqa rijch'asunkichej, Escriturasnejta wiñay kausayta tarinaykichej kasqanta. Chay Escriturastaj noqamanta willashanku.

Hechos 10:43

Tukuy sut'inchajkunapis Jesusmanta willarqanku tukuy paypi creejkunaqa sutinnejta juchasninkumanta pampachasqa kanankupaj.

Hechos 3:18

Unayña Dios willarqa tukuy profestaspa siminnejta, Criston ñak'arinanta. Chaytaqa Dios junt'arqa.

Hechos 3:22

Ajinata Moisespis nerqa: Señor Diosniykichej uj profetata jatarichenqa wauqesniykichej ukhumanta noqata jina. Payta kasunkichej tukuy ima nisqampi.

Hechos 3:24

Kunan p'unchaykunamantaqa, ñaupajtaña tukuy profetas willarqanku Samuelmanta qallarispa, jinallataj paypa qhepanta jamojkunapis.

Hechos 7:37

Kaymin chay Moisesqa pichus israelitasman nerqa: Qankuna ukhullamantataj Dios sayarichenqa uj profetata qankunapaj, noqata jina; paytataj uyarinkichej.

Hechos 8:35

Felipetaj yachachiyta qallarerqa. Kay escrituramantapacha qallarispa willarqa Jesusmanta.

Deuteronomio 1:45

Chaymanta kutirimuspa qankunaqa mayta waqarqankichej Señorpa ñaupaqempi, Señortaj mana uyarisorqachejchu chay jina llakiyta waqasqaykichejta.

Deuteronomio 18:15

Señor Diosniykichejqa qankuna ukhumanta uj sut'inchajta noqata jina sayarichipusonqachej, qankunataj payta kasunkichej.

Apocalipsis 19:10

Noqataj chakisninman urmarqani payta yupaychanaypaj. Paytaj niwarqa: Qhawakuy, ama chayta ruwaychu. Noqa kamachi masiyki kani, hermanosniykejtapis, pikunachus Jesuspa willayninta jap'inku, chaykunajta. Diosta yupaychay. Jesuspa willaynenqa Diosmanta sut'inchanaj espiritunmin.