San Lucas 1:51 - Qheshwa Biblia DC

⁵¹ Makinwantaj atiyninta rikucherqa; ch'eqeracherqataj tukuy jatunchakojkunata sonqonkupi yuyayninkupi ima.

DIOSPA QHELQACHISQAN DEUTEROCANONICAL

⁵¹ Makinwan Dios atiyninta rikuchin, ch'eqerachintaj runaykachajkunata, churanakojkunata ima.

DIOSPA QHELQACHISQ

⁵¹ Makinwan Dios atiyninta rikuchin, ch'eqerachintaj runaykachajkunata, churanakojkunata ima.

Quechua South Bolivia: Dios Parlapawanchej

⁵¹ Dios atiyninwan jatuchej ruwanasta ruwarka. Payka tucuy jatunchacojcunata atipaspa aykeracherka.

San Lucas 1:51 ပူးပေါင်းရင်းမြစ်များ

Génesis 11:8

Ajinata Señorqa tukuynejman ch'eqeracherqa. Paykunataj chay llajtata ruwayta saqeporqanku.

Génesis 6:5

Señor rikorqa runaspa ashkha millay sajra ruwasqasninkuta, qhepamampis tukuy sajrallatapuni ruwayta yuyasqankuta.

Génesis 8:21

Chay q'apaytaj Diospaj may sumajpuni karqa munasqanman jina, nerqataj sonqompi: Kunanqa manaña jallp'ata jasut'isajchu runaj juchanrayku. Imaraykuchus runaqa waynamantapacha mana allin kajllatachu yuyan. Nillataj kausajkunatapis tukuchisajchu kunampi jina.

Salmos 118:15

Diosta qhatej runaspa wasimpi, atipasqamanta kusikuywan takiykuna tiyan. Señorpa atiynin jatuchaj imasta ruwan.

Salmos 33:10

Señor Diosqa, llajtaspa ruwayta munasqankuta mana kajman tukuchin.

Salmos 52:9

Ruwasqasniykimanta, Diosníy, agradecekusqaykipuni. Noqaqa munakusojkunaj chaupimpi qampi suyakusqayki, k'acha kasqaykirayku.

Salmos 63:5

May kusisqa, sajsasqataj qhepakusaj, jatun mikhuypi sajsakoj runa jina. Kusisqataj simeyqa yupaychasonqa.

Salmos 89:10

Mar qochapi jatun sierpeta ñat'orqanki uj ayata jina. Enemigosniykitataj makiykej kallpanwan ch'eqeracherqanki.

Salmos 89:13

Makisniyki sinch'i atiyniyoj, Paña makiykeqa kallpayoj, atipantaj.

Salmos 98:1

Uj mosoj takiyta Señorman takiychej, may t'ukunasta pay ruwasqanrayku. Payqa atiyninwan tukuyta atipan; santo makinwan.

Éxodo 18:11

Imaraykuchus paykunaqa may jinata ñak'arichisorqachej. Kunanqa yachani Señorqa aswan jatun atiyniyoj kasqanta tukuy dioskunamanta nisqaqa.

Isaías 40:10

Señor Diosniykichejqa jatun atiyninwan jamushan, makinwan tukuyta atipaspa. Payqa t'inkanwan jamushan, pagontapis apamushan.

Isaías 51:9

Señorpa makin, rijch'ariy, rijch'ariy ari atiyniykiwan, imaynatachus unay ruwaj kanki jinata rijch'ariy, ñaupa tiempospi jina. Qan Rahabta t'unarparerqanki, chay mar qochapi sierpeta.

Isaías 52:10

Señor atiyninta rikuchin tukuy nacionespa ñaupaqempi. Tukuy kay pachapi yachanqanku Diosninchejpuni salvawasqanchejta.

Isaías 63:12

Maytaj kunan Moisespa ñaupaqenta atiynimpa k'anchayninwan pusakorqachej chayri; pichus paykunaj ñaupaqempi yakuta iskayman t'aqarqa chayri, ajinamanta atiyniyoj kasqanta wiñaypaj rikuchejri?

Jeremías 49:15

Tukuy ayllumanta aswan juch'uyta noqa ruwasqayki, runas ukhupitaj aswan qhesachasqa kanaykita.

Daniel (hebreo) 4:37

Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.

Romanos 1:21

Ajinata Diosta rejsishaspa, mana Diosta jinachu yupaycharqanku, nitaj graciastapis qorqankuchu. Astawanqa qhasi mana kaj yuyayninkuwan jatunchakorqanku, wampu sonqonkupis astawan laqhayaykorqa.

2 Corintios 10:5

Ajinata ari, runakunaj yachayninkuta thuñispa, wapuykachaspa Diospa yachayninta qhesachajkunata; tukuy yuyaytataj Cristoman apaspa kasunankupaj.

Deuteronomio 4:34

Karqachu ima diosllapis uj nacionta tukuy nacionespa chaupinmanta ajllakojqa, imaynatachus qankunawan ruwarqa Señor Diosniykichej Egiptopi ajinata qankunaj ñaupaqeykichejpi, milagroswan, guerraswan ima, jatun atiyninta pruebaswan, señaleswan rikuchispa, manchachispataj?

1 Pedro 5:5

Jinallatataj waynas, kurajkunata kasuychej. Purajmanta kasunakuspa llamp'u sonqos kaychej. Diosqa jatunchakojkunata qhesachan, k'umuykukojkunatataj yanapan.

Apocalipsis 18:8

Chayrayku uj p'unchayllapi ñak'ariykunasnin jamonqanku: Wañuy, waqay, yarqhaytaj. Chantá ninwantaj ruphasqa kanqa. Atiyniyoj Dios Señorqa payta juchachan.