San Lucas 14:13 - Qheshwa Biblia DC

¹³ Jatun mikhuyta wakichispaqa, wajyakuy wajchasta, ñuk'usta, cojosta, ciegosta ima.

DIOSPA QHELQACHISQAN DEUTEROCANONICAL

¹³ Manachayqa jatun mikhuyta wayk'uchispaqa, wajyarikuy wajchakunata, ñuk'ukunata, suchukunata, ñawsakunata ima.

DIOSPA QHELQACHISQ

¹³ Manachayqa jatun mikhuyta wayk'uchispaqa, wajyarikuy wajchakunata, ñuk'ukunata, suchukunata, ñawsakunata ima.

Quechua South Bolivia: Dios Parlapawanchej

¹³ Astawanpis jatun miqhunata waquichispaka wajyay wajcha runasta, ñuc'usta, suchusta, ciegostapis.

San Lucas 14:13 ပူးပေါင်းရင်းမြစ်များ

2 Samuel 6:19

Chaypi kajkuna tukuy israelitasmanqa, qharisman jinataj warmismampis mikhunankupaj qorqa, sapa ujman uj t'antata, uj chhikan aycha kankata, chantá uvas k'isamanta t'antata ima. Chaymantataj tukuyninku wasisninkuman kutiporqanku.

2 Crónicas 30:24

Judamanta rey Ezequiastaj chay tantasqa runasman qorqa waranqa torillosta, qanchis waranqa ovejastawan. Jinallataj kamachejkunaqa qollarqankutaj waranqa torillosta, chunka waranqa ovejastawan. Ashkha sacerdotestaj llimphuchakusharqanku.

Nehemías 8:10

Chay jawa Esdrasqa nillarqataj: Riychej, sumaj sumajllata mikhumuychej, misk'i kaj vinotataj ujyarikamuychej; mana mikhuna chayasqayoj kajta wajyarikuychej, kay diaqa Señorpaj t'aqasqa kasqanrayku. Ama llakikuychejchu, imaraykuchus Señorpa kusikuynenqa kallpachawanchej, nispa.

Nehemías 8:12

Chaypacha tukuynin runas riporqanku mikhoj, ujyajtaj. Mikhuytapis wajkunaman jaywarerqanku, sumaj fiestataj ruwarerqanku, imaraykuchus uyarisqasninkuta sumajta umankupi jap'erqanku.

Job 29:13

Pichus chinkapunampaj jinaña kasharqa chay runa agradecekuwarqa, viudasqa paykunata yanapajtiy mayta kusikorqanku.

Proverbios 14:31

Wajcha runasta ñak'arichejqa, ruwajnimpa contranta juchallin. Wajcha runasta khuyakojrí ruwajnin Señorta jatunchan.

Proverbios 22:9

Pichus wajkunata khuyakuywan qhawajqa, bendicisqa kanqa, wajchasman mikhunanmanta qorisqanrayku.

Isaías 58:10

Sichus yarqhasqasman mikhuchinki, ñak'arichisqa runamanchus mikhuchinki chayqa, laqhayajpipis k'anchayniykeqa k'ancharenqa, laqhayayniykeqa chaupi p'unchayman jina tukonqa.

Isaías 58:7

Munani yarqhasqaswan khuskamanta mikhunaykichejta; wasiykichejman mana wasiyojkunata wajyarinaykichejta; mana p'achayojkunata p'achallichinaykichejta; runa masisniykichejmantapis ama pakakunaykichejta.

San Mateo 15:30

Ashkha runastaj Jesusman qayllaykorqanku; pusamorqankutaj cojosta, ciegosta, opasta, ñuk'usta, waj ashkha onqosqastawan. Jesuspa ñaupaqenman churaykukojtinkutaj, paykunata thañicherqa.

San Mateo 22:10

Kamachistaj ñankunaman llojsispa tarisqankutakama wajyarqanku, allin mana allin kajkunata. Ajinamanta casamiento wasiman runasta junt'aykuchimorqanku mikhunankupaj.

