Levítico 4:20 - Qheshwa Biblia DC

²⁰ Kay torillowanqa ruwakonqa, imaynatachus juchasapaj cuentanmanta kaj torillowan ruwarqanku ajinata. Sacerdoteqa ajinamanta chay rikuchikuta jaywanqa paykunaj juchasninkumanta. Juchasninkutaj pampachasqa kanqa.

DIOSPA QHELQACHISQAN DEUTEROCANONICAL

²⁰ Chay ñak'asqa torillowan ruwanqa, kuraj kaj sacerdote juchan pampachasqa kananpaj ñak'asqa torillowan imaynatachus ruwarqa, ajinallatataj. Ajinata sacerdoteqa israelitakunaj juchanku pampachasqa kananpaj, Tata Diosman jaywanqa. Juchankutaj pampachasqa kanqa.

DIOSPA QHELQACHISQ

²⁰ Chay ñak'asqa torillowan ruwanqa, kuraj kaj sacerdote juchan pampachasqa kananpaj ñak'asqa torillowan imaynatachus ruwarqa, ajinallatataj. Ajinata sacerdoteqa israelitakunaj juchanku pampachasqa kananpaj, Tata Diosman jaywanqa. Juchankutaj pampachasqa kanqa.

Levítico 4:20 ပူးပေါင်းရင်းမြစ်များ

Éxodo 32:30

Q'ayantin Moisesqa runasman nerqa: Qankunaqa uj jatun juchata ruwarqankichej, kunanqa wicharisaj maypichus Señor kashan chayman, ichapis Señorqa juchasniykichejta pampachanqa.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Levítico 12:8

Sichus chay warmejta mana tiyakunchu corderota apamunampaj chayqa, apamuchun iskay jurk'utasta, chayri iskay irpa palomasta. Ujnin kajqa Señorpaj sumaj q'apashajta ruphachinapaj kanqa, ujnintaj juchasnimpa cuentanmanta rikuchikuta ruphachinapaj kanqa. Chaymantaqa sacerdote chay rikuchikuta jaywasqanrayku warmej juchasnin pampachasqa, llimphuchasqataj kanqa.

Levítico 14:18

Chaymantataj makimpi puchoj aceitewan sacerdoteqa jawenqa llimphuchakoj runaj umanta. Ajinamanta sacerdoteqa chay rikuchikuwan Señormanta perdonta tarenqa juchachakoj runapaj.

Levítico 15:15

Sacerdotetaj chaykunamanta ujninta rikuchikuta jina jaywanqa, runaj juchasninmanta, ujnintataj ruphachenqa. Ajinata sacerdoteqa Señorpa ñaupaqempi chay mujun suruchikoj runapaj ruwanqa, llimphupaj qhawasqa kanampaj.

Levítico 19:22

Sacerdoteqa chay corderota rikuchikuta Señorman jaywaspa, perdonta tarenqa chay juchachakoj runapaj. Jinamanta perdonasqa kanqa chay jucha ruwasqanmanta.

Levítico 4:21

Chaymantataj chay torillota jaramanta jawaman orqhospa ruphachimonqa, imaynatachus chay ñaupaj kaj torillowan ruwarqa, ajinata. Chay torilloqa ruphachisqa kanan tiyan tukuy israelitaspa juchasninkoj cuentanmanta.

Levítico 4:26

Chivoj tukuynin wirasnintataj altar patapi ruphachenqa, imaynatachus allinyakuy rikuchiku wirawan ruwanku ajinata. Sacerdoteqa ajinamanta chay rikuchikuta jaywanqa, kuraj kajpa juchasninmanta, juchasnintaj pampachasqa kanampaj.

Levítico 4:35

Chaymantataj ovejaj tukuy wirasninta wirachanqa, imaynatachus ruwanku allinyakuy rikuchiku wiraswan ajinata. Sacerdoteqa chay wirasta altar patapi ruphachenqa, Señorman rikuchikus qosqa karqa chaykunatawan khuska. Ajinamanta chay sacerdoteqa chay rikuchikuta jaywanqa chay runaj juchasninmanta. Juchasnintaj pampachasqa kanqa.

Levítico 4:8

Orqhonqataj juchaspa cuentanmanta wañusqa torilloj tukuy ch'unchula wirasninta.

Levítico 5:10

Ujnin kajtataj sacerdoteqa ruphachenqa kamachisqa kasqanman jina. Sacerdoteqa ajinamanta chay rikuchikuta chay runaj juchasnin pampachasqa kanampaj jaywanqa.

Levítico 5:13

Ajinamanta sacerdoteqa chay runaj ima jucha ruwasqasninmantapis perdonachenqa. Kay rikuchikumanta puchojqa sacerdotespaj kanqa, imaynatachus ch'aki mikhuy rikuchikuswan ruwakorqa ajinata. Chayqa juchaspa cuentanmanta rikuchiku.

Levítico 5:16

Chay runaqa Señorpaj t'aqasqa kajmanta mana qosqanta qopunan tiyan. Chaymantataj valorninmanta sapa phishqamanta ujta yapaykonqa, chaytataj sacerdoteman jaywanqa. Chay rikuchiku jaywasqa ovejawantaj sacerdoteqa perdonta tarenqa chay juchachakoj runapaj. Jinamanta chay runaj juchasnin pampachasqa kanqa.

Levítico 5:18

Chayrayku apamunan tiyan ovejasninmanta uj sumajnin kaj mana imanasqa corderota. Chay juchanmanta cuentata qonqa. Chaypa valornintataj churanki; chaytataj sacerdoteman apanqa juchampa cuentanamanta rikuchikuta. Ajinamanta chay runaqa perdonta tarenqa juchasninmanta mana reparakusqanmanta. Chay juchantaj pampachasqa kanqa.

Levítico 5:6

Chay juchampa cuentanmanta Señorman apamuchun china ovejata, chayri china cabrata. Sacerdoteqa chay rikuchikuta jaywanqa. Chaywantaj chay runaj juchasnin pampachasqa kanqa.

Levítico 6:7

Jinamanta sacerdoteqa Señormanta perdonta tarenqa chay runapaj mayqen juchallanmantapis. Juchasnintaj pampachasqa kanqa.

Números 15:25

Chaymantaqa sacerdote chay uywata Señorman jaywanqa tukuynin israelitaspa cuentanmanta, juchasninkumanta perdonasqas kanankupaj. Noqataj paykuna mana yachaspalla juchallisqonkumanta perdonasaj, imaraykuchus paykuna rikuchikusninkuta apamuwanku juchasninkoj cuentanmanta ruphachisqa kanampaj.

Números 15:28

Chay cabritataj sacerdoteqa jaywanqa chay runaj juchanmanta, jinamanta perdonasqa kanqa.

Romanos 5:11

Mana kayllachu, astawanqa Diospi kusikullanchejtaj, Señorninchej Jesucristonejta, pay Dioswan allinyachiwasqanchejrayku.

Gálatas 3:13

Cristo qhechuwarqayku leypa maldicionninmanta. Paytaj noqaykurayku maldicisqa karqa. Chaytaj escribisqa kashan: Maldicisqa kanqa tukuy k'aspipi warkhusqa kajqa, Abrahampa bendicionnin Cristo Jesusnejta gentilesman chayanampaj. Ajina fenejta Dios qonawayku karqa, chay Espirituta jap'inaykupaj.

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.

Hebreos 2:17

Chayrayku, hermanosninman tukuy imapi rijch'akunampi karqa, khuyakuyniyoj, kuraj sacerdote churasqa kaspa, Diospa tukuy imasnimpi junt'aj, runakunaj juchasnintapis pampachanampaj.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

1 Juan 2:2

Jesucristoqa wañorqa juchasninchejta pampachanampaj; manataj juchasninchejraykullachu, astawanqa tukuy runaspa juchasninkurayku.