Levítico 8:14 - Qheshwa Biblia DC

¹⁴ Chaymantataj Moisesqa kamacherqa, juchasrayku rikuchiku jaywasqa waka uñata apamunankuta. Aaronwan, wawasninwan imataj chay waka uñaj umanman makisninkuta churararqanku.

DIOSPA QHELQACHISQAN DEUTEROCANONICAL

¹⁴ Chantá Moisés kamacherqa jucha pampachasqa kananpaj jaywana torillota apamunankuta. Apamojtinkutaj, Aaronwan, churinkunawan ima torilloj umanman makinkuta churarqanku.

DIOSPA QHELQACHISQ

¹⁴ Chantá Moisés kamacherqa jucha pampachasqa kananpaj jaywana torillota apamunankuta. Apamojtinkutaj, Aaronwan, churinkunawan ima torilloj umanman makinkuta churarqanku.

Levítico 8:14 ပူးပေါင်းရင်းမြစ်များ

Salmos 66:15

Altarniykipi wira uywasta ñak'aspa q'olachisaj. Jaywasqayki torosta, chivosta, corderosta misk'i q'apaynintawan.

Isaías 53:10

Chay tukuywampis, Señorqa ñak'arichiyta munarqa. Pay kikin kausayninta jucharayku rikuchikuta jina jaywaykukorqa. Chayrayku payqa mirayninta rikonqa, unaytataj kausanqa, paynejtataj Señorpa munaynenqa junt'akonqapuni.

Ezequiel 43:19

Levita sacerdotesman, mayqenkunachus Sadocpa mirayninmanta kanku, kayta ninki: Paykunaqa noqaman qayllamuwachunku, nin Atiyniyoj Señorqa. Uj waka uñata paykunaman qonki juchankumanta jaywakunankupaj. Noqa Señor chaytaqa nini.

Ezequiel 43:20

Yawarta jap'ispa altar patapi kaj tawantin wajras patanman ch'ajchuykunki, kikillantataj tawantin esquinasninman, cantompi oqharisqa muyuyninmanwan. Ajinata altartaqa llimphuchanki.

Ezequiel 44:27

Ukhu patioman yaykuspa, Diosta yupaychana wasipi imatapis ruwaspa junt'anampaj chay p'unchayqa, chay juchanmantaqa uywata wañuchispa jaywanqanku. Noqa Señormin kaytaqa kamachini.

Levítico 16:21

Chay chivoj umanman makisninta churaykuspataj, nenqa israelitaspa tukuy juchasninkuta, Diospa contrampi oqharikusqankuta, tukuy ima sajra ruwasqasninkutawan. Chay jinamanta israelitaspa juchasninkuta chay chivoj uman pataman churanqa. Chaymantataj chay chivota uj kachawan apachenqa, ch'in pampaman kacharpayamunampaj.

Levítico 16:6

Señorman jaywanqa chay torillota juchaspa cuentanmanta, Señormanta perdonta tarinampaj, paypa juchasninmanta, jinallataj familiampa juchasninmantapis.

Levítico 4:15

Chaypitaj Israelpa kurajkunasninku makisninkuta churanqanku torilloj umanman Señorpa ñaupaqempi, chay kikimpitaj ñak'anqanku.

Números 8:12

Chaymantataj levitasñataj chay aysamusqa waka uñaspa umanman makisninkuta churanqanku. Jinamanta ujnin kaj wakaqa juchaspa cuentanmanta Señorman jaywasqa kanqa; ujnin kajtaj Señorpaj ruphachinapaj kanqa, levitasta Señorpaj t'aqapunapaj.

Romanos 8:3

Diosqa ruwarqa imatachus Moisespa leynin mana ruwayta atisqanta, aycha pisi kallpayoj kasqanrayku. Chayrayku Diosqa Churinta kachamorqa juchallikoj runaman rijch'akojta, jucha jawa; chay juchata aychapi chinkachinampaj; leypa cheqan kasqanqa noqanchejpi junt'akunampaj. Noqanchejqa mana aychaj munayninman jinachu purishanchej, astawanqa Espirituman jina.

2 Corintios 5:21

Cristoqa mana ima juchatapis rejserqachu. Diosrí noqanchejrayku juchayojta ruwarqa, noqanchej Cristowan khuska kaspa, Diospi cheqa allin kausayniyoj kananchejpaj.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.