San Lucas 11:41

Kapuyniykichejmanta wajchasman qoychej. Tukuy imaykichejtaj llimphu kanqa.

San Lucas 14:12

Wajyajmampis Jesús nillarqataj: Jayk'ajllapis almuerzota chayrí cenata wakichispaqa, ama wajyakunkichu kausaqesniykita, nitaj wauqesniykita, nitaj ayllusniykita, nitaj qhapaj llajta masisniykitapis; pajtataj paykuna kikillantataj kutichisunkuman.

San Lucas 14:14

Chaywanqa aswan kusikuyniyoj kanki; imaraykuchus paykunaqa mana kutichipusuyta atenqankuchu; cheqan runaspa kausarimuynillampiña t'inkaykita jap'ikapunki.

San Lucas 14:21

Kamachitaj kutimuspa willarqa kay tukuyta patronninman. Phiñakuspataj payqa nerqa kamachinman: Riy usqhayta kay llajtaj plazasninta, callesninta ima; pusaramuytaj tukuy wajchasta, ñuk'usta, ciegosta, cojosta ima.

Hechos 9:39

Pedrotaj paykunaman rerqa. Jopeman chayajtinkutaj viudas altopataman wicharicherqanku, viudastaj waqaspa rikucherqanku p'achasta, almillasta ima Dorcaspa ruwasqasninta paykunawan kashaspa.

Deuteronomio 14:29

Chaykunata levitasman qopunkichej llajtasniykichejman jamojtinku, mana jallp'asniyoj kasqankurayku. Chantapis qollankichejtaj llajtasniykichejpi tiyakoj karu llajtayojkunaman, wajchasman, warmi sapasman ima. Paykuna atenqanku mikhuyta mashkhatachá atisqankuta sajsakunankukama. Ajinata ruwajtiykichej Señor Diosniykichejqa bendicisonqachej tukuy ima ruwasqaykichejpi.

Deuteronomio 16:11

Chay kusikuykunataqa Señor Diosniykichejpa ñaupaqempi ruwankichej, maypichus Pay uj cheqata ajllakorqa, chaypi. Chaytataj ruwankichej wawasniykichejwan, kamachisniykichejwan khuska, chantapis llajtaykichejpi tiyakoj levitaswan, karu llajtayojkunawan, wajcha wawaswan, warmisapaswan ima.

Deuteronomio 16:14

Chaypeqa wawasniykichejwan kusikunkichej, kamachisniykichejwan khuska, chantapis llajtaykichejpi tiyakoj levitaswan, karu llajtayojkunawan, wajcha wawaswan, warmi sapaswan ima.

1 Timoteo 3:2

Payqa mana k'amina kanan tiyan, uj k'ata warmiyoj, mikhuypi ujyaypitaj allin yuyayniyoj, allimpaj qhawasqa, respetoyoj, wasinman wajyakoj, yachachinampajtaj allin wakichisqa.

1 Timoteo 5:10

Allin ruwanaspi rejsisqa kachun, wawasninta allinta uywaj, wajyarikuyta yachaj, creejkunaj chakisninta mayllaj, llakisqasta khuyaj, tukuy allin ruwanata junt'aj ima.

Tito 1:8

Astawanqa wasinman wajyakoj kanan tiyan, allin kajta munakoj, sumaj yuyayniyoj, cheqan kajta ruwaj, juchamanta t'aqasqa, kausaynimpitaj mana juchawan atipachikoj.

Filemón 1:7

Chayrayku ancha kusisqa, sonqo junt'asqataj kani munakuyniykirayku. Qannejta, hermano, ajllasqaspa sonqosninku kallpachasqas karqanku.

Hebreos 13:2

Ama qonqaychejchu chayakamojkunata wasiman wajyakuyta, imaraykuchus chayta ruwaspa, wakin mana yachaspalla angelkunata wajyakorqanku